|
|
قصة واقعية حصلت في ليلة الدخله
اول شي انا وضعت هالقصه
لعرف ماهي ردودكم على مافعله هذا الرجل بعروسه
اليكم القصه ..
شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :
الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه
والمفاجأة … ؟؟؟؟؟؟؟؟؟؟
يدخل زوجها عليها ويرمي لها (50000) خمسين ألف ريال قال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين
ايش ردودكم على اللي سواه الزوج
اما من ناحية وشهو ردي اذا طلب مني هالشي يبطي عظم < 
تخيلي مكياج وفستان وتسريحه وعرووس وبأول ليله وخاايفه وحياه جديده ابي اشمر عن ذرعاني واطبخ 
اذا خلاص تم الامر وصدق ربعه يبون يجون يروح يشتري جاهز ؟ ولا اقوله ربعك مالقو غير هالحزه يجوونك
عساني ما اكون بهالمووقف وربي صااحبة القصه مسيكينه تبي تثبت نفسها من اول ليله هههههههههههه ريحة بصل وعععععع
الترف مشكوره خيتوو
ونبي نعرف ردتس اني بعد
ودامه زوجي ابيه يكون بافضل صوره
شنو عروس عادي
لاحقه وبعدين ارتاح من اول ليله ههههههههههههههههههههههههههه
انا راح يكون موقفي اني بعطية نظرة استحقار عشان يعرف انة غلط. وراح اقول انت جايبني من بيت اهلي بأول يوم زواج اطبخ؟ ماطبخت لهلي اطبخ لربعك. وين خواتة واهلة ولابس جات علي انا يالعرووس …؟ تذكرني القصة بكلمة
قاااات الحزينة تفرررح ..وماللقتلهااش مطرح .. الا لقت لها مطبخ ههههه ويخسى الرجال اللي نفس كداااا. وتعيش تعيش العرووووووس العووووووووووبة خخخ..
بس حلووووووووووووووووووه الــ 50000
فديتج والله وفديت موآضيعج ياعسـل,,
صاجين البنآت شفيهآ لي طبخت يعني اخليه يطلع بسوآآد الويه ؟؟ مآ يصير؟؟
عـآد بحـآآول فيه يجيب عشـآ جـاهز وإذآ مآقدر بطبخ,,
ويـه نسـيت أنآ مــآ عرف أطبخ لووووول
يعني ما اعتقد بيراهن على شي زوجته ماتعرف تسويه خخخخخخخ
يعطييج العافيه ..
بس انا لو بدالها بقول له انا ماعرف اطبخ خخخخخخخخخ
والي انا سمعته بعد انه كان زبيدي,,
اهو صح اسوي له واطلع قدامه بالزينه واهيا طبخه طبخه
بس هذا مو معناته اني يتراهن هوو وربعه علي
شنو ماكو سالفه مع ربعه غيري اصى بتقل قيمته بعيني,,
وشكرااااا
اكيد باسوي العشى .، بس راح احذف الفلوس بوووجهه لاني ما اقبل اكون رهآآن .!
ككككككككككككككككككككككك
والطبخ ماياخذ وقت بناتـ يعني عادي
واول وتالي انتي طابخه طابخه شنو يعني..!!
علشان انها اول ليله!!
مومشكله ترووح الرهبه لو دخلتي المطبخ وسكرتي الباب وطبختي هههههه
تطلعين تعبانه وتنامين وينسى هو اول ليله *_^ هههههههههههههه