هل من حق الادارة منعي من الاتصال بالموجه ؟

ادارتنا متشدده حيييل حييل مانعتنا من الاتصال بالموجه.

واذا تبين تتصلين علية لازم تاخذين اذن من المدرسة الاولى وبعدين تاخذين اذن من الادارة .

فأنا مستغربه اول ادارة تمر علي بالشكل هذا.

فهل لهم الحق من منعي؟؟؟؟؟

والله ما ادري انا موجهتي رقمها عندي وادق عليها باي وقت ابي وبدون ما اقول حق احد اني بدق

لا حبيبتي مو من حق احد يمنع اي معلمة من الاتصال بالتوجيه حتى لو كانت المعلمة جديدة

قلبي يقول انهم ما منعوا هالشي الا من بلاويهم
أو وهذا مستبعد

ان التوجيه طالب هالشئ

_03ba:

لا حبوبة عادي تقدرين تتصلين بالموجه اي وقت مو لازم بإذن

عادي تتصلين على التوجيه اذا تبين تسألين عن المنهج او عن اي نشاط

لكن في حالة مشكله او شكوى عن القسم او الاداره ,, المفروض تنحل المشكله مع الاداره وما ندخل التوجيه

اكثر من مدرسه اريت عليها متبعين هالاسلوب

الله يعينج علي هل الإدارة

لا مو من حقهم

بس كعرف اذا بترجعين للمنهج تقولين لمدرستج الاولى

وهي تتصرف مع الموجهه

اما المشاكل لا محد له حق يمنعج

انا ابي اتصل عالموجه عشان الندب

صراحة الادارة متشدده حيييييل وهذا شي تعب نفسيتي تخيلوا والله والله احنا 20 معلمة بغرفة وحدة 6 كويتيات والباقي كلهم مصريات

صراحة الغرفة زحمة وكلمت الادارة والله 3 أيام ورا بعض وقالولي احنا نبي القسم بغرفة ووحده

وازيدكم من الشعر بيت والله حتى ماعندي مكتب ولا كرسي اصلا مافي مكان احط فيه المكتب و الكرسي

والله تعبت تعبت وازعجت زميلاتي كل يوم احط تحضيري ودفاتر الاملاء والتعبير عند زميلة غير والله احراج احراج

فأنا تعبت الادارة مو متعاونه معانا فأنا الحين ابي اندب واذا الموجه يقدر ينقلني زين على زين

ومشكورين على مروركم والله ريحتوني نفسيا اني اقدر اتصل عالموجه بدون خوف من الادارة لانهم مالهم حق انهم يمنعوني

عيل انا قالولي اذا تبين تشتكين لازم تستأذنين من رئيسة القسم والناظره انج تبين تشتكين ههههههههههههههههههههههههههههههههه

حلو هذي قاعده اتخيل روحي رايحه لرئيسة القسم يا ام فلان ابي اشتكي عليج ممكن ؟؟؟؟؟؟ هههههههههههههههههههههههه

لا حبيبتي عادي اهما يقولونلج هالحجي لانهم خايفين تفضحينهم

حبيبتي حل مشكلتك مو عند الموجة
الافضل تروحين للمراقب اللي انت تابعه له وتشكين له حال المدرسة
وكيف ان 20 مدرسة قاعدين في غرفة وحدة كانهم دجاج
مو يقولون ان المدارس ما فيها اي نقص في الاثاث
روحي له وان شاء الله كل شي بيكون على ما تحبين
والله يعينكم على الحر والخيسة

هههههههههههههههههههههههههههههههه

لا عادي حبيبتي

مو شرط تاخذين اذن منهم ..

يعني لاهم راحمينج ولا هم مخلين رحمه الله تنزل عليج …

صج استبداديه

محد من حقه يمنعج تتصلين بالموجهه
الا اذا اهم خايفين انج بتشتكين من الادراه
بس اذا المدرسه واثقه من الاداره ما اتوقع يمنعونج

بدون اذن بس ان في مشكله تحلينها معاهم

بالنسبه ل 20 مدرسه بقسم الله يعيييييييييييينج

اشوه اني اداريه و ماعليه رأيسة قسم بس الي اشوفه انه عادي المدرسه اتدق بدون لا تاخذين أذن