|
|
السلام عليكم
قال رسول الله عليه الصلاة والسلام (أيما امرأة سألت زوجها الطلاق من غير ما بأس فحرام عليها رائحة الجنة) .
تزوجت عمري 19 من شخص اكبر مني ب14 سنه
كان لاباس فيه يعني عيوبه عاديه
بس مشكلتي كانت عدم القبول ماحبيت هالشخص وطلبت الطلاق وعندي منه ولد صارلي سنتين وشي مطلقه ورجع ألحين يبي يرجعني بس رفضت…لنفس السبب…وهو عدم قبول الزوج
هل انا اثمه؟
هل انا ظالمه؟
مو متقبله هالشخص نهائيا لو مهما يسويلي
هل راح اتعاقب من رب العالمين؟
دام اني عارفه نفسي ماراح اسعد هالشخص ليش ارجعله؟
الله يخليكم تساعدوني وتجاوبوني
نصيحتى انج تبذلن كافه الاسباب وتستخيرين اولا واخيرا وحاولى تقري البقره كل يوم وترقين نفسج يمكن بينكم عين علشان جذى مو متقبلته نصيحتى لا لالالالالالالا تضيعين ابو ولدج وزوجج من ايدج دام انه مافيه عيوب ويبيج وشاريج قوليله عطنى فرصه وارقى نفسج واستمرى على البقره وكثرى من الاستخاره وكررى الدعاء اللهم الهمنى رشدنى واعذنى شر نفسى واكثرى اكثرى من الاستغفاااااااااااار ولا تستعجلين كلش شوفى هالبنات الللى يتمنون يتزوجون وشوفى هالمطلقا اللى ناااادمين على طلاقهم وعلى كلمه مطلقه ويتمنون لو ان ازواجهم يرجعون لهم وشوفى هالللى متزوجه مدمنه او مسجون او مريض ومتحمله وشاكره لا تضيعين نفسج وولدج وتصيرين عاله على اهلج والله والله والله محد يتحمل احد فى هالايام عزى نفسج فى بيتج وعزى ولدج عند ابوه ولا تطيعين الشيطان تاكدى ان مافى شر يفرق بين الزوجين الا انه من الشيطن تعوذى من ابليس واستغفرى وارجعى لزوجج وبشرينا
مدام يبيج و شاريج ليش ماتبينه
بذمتج منو مطلقه هالايام و زوجها يبي يرجع لها بدال لا يتزوج وحده ثانيه تسعده و تهنيه
حبيبتي استغفري ربج و ادعي ربج يهديج له و يسخر قلوبكم لبعض
و حرام مدام عنده عيال و يبيج رجعي له
اعطيج نصيحه اخذي اللي شاريج و يحبج و لا تاخذين اللي انتي تبينه لان انتي بدالخج تبينه بس ماتدرين هو شنو بس لا صار هو اللي يبيج و متمسك فيج لا و الله معناته بيسعدج و يهنيج
تقبلي مروري
|
المشاركة الأصلية كتبت بواسطة yam_yam
 حرام عليج
مدام يبيج و شاريج ليش ماتبينه بذمتج منو مطلقه هالايام و زوجها يبي يرجع لها بدال لا يتزوج وحده ثانيه تسعده و تهنيه حبيبتي استغفري ربج و ادعي ربج يهديج له و يسخر قلوبكم لبعض و حرام مدام عنده عيال و يبيج رجعي له اعطيج نصيحه اخذي اللي شاريج و يحبج و لا تاخذين اللي انتي تبينه لان انتي بدالخج تبينه بس ماتدرين هو شنو بس لا صار هو اللي يبيج و متمسك فيج لا و الله معناته بيسعدج و يهنيج تقبلي مروري |
صاجة
وتفاهمي معاه على الي مو متقبلته
عشان خاطر الياهل
أختي الغالية محد يقدر يقول أنج محرومة من الجنه هذا بيد رب العالمين
و أنتي ذكرتي أنج ما كنتي قادرة تتقبلينه وبعد نقطة ثانية الفرق بالعمر بينج وبينه
* روى البخاري من حديث أيوب عن عكرمة عن ابن عباس أن امرأة ثابت بن قيس أتت النبي صلى الله عليه وسلم فقالت: يا رسول الله، ثابت بن قيس ما أعتب عليه في خلق ولا دين ولكن لا أطيقه! فقال رسول الله صلى الله عليه وسلم: (أتردين عليه حديقته)؟ قالت: نعم
* عن قتادة عن عكرمة عن ابن عباس أن جميلة بنت سلول أتت النبي صلى الله عليه وسلم فقالت: والله ما أعيب على ثابت في دين ولا خلق ولكني أكره الكفر في الإسلام، لا أطيقه بغضا! فقال لها النبي صلى الله عليه وسلم: (أتردين عليه حديقته)؟ قالت: نعم. فأمره رسول الله صلى الله عليه وسلم أن يأخذ منها حديقته ولا يزداد
والمقصود بالحديقة يعني المهر اللي أدفعه لها الزوج
أنتي أستخيري ربج وصلي صلاة الإستخارة وبعد الصلاة أن شفتي أن محاولاته بأنه يردج ما نجحت معناته أنه هالأمر فيه خير لج ولكن أن شفت أن لا بالعكس صارت الظروف معاه وقدر يقنعج بأن ترجعين له معناته أن ردتج له أفضل لج .
فانتي يا اختي العزيزة..لاتركضين ورى هوا النفس…
الرجال ساترج..ولافيه عيب ينفرج منه…
عوذي من ابليس..واذكري ربج دايمن…علشان ترتاح نفسج..
مع الوقت..بتتاقلمين…ومراح ترضين تبدلينه باحد…
بـس الـقـبـول اهـم شـي وهـذا الـشـي مـو مـتـوفـر بـحـالـتـج
يـعـنـي مـو يـوم يـومـيـن .. عـنـدج مـنـه ولـد ومـع هـذا مـو مـتـقـبـلـتـه
شـوفـي انـتـي مـا تـقـدريـن تـغـصـبـين نـفـسـج تـحـبـيـنـه او تـتـقـبـلـيـنـه .. سـبـحـان الله الـقـلـب ومـا يـهـوى
مـشـاعـرنـا مـو بـيـدنـا
بـس دام الـريـال شـاريـج حـاولـي تـشـوفـيـن حـسـنـاتـه ورددي بـيـنـج وبـيـن نـفـسـج انـج تـحـبـيـنـه ومـتـقـبـلـتـه
وفـكـري وايـد قـبـل لا تـرديـنـه عـشـان ولـدج .. حـرام يـضـيـع
ولا تـحـاتـيـن انـتـي لا اثـمـه ولا ظـالـمـه بـاذن الله.. مـو بـيـدج هـالـشـي الـواحـد مـا يـتـحـكـم بـمـشـاعـره عـلـى كـيـفـه
الحب مايجى باغصب وانتى تقولى انه كويس بس مافى قبول وكان فى مثل حالتك ايام الرسول عليه افضل السلام وكانت تقول انه كويس جدا
بس مافى قبول بالمره والرسول قالها رجعيله اغراضه وتطلقى ومن منطلق هالشى كمان جاء الخلع
بس اهم شى تفهمى ان الله مو جالس يجبر الخلق ويعذبهم
بمعنى انك ماتحسسسنى نفسك انك راح ربك يعذبك عشان ماتقبلتى شخص وخاصه انك ماغلطتى بحقه
وان شالله تةصلى لحل
بس مفروض من البدايه ماستعجلتي وافقتي عليه
في التاني السلامه وفي العجله الندامه
الله يعوضك خير
ووينج من اول ما تطلقتي قبل لا تحملين شنو ذنب ولدج ؟
حمدي ربج قاعد يحاول يردج غيرج من يطلق يتزوج وحده ثانيه
وبعدين عاجبج لقب مطلقه ؟ وترى صعب تلاقين زوج ثاني واذا لقيتي ماراح يتقبل ولدج
خلف الله علينا نلزق روحنا برياييلنا غصب واحنا كارهينهم بس عشان العيال يا خلاف