السلام عليكم ورحمه الله
اشلونكم حبيباتي
حبييت افرفش لكم عن كل اللي في صدري واخترت هالقسم لاني لازم امر عليه كل ما شبكت
راح اتكلم بكل شفافيه وكأ ني اكلم نفسي
يوميا اواجه امور اكبر من احتمالي لكن الله عز وجل رحمته وسعت كل شي
كنت احف وخليت الحف حبا في رضا رب العالمين
كنت اتهتون في صلاتي لكن الحمدلله الحين احسن واواظب عليها مو بس جذي قمت احس فيها
كنت احب انتقد الناس قمت وغيرت طريقتي علشان ما اغتاب احد واحاول ابدلها في مواضيع ما تمس احد حبا في رضا ربي
ما نسيت امي ولا كل انسان له جميل علي
ما احب اقطع رحمي واصل اللي اقدر اروح لهم من اهلي
ما نسيت ابوي الله يرحمه والدعاء له
سويت اشياء لوجه الله مابي اذكرها
لكن
ليش اموري متعطله
ليش حالتي الماديه سيئة
ليش عيالي ما يسمعون كلامي
ليش اطلع من مشكلة وادش مشكلة
ليش ما احس بالسعادة اللي اشوفها في عيون الناس ليش كل ما اعالج مرضي يرجع مرة ثانيه
اكيييييد في شي
علشان جذي ربي يعاقبني
وانا ما اعترض على حكمه لكن العبد ضعيييف
ومالي غير دعاء اخواتي في ظهر الغيب
ربي اني أسألك ياذا الجلال والإكرام
ربي فرج هم هجووره
ربي اشرح صدرها
ربي اشفيها واحفظها
اللهم اميييييييييييين
بس نقطه واحده ما سوها
هو حسن الظن بالله
احسني الظن بالله كثيرا
وتصدقي
قولي الحمد الله
وشوفي حياتك كيف تتتغير
اسمعي محاظره عبد الكريم المشيقيح قدره الله عز وجل وطبيقيها وشوفي النتائج
وما من ضيقه الا بعدها فرج ان شالله
الله يفرج همج ويهون عليج ويسهل كل امورج
انا مريت بظروف الله لايوريج وكنت دايما اقول اكيد ربي قاعد يعاقبني او اكيد ربي مايحبني وهالكلام كله من ابليس اعوذ بالله منه يحاول يخلينه نفقد الامل برب العالمين او انه ماكو فايده لو مهما تقربنا من الله سبحانه
شوفي حبيبتي اذا تبين كل الي فبالج يصير اولا احسني الظن بالله ثانيا توكلي على ربج بكل شي ثالثا عليج بالاستغفار كثر ماتقدرين 1000 او 2000 او 10000 مثل ماقتلج كثر ماتقدرين وبتشوفين شلون ربي بيفتحها عليج انشاءالله
نصيحه لو مهما تزيد ظروفج سوء دايما احسني الظن وتوكلي على الله وكثري الاستغفار والصدقات ولاتنسين الدعاء بكل حزه والصلاة بوقتها وانشاءالله بتكونين اسعد انسانه
وهذي نصيحه ثانيا دايما شغلي وقتج ولا تقعدين فاضيه عشان ماتاكلج الوساوس والهي فبيتج وعيالج ودايما تذكري الاشياء الحلوه فحياتج
السعاده عندما لا تجد وقت للتفكير بالحزن
وعسى الله يفتحها عليج من اوسع ابوابه ويرزقج القناعه وراحة البال امين يارب العالمين
وحسن الظن بالله
قال النبي – صلى الله عليه وسلم – : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم
ال [ ليش ] هذي واللي انتي قاعده ترددينها اهي اللي مسببتلك عدم رضى !
تدرين شنو الايمان بالقدر خيره وشره ؟
ان المثصيبه تمر عليك وانتي ملؤكِ رضى وقبل من رب العباد ..
إيّاك يالغلااا ترجعين حق كلمة [ ليش ] والله مالها الا تفسير واحد [ السخط والعياذ بالله ] انا ادري بتقولين انك راضيه
لكن ما رح اصدقك وانتي تقولين في تتمة موضوعك ليش وليش وليش ..!
.
الله يصب في قلبك من اليقين ما يهوّن به عليكِ مصآئب الدنيا .
حبيبتي بس بقولج شغله وحده
لازم تعرفين انه الله اذا احب عبد يبتليه يبي يشوف قدرتج وصبرج
والله يسهل عليج ياقلبي
ولاتنسين الاستغفار خليه دايما بلسانج والله يسهل عليج ويثبتج اللهم امين حبيبتي
ولاتقولين الله معاقبني
قولي الله يحبني علشان جذي ابتلاني
والله يسهل عليج دنيا واخره
وانا على ثقة مطلقة بربي ارجو من الله الثبات لي ولكم
بالعكس فرحي اسأل الله العلي الاعظيم ان تكوني من احبائه اللهم امين اجمعين انه الله ان احبااا عبداا ابتلاه
يمكن هذا الابتلاء يخففج اذنوبج الاولية حكمة من ربي العالمين وراح اتجوفين الفرج ان شاء الله
الله سبحاانه يحب الي يصبر
والله يفرج لك ويسخر لك اولادك في برك ويرزقك من حيث لاتحتسبين
واخيرا احسني الظن بالله تعالى