|
|
حقية من اكثر ما مر علي في حياتي مما استغربت منه !!
كنا في لندن قبل كم شهر… في الفندق الذي نزلناه.. على الافطار كنا نرى شاب خليجي يفطر لوحده كل يوم …
هو شاب وسيم .. رزين .. مؤدب حسب الظاهر .. دائما لابس تريننغ سوت ….
كان يمر علينا (نحن عائلة ) .. يقول بكل ادب " السلام عليكم "
ذات يوم صادفه اخي في لوبي الفندق … وتحدث معه يمكن ساعه …
قلت في نفسي " شباب ويولفون .. وهذا الشاب وجهه سمح ومؤدب … الظاهر اخوي استلطفه .. مع ان اخوي قليل التعارف مع الاغراب" ….
لما اتى اخي لنخرج من الفندق كان يستغفر الله كثيرا ويكرر " الله يفرج عنك ويوفقك " !!!
ركبنا السيارة للرحلة .. سألنا اخوي … " شالقصة " ؟؟ … " شفيك" ؟؟
قال قمت اسولف مع هالولد ..عرفت اسمه … وعرفت عائلتهم .. ( وهو من عائلة طيبة) ..
سألته عن تواجده في لندن لان الوقت ليس وقت سياحة …
قال انه لا يسكن الفندق اصلا … ولكنه يأتي يوميا للافطار
وفهم منه قصته وهي ….
انه قبل سنه وزيادة … طلب من والدته ان تخطب له فتاة ليكمل نصف دينه …
وفعلا … دورت له .. ولقت له وحدة وافق على الزواج منها .. وهي من عائلة لا تربطهم بها اية علاقة …
قرر ان يسافر مع زوجته الى لندن لقضاء شهر العسل …
بعد اسبوعين … كانت تشتكي الزوجة من تعب واعراض اخرى
اخذها الى الطبيب ….. بعد الفحوصات الكثيرة …
تبين انها مصابة بالسرطان في مكان في الامعاء !!
الله يبعد عنا وعن المسلمين
طبعا هي فجعت .. وهو انصدم !!!
…….. المهم بدأت رحلة العلاج والترتيبات والذي منه
بعد فترة … بعض اهله قاموا يقولوله … الله يشافيها ويسهل عليها … بس انت انتهى دورك .. والدور على اهلها
(( يعني اتركها … انفصل عنها ))
ولكنه اصر الا يتخلى عنها !!
وهو معها في لندن مدة سنة الان منذ وصولهم لقضاء شهر العسل الى ذلك الوقت !!!
قال حق اخوي " اب وجه الله في هالمسكينة .. وانا سألت نفسي .. لو بالعكس انا اللي فيني المرض .. هل كنت احب انها تبقى لجانبي .. والا تتركني … فسويت اللي انا احب هي تسويه معاي لو كنت مكانها وهي مكاني "
اخوي طبعا دعاله … وتركه من كثر ما تأثر في القصة (و لليوم اذا قص القصة تدمع عينه .. وهم انا بصراحة)
والا هالريال … متزوجها بدون معرفه … ومدة معرفتهم الله اعلم كم شهر …
لو واحد ثاني جان يقول … " شنو ذنبي " ؟؟
كا تركها من اول يوم ….
لكنه والله رجل بمعنى الكلمة … صبر وظل معاها … سنة كااااملة في العلاج في الغربة وهو شاب ( عمره يمكن 27 او 28 )
فكم رجل موجود بيننا كهذا ؟؟؟
فنعم الرجل هذا … ونعم الاخلاق … ونعم الصبر .. ونعم الايمان
نسأل الله ان يتمم على هذا الشاب الذي لا اعرف عنه اكثر مما سمعت عن قصته …
والله يهدينا جميعا لما يحب ويرضى
…………………. وتبقى مجرد وجهة نظر
وهذا دليل علي قلبه النظيف وصدق ايمانه بربه
وصدقيني ربه بيعوضه اضعاف اضعاف اللي قاعد يسويه الان مع زوجته
والله ياجره خير ويجعله بميزان حسناته ويشافي زوجته بأقرب وقت
وبرايي هذا الشاب الطيب الحنون من النوعيه اللي على وشك الانقراض بديرتنا !!
الحين الشباب مايتحملون يصدون هالمغريات الي برة والرجاجيل مايقدرون يتحملون يشوفون جذي
ويصبرون زين انه صابر والله يصلح الجميع
الله يشفي مرته ويردها سالمه
صج هالنوع ناااادر
والله الواحد يسمع قصص تعور القلب مرته من سنين وام عياله ومايصبر عليها الا مستعد يزيدها على اللي فيها ويجرحها زوود بدال لا يوقف يمها
ادعولها يا بنات
قصه مؤثره
ونعم الرجل ولله
|
المشاركة الأصلية كتبت بواسطة مدندنه
 والا هالريال … متزوجها بدون معرفه … ومدة معرفتهم الله اعلم كم شهر …
لو واحد ثاني جان يقول … " شنو ذنبي " ؟؟ كا تركها من اول يوم …. فكم رجل موجود بيننا كهذا ؟؟؟ …. |
!!!!! شدعوه ردود البنات !!!! لهالدرجه شبابنا طايحين حظ ومافيهم خير
وشدعوه الي يقول شنو ذنبي ويتركها من اول يوم !! اسمالله!!!!
صراحه انا اشوف وايد مبالغه بالموضوع والردود .. ترى شبابنا فيهم احساس حالنا حالهم
اشوف اي واحد راح يسوي الي سواه ماسوى شي عجيب غريب ولا شي فلته
اي واحد بيقعد مع مرته إلين تتشافا
واعتقد الأغلبيه جذي
اصلا بالعكس
الردي وجليل الاصل الي يخلي مرته عشان صابها سرطان قليل ^_^
واظن الي تعاكسني بالراي اكيد مرت بتجارب الله يعلم فيها عشان جذي صارت نظرتها لأغلبية الشباب جذي ^_^
وتبقى وجهة نظر ^_^
والله يشافيها يارب ويصبر ريلها
ونعم الرجل
يارب تشفي زوجته يارب
ومشكوره عالموضووووع