هل من الممكن ؟!

سلام اشلونكم يا احلي حوامل
حبايبي عندي سؤال
اصغيررر
اذا كان عندج عرس اختج او اخوج مثلا وانتي حامل بالشهور الوسطيه
هل تقومين ترقصين ولا تكتفين بالقعده ؟!
انا بالرقص اقصد الرقص الخفييف حييل الي بس تمشين وتحركين ايدج او تهزين جتفتج
ولا تحسون ان الناس بتعيب او مثلا عن العين ؟!

خخخخخخخخخ

خوش سؤال نشوف ردود البنات

يوم كنت حامل مامر علي عرس

يسعدني مشاركتج يا عمري وانا فعلا فيني فضووول لان استغفر الله يوم قبل لا احمل مافي عرووووس ومن وين لي وين نسمع ان في عرس
الحين عندنا ٤ حفلات بشهر واحد ماشاءالله ومن اهلي حيل واقرابي

انا اقول قبل لاتدشين العرس ارقي على نفسج واقري المعوذات وارقصي خفيف مثل ماقلتي بس ماتكونين واقفة بالعرس وجذي قعدي ورقصي مرة بس / والله الحافظ

مادري عن نفسي مرة صار عرس كان ودي اقوم بس حسيت شكلي بيصير غلط لوووول

فأتجنب الاحراج

بس عن العين لاتقومين والله الناس ماتعطي خير استغفرالله

اذا اخوج او اختج رقصي خفيف ..بعدها قعدي…

انا ماجربت بس اتوقع اقعد لما توصل اختي ورقص جدمها وغنيه اذا كانت خاصه في خوتها وبعدها اقعد اهم شي سلامتي انا والبيبي واكيييييييييد ارقي نفسج ولا تحووولين تشدين حيلج ناس ماتعطي خير وتحياتي وان شاءلله يارب يهني اختي واختج واتمني لما يجي عرس اختي انا حاااااامل وكرشي جدااااامي وناسه. بيكون شكل غير هههههههههههههه

عادي رقصي
الياهل مو معلق بخيط تخافين ينقطع ربج الحافظ

شكثر شفت حوامل يرقصون واخرتها تجي امها او خالتها تسحبها مع ايدها من البست واتقعدها

ارقي نفسج … وحزة الرقص هزي خفيف حيل لاتبالغين
واذا ماتبين ترقصين مو شرط الناس عاذرتج

لو انا ارقص
وسويتها عادي
واختي بعد ارقصتلي واهيا حامل بعد

بس طبعا على الخفييف*

انا اكتفي اني اصفق وانا قاعده بس لان موناقصين عيون واحراج

انا كان عرس بنت خالة خالتي ام ريلي وكنت داشه شهري فرقصت عادي
وقبل جم يوم عرس بنت اخوها ورقصت رقصه عالخفيف وخالات زوجي
وامي وامه قالولي لا اتهزين واتسوين حركات وايد والحمدلله مافيني شي

ورفيجتي بعرس اختها كانت بالثامن كانت قاعده ووقت دخلة اختها وقفت
وبمكانها اتهز جتفها وايدهاا…

انتي ريحي وعن خاطرج رقصي شوي