|
|
بنات سؤالي يقول هل اتفضلين انج اتسوين استقبال في المستشفى و الناس اتييلج علشان ما اتييلج في البيت و لا تفضلين في البيت اييولج
مع إنه تبهرج وخسائر
بس بصراحه
يفك الوحده
بدل ما كل ساعه أحد يايني بالبيت أيون الكل بالمستشفى
وبوقت النفاس أرتاح بالبيت
من غير صيحه ولا لوية
انا عن نفسي علشان الراحه في البيت بالمستشفى الياهل مو عندي و انام عدل اقدر استقبل الناس في المستشفى بس بالبيت لا لأن سهر و تدريس عيال و في ناس ما يقدورن الوقت فأفضل المستشفى
لأني بالطبيب اكون تعبانة ومالي خلق لوية الناس
مع التحية…………..
انا خالتي بطرش مسجات حق اهلهاا كلهم انه في استقبال وجذي يعني مسج حلوو عشان ايون مره وحده المستشفى
وامي نفس الشي بتقول حق اهلهاا
بس بعدين خالات ريلي قايلين كل يمعه اتكون يمعتهم في بيت يد ريلي وبيت يده يم بيتناا فبيون لي كل جمعه هذا عادي
بس انا اقصد الناس يعني مثلا بنات خالة خالتي او بنات عمها يعني من بعيد افضل بالمستشفى احسن
ما ادري عن عيون الناس احنا اهلنا يقولون النفاس اسم الله عليكم قبرها اربعين يوم مبطل
فا احسن سي بعيد عن عيون الناس
up
بولادتي الأولى بس القراب حيييييل يوني المستشفى لأني قايله إني بسوي إستقبال بعد الأربعين و الحمدلله كان كل شي أوكي
و بولادتي الثانية نفس الشي بس ماسويت إستقبال بعد الأربعين صارت لي ظروف
وهالمره محتاره ودي أسوي إستقبال بالمستشفى بس ما أبي خبّه و ماودي لأن ما أحب أجبر الناس إيون المستشفى بيوم معيّن و بعدين راح تكون ولادتي بالصيف و الكل مسافر
يعني حق الأهل حياهم الله بالمستشفى و البيت بس الغرب الأفضل بعد الأربعين و بعد عن العيييييييييييين
يعني بالأغلب راح يكون بعد الأربعين حتى إشعار آخر
اب
بس ساعات احس ان استقبال البيت اضبط بالمواعيد وتظمنين 90% من الناس تحظر استقبالج
لان استقبال المستشفى يكون فجأه
بس هم افضل المستشفى لاني مالي خلق بالبيت الياهل يبجي وعيالي يحوسون وانا بعد النفسيه ماشاء الله تهبل
ولاردت البيت ترتاح وبس
اماا عن الاستقبال الكشخه وجذي ولبس وعباله انا افضل بعد الاربعين احسن عشان الوالده اتكون خلااص خلصت من التعب وطلعت من الاربعين