|
|
الزواج يابنات نعمـــــــة أونقمــــــــــــة
أنا على وجة العرس بس أحس أن الزواج مسوؤلية وانا ما أحب المسوؤلية بعدين تصيرين مطوقة من قبل زوجك يعني ما تاخذين راحتج وانا تحسفت اني بتزوج أحس انها خساره لي
يحليل أيـــــــااام العـــــــــــــــــزوبية.gif "Eh S(1)")
:krkrkr :
هذي حالتي اللحين وبعد ايام قليلة بتزوج بس والله خـــــــــــــــاااايفة
بعدين ليش هالتفكير السلبي ولو كل البنات نفس تفكيرج جان اكثر بنات الديرة ماتزوجوا!
حبيبتي الشعور اللي تحسينه هالايام جدا طبيعي ومر علينا كلنا بس بعد الزواج الوضع تغير
عالاقل في احد معين يهتم فيج يسأل عنج
صدقيني بتحسين بالفرق وقووولي فيريرو قالت
انتي بآخر ايام العزوبية على قولتج
كثري من الدعاء له ولج انه يسخره لج قولي هالدعاء
اللهم ملكني قلب زوجي وملكه قلبي
اللهم اجعلني ماء عينه ودم قلبه واجمل امرأه في حياته
امين يارب العالمين ،،
اللهم جملني بعينه وجمله بعيني،،اللهم احفظ لزوجي عقله ودينه واحفظه من الفتن ماظهر منها ومابطن ومن فتنة النساء،،اللهم اكتب الصلاح لي معه اللهم احفظنا جميعا اللهم انك قادر على ذلك،،
اللهم آآآميييين،،
وانا بدعيلج من كل قلبي
تحياتي لج يالغالية
فكرى بطريقه ايجابيه وشوفى الجانب الحلو من الزواج استقرارومشاركه وبيت ووووو…….
انا ما كنت مسؤوله عن شى كلش وبعدين تعلمت ووايد نضجت واتغيرت اهتماماتى حيل
اخذى الموضوع بالتدريج استمتعى الحين بالتجهيز وشهر العسل والوناسه قبل الحمال واليهال
عيل بعدين شبتقولين عن الزواج اذا خلص العسل
اتغشمر معاج الله يوفقج ويسعدج وكل المتزوجات القدم واليدد
ليش هالتفكير السلبي؟؟؟ بعدين أنتي جم عمرج؟ 14 – 15 – 16
هذا كلام وحده توها مراهقه وليلحين ما شبعت من العزوبيه…
الزواج حلو بس بدايته صعبه.. واذا طافت أول سنه على خير تأكدي ان السنسن القادمه بتكون أحلى وأحلى..
بس نصيحه مني انتي على ويه زواج فلا تبدين حياتج بهذي السلبيه..
اقري كتب عن الزواج والخوف منه.. و شوفي دورات في مكتب الإنماء صدقيني تستفيدين..
واذا محتاجه شي تقدرين تكلميني شخصيا..
ولا تبجين وتحاتين
خلج مبتسمه على طول وصدقيني بتغير نظرتج للزواج
والنصيب متى مايه اتقولين الحمدلله ومثل ماقالت اختي كل شي بالتدريج
وبتتاقلمين وتتعودين على المسؤوليه وعلى كل شي بس اهم شي انج حاطه ابالج ان الزواج حلو بحلوه ومره
والله يوفقج