هل تفضلين خيانة الزوج ، أم الزواج بثانية ؟

كل وحده تدخل تدلي بدلوها
والموضوع واضح من عنوانه

انا اول وحده بجاوب

عني نفسي وبما اني أم الطيب والتسامح فماعندي مانع انه يتزوج من ثانية على انه يخوني مع وحده مو معروف راسها من ساسها تجيبله المرض وبالتالي يجيبه لي

الله لا يقولها…
بس بالنسبه لي كل وحده العن من الثانيه وثنتينهم نفس المصير اني مستحيل اضل معاه حتى لو على قص رقبتي وحتى لو حزتها ضعفت ورديتله هم ما اطول معاه اقعد فتره قصير لين أأٌلم نفسي اني اوخر عنه و اوخر لاني اكوون كرهته أكــــــــــــــــيد

الصراحه انا بالنسبه لي ما اوافق على ولا وحده منهم
لانه هالشيين راح يكرهوني فيه وراح يجرحني وطبعا هالجرح ما راح انساه
لانه جرح مشاعري فاذا فكر بهالشي انا افضل انه كل واحد بطريج الصراحه ماني مستعده افكر واذبح نفسي بالتفكير وانقهر
ومشكووره ام الطيب عالموضووع

الخيانه

الله يكافينا الشر ولا يبلانا

بصراحة ادا بتشوفونها من ناحية الشرع فالزواج من الثانية استر اما من الناحية النفسية يمكن المرأة تختار الخيانة بدون علمها افضل عن جهالة طبعا

وانا عن نفسي اخليه يتزوج الثانية بس يردني بالأول بيت أهلي بعدين يسوي اللي يبي يسويه …… خاصة ادا الوحده مو مقصرة معاه ولا مع اهله …..

وسلامتكم

ممكن لو يخونني بدون لا ادري …عندي اهون منه يتزوج علي

لا تضحكون علي ها ترى هذا رايي

انا اختار يقص تذكره ويروح صليبيخات احسن لا الخيانه ولا الشريجه يروح يقيم في صليبيخات واذبح له ضحيه كل عيد واوزع نافله حقه بعد شيبي

ترى الله حلل الزواج من اربع نساء لا تحرمون ما حلل الله وذلك لاسباب كثيرة اهمها
الطاقة الزايده للرجل
مرض الزوجة او هجرها
زيادة النسل وهذا الاهم
القضاء على العنوسة وهذا ما حصل الان
والخائن يضل طول حياته خائن ولكن ما احلى الحلال
فيا اختي لا تحزني من الزواج الثاني لزوجك فهي افضل من خيانته
راي شخصي مع احترامي لأرائكم

وأنا مع دارين ههههههههههههههه عين العقل ..

بالحالتين اعووووووووووووووووفه
موناقصني شي ويحمد ربه انه خذاني

وامخترت ولاوحده لاني ماعيش معاه بالحالتين ماقدر قلبي يكرهه

يتزوج احسن

مشكووورة حبوبة عالموضوع

من ناحية الامراض والايدز اعوذ بلله فالزواج اكيد احسن وحتى دينة اذا الابو زاني العيال شيطلعون فعشان الاسرة تنجح لو على حساب مشاعر المرأة الزواج افضل

اما الخيانة ضياع في كل الحالات للعيال واخلاقهم وللزوجة وللكل

لكن انا ماشاركت بالاستفتاء لان ماراح ارضى بالحالتين

يتزوج بس ما يخون!!!!!