هل العروس القصيره مشكله؟؟

مرحبا بنات..

انا طولي متوسط مو حيل طويله يعني بالعربي قصيره

بس بالكعب عادي
وطبيعة جسمي ضعيف شوي ومن الملجه للحين وانا احاتي اخاف ينصدم من طولي ويقول هذي عمرها 10سنين ولا شنو لأنه جسمي حيل ناعم وطفولي

يعني مو معقوله بالشقه بلبس كعب طول الوقت ومع القمصان كعب

والمشكله الملابس بدون كعب ووععع معروفه هذي الكعب رزه

شنو الحل والله احاتي

قولي الحمدلله ع كل حال ترا احلا شي البنت القصيره وع فكره اثبتت دراسات علميه ان اكثر رجال العالم يحبون البنت القصيره ،، وعلى فكره احسن بعد عشان مايبين الكبر عليج وانا مثلج قصيره ومو باين ع عمري والحمدلله راضيه بالي معطيني اياه الله وعلى قولة اختي {{ وليفة القمر }} جذي جذي شايفج لاتفكير ولاتوسوسين وصدقيني باجر لاتزوجتي بتشوفين زوجج اكثر شي يستانس عليه طولج 😜

حبيبتي لاتضايقن نفسك ولا شي
اتوقع بيكون سأل عنك قبل الخطبه ويعرف كل شي
غير عن كذا انا لاحظت ان بعض الرجال يفضلون القصيره تكون دلوعه اكثر
وبالتوفيق يالغلا

الحين النااس تدور الجسم الفطفوط شوفي مريام الي مهبله بالعالم قصيره تراا

القصر كله دلع ونعوومه واكيد زوجج من شروطه انج قصيره لو يبي طويله ماخطبووج له

وبالتوووفيق

ههههههه عادي عادي الحاله من بعضه نفس طريقتج انا وتبين الصرااحه خايفه من ردة فعله

بس انا مقتنعه بان القصر انعم واكثر انووثه ترا

يعني عادي ولا تشيلين هم وطووولنا طبيعي ترا ويعطينا شكل اصغر من عمرنا

الله يوفقنا ويجملنا في عيونا ازواجنا يارب

ويييه ليش معوره راسج

اذا بينتيله هالشي ان مو عاجبج ترا بحط براسه ان مو حلو

بس اذا شافج واثقه من نفسج مراح يشوفها مشكله

ولبسي كعب شوراج

وايام حطيله حافيه القدمين مالت كاظم وتمخطري حافيه القدمين

وعادي بدون كعب ترا هم حلو

ونفس ما قالوا لو مو عاجبه قصرج جان ما خذاج

على العكس انا خابره القصيره مرغوبه

حبيبتي انا مثلج مومن طوووولي كل الدلع والغنج والانووووثة ع القصيـــــــــــــــــــــــــرة وواثقه من عمري لاني مشاءالله
زين ولبس وكشخه وذرابة وهو ماااجاج الا عارف طووووووولج ويكفيج المثل هذا
{ القصررر ماعذرب فروووخ الشيااهيــــــــــــــــــــن} فروخ الصقر
زين واوصاف جمال بس قصار
وقالهااااا ســـــــــــــــــــــــــــــــــــــــــــــــــ ـــــــــــعد علوووووش
تقتلني الحلـــــــــوة لاصااارت قصيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــرة

ثقي بنفسج ولاتحسسينه بنقصج وصدقيني بزينج وحلاتج يشوفج طووويلة
وخطيبي يدري اني قصيرة مسميني كتكووووووته عشان قصيروونه يالبى انا بس خخخخ لووووووووووووول

بالعكس حبيبتي ليش شايله هم مع اني طويله بس اشوف ان القصر احلى و انعم و يعطي انوثه و دلع ،
بعدين مو لازم كعب بالبيت البسي فلات مع شورتات و اشياء نعومه ولايقه عليك بتطلعين ككككيوت ، واحلى شيء اذا لبستي كعب عالي يطلع طولك ححلو ومو مبالغ فيه

موووووفقه حبيبتي وسعي صدرك ولا تتضايقين 100% عنده خبر بكل شي ولا ماتقدم لك وحبيبتي ترا اول سؤال عندهم كم طولها ؟؟ هههههههههه

لا تحاتين وترا كافي انج نعومه و الدلع راح يغطي على كل شي

آهم شي الثقه بالنفس

لا القصيره حلوه وناعمه من غير الثقه بالنفس ولا الطويله مغريه وجذابه من غير الثقه بالنفس
انا مرات اشوف جياكر حلويين والسبب ثقتهم بروحهم

حبيبتي لا تحاتين ما خذاج الا عاجبته
اهم شي لا تبينين انج مو واثقه الحمدلله الله خلقج جذي واكيد لايق عليج

وربي يوفقج

خليج واثقة بروحج