|
|
السلام عليكم خواتي
هذا الموضوع حيرني البارحه. كنت بالسوق مع عيالي ولما ركبت السياره جاتني
مره كبيره بالسن وقامت تبكي قطعت قلبي عندها بنت مريضه وتعالجها بالكويت(هم من
المدينه) وقالت ان العلاج اكل فلوسهم وماعندها فلوس تكمل الايجار المهم عطيتها
مبلغ محترم مارضت وطلبت خمسين دينار وقامت تبكي مثل الجاهل فعطيتها اللي
تبيه واحتسبتها صدقه ودفعة بلا بعد خمس دقايق وكنت ماشيه بسيارتي بالزحمه
شفتها تكلم حريم غيري اهني دريت انها نصبت علي لانها كانت تقول بس ناقصني
خمسين .عيل ليش راحت تطلب مره ثانيه والحين انا استغفرالله ندمت اني عطيتها
حسيت انها ماتستاهل وسؤالي هل يعتبر المبلغ اللي عطيتها صدقه ولا لا؟ هل لي
اجر ولا لا.؟ يعني اذا عطيتي وحده صدقه وهي مومحتاجه او نصابه هل لج اجر او
لا.؟ اتمنى الرد بسرعه
هالمبلغ؟ والله يشهد اني مستعده اتصدق باكثر منه بس اضمن انها راحت لاشخاص محتاجين
انتي عطيتيها بنية الصدقه
وان شاء الله يحسبها رب العالمين صدقه
لكن ترى اغلب اللي يفرون بالاسواق
جذب ونصب
لان اللجان الخيريه قاعده تصرف على كل العوائل المحتاجه
وهذا شهريا
يعني مرات هم احنا بالسوق
مو بحاجة الفوط مثلا والكلينكس لكن اشتريهم من اليمنييين الصبيان الصغار اللي بالشارع يكسرون خاطرنا
وانتي اذا بتتصدقين عندج اللجان مو تصدقين اللي يتمشون في الاسواق
وغيرها اغلبهم مو صججججججججج
مره كنت بالسوق مع امي جتنى حرمه وقالت انا مسكينه ومن هالكلام بصراحه انا ماعندي شي
قلت لها بالحرف الواحد : يعطينا ويعطيج الله والله ماعندي لوعندي ابشري
قامت وحطت ايدها على خصرها وقالت :: اجل ليش جايه السوق ؟؟؟؟؟؟؟؟؟
تخرعت وقلت لها : جايه مع امي <========( كنت خبله والله )
قالت : عجل وين امج ؟؟ <===========حسافه ياليتني عطيتها سطار بس كنت مو بوعي الصبح جايه سهرانه
وانا من خبالي أشرت على امي وانا مصدومه ؟؟؟؟؟ وراحت تطر من امي جدامي تخيلو …
هذا الطراره اللي عيونها زرق بسوق الفحيحيل كل مكان اشوفها حتى بسوق الجمعه مره رحت مع اهلي ولقيتها يماي منها ..
بس صدقيني اختى كل شي على النيه (( وعلى نياتكم ترزقون ))
انتي فوضي امرج لله ولا تحسفين عليهم صدقيني كل شي على النيه يا اختي وان شاء الله تكون بميزان حسناتج ………
لكن الفرق اني قصرت على عمري وعيالي وكان حزت عيد وعطيتها والله كسرت خاطري
وبعدين لما عرفت سالفتها استغفر الله تحسفت 
المهم ان نيتي الصدقة ( انما الأعمال بالنيات )
وادعي ربي انها تكون بميزان الحسنات
