هل اهو شك او غيرة او فسروا لي اياه بليييييييييييز

السلام عليكم خواتي
شلونكم وشخباركم
بقول لكم مشكلتي مع زوجي بدون مقدمات
حياتي معاه جدا عاديا مافيها رومانسية ولا حبني واحبك
بس المشكلة انه يبي يعرف كل خطوة اخطيها وكل عطسه اعطسها
لو اتصرف باي شي من راسي بدون ماقول له يزعل ويطنقر
على سبيل المثال قلت له بروح مع امي المكان الفلاني وامي غيرت رايها ورحنا مكان ثاني ونسيت اقول له اني غيرت المكان اللي بنروح ، لما يدق ويعرف اني غيرت المكان يعفس الدنيا ونتهاوش وتصير سالفه على ولاشي
يعني اهوة يشك فيني ولا مو واثق مني ولا غيرة ماصخه
اكلمه واقول له ان هالشي يضايقني ولا اخليه
مادري شسوي يعني هذا مثال عادي اللي انا قلته تخيلوا حياتي كلها جذيه ومايصير يمر اسبوع بدون هالسيناريو
فيدووووني بليييييييييييييييزشسوي معاه
ومشكورين وسوري عالطوالة

حبيبتي

عادي هذي غييييــــــره

يغار عليج

وانا .. زوجي معاي جذي لازم يعرف كل شي عني . واذا رحت مكان مع اهلي غير
المكان اللي قلت له يعفس الدنيا.. اهو رجال ومن حقه يخاف عليج ويغار عليج ويحاتيج

مشكورة حبيبتي على ردج
بس والله مليت من هالوضع يعني لما اكون بالبيت واهو طالع ما يدق علي ولما يدري اني طالعه كل ربع ساعه يدق
يحسسني جنه يشك مادري شلون والله

مادري والله اهوا على حسب شخصية الريال في رياييل يسون جذى على انها غيره وفي على انها شك

اذا كان هالشي يضايقج قوليه اكيد بيقولج ليش اهوا يسوي جذى وبجذى تعرفين اذا كان يخاف ويغار عليج

او اذا تهرب او مادري شنو يعنى يشك فيج وتلقينه مخربط لي الراس قبل

بس ان شاء الله يكون خايف عليج ويغار بس ترا في وايد رياييل نفس ريلج عادى يخافون ويغارون على حريمهم

يعني اتهقين اكلمه ولا اخليها بقلبي عشان ارتاح وافهم اهوة شنو قصده

سمعي اذا مره ثانيه صار هالموقف معاج
دقي عليه قوليله تري غيرنا المكان علشان لا تتهاوشين معاه
كلها تيلفون وتبلغينه

ومن حقه يعرف زوجته وين راحت

ااكييد سئلييه تلقينه بيقولج انتى حبيبتي وانا اخااف عليج ولازم اعرف وين تروحين يكن يصير شي

لا سمح الله يعنى شنو اسوي بدنيتي من دونج xD

ان شاء الله يطلع منه الحجي الحلو ويطيرج فووو اي سئليييييه xD

,اذا كنتى صجج مت ضاايجه قوليله ترا اتضايج اكيد بيوصلج رد شافي منه

عادي لو مو مهتم فيج قال بالطقاااق
بس لان تهمينه وخايف عليج
انا ريلي جذي بس يزعل يعني مايزف
احس ان متظايق

نفس حالتج ياقلبي

بس شنسوي

هذي غيره ممزوجه بقليل من الشك الحال من بعضو بس الحمدلله خفت حيل

حبيبتي اول الزواج معرف الرجال يغار على مرته ويخاف عليها استحملي اشوي عشان حياتج

صراحة انا أحسها قلة ثقة وشك أو ممكن نقص فيه ويحب يحس انه يعرف كل شي ممكن يا لأولى يا الثانية..إنتي فهميه أنج كبيرة ومسؤولة وراح تحفظينه وين ماتروحين وان المكان مايفرق يمكن يستوعب شوي ويهدا

يعني معقولة كل هذا اهتمام مو شي ثاني والله مادري محتارة
خل يوصل شوي واتفاهم معاه ذا بطل معاي هالموضوع اليوم مرة ثانية

الله يعينج صفة موحلوة بصراحة وتنرفز
عسى الله يهدية لج
تقبلى مرورى

اذا توكم متزوجين هالشي طبيعي