هلا فيكم خواتي ابي منكم بس الدعاء تكفون تعبانه نفسيتي

السلام عليكم ورحمة الله وبركاته

هلا فيكم خواتي شلونكم

بنات والله حيل تعبانه نفسيتي ما ادري شنو اسوي تكفون عطوني الحل واللي ماعندها حل تدعيلي ان الله يسير امري ويحفظني انا وزوجي والله تعبانه وما اقدر اقول كل شي بس ابي منكم تدعولي وان الله يسر امري وينور لي اللي بالي دعواتكم لي خواتي

بنات انا مشكلتي مع زوجي

ما ادري شنو اسوي اذا بتعدنا عن بعض ندور بعضنا ونشتاق واذا جاء البيت نتهاوش واحد ما يطيق الثاني واذا بتعدنا ندور بعضنا ونتصل علي بعض ونسولف عادي بس اذا دخلنا البيت لا نفسيتنا تغير

بنات انا مشكلتي اني ما اعلم اهلي ولا اشكي ولا ابين حق احد عن مشاكلي انا وزوجي لان هذي حياتنا ولا احب احد يعرف عن خصوصياتي مع زوجي بس المشكله اذا قعدنا بمكان واحد ما ما نرتاح واذا بتعدنا انا ادوره واهو يدورني

تكفون بنات ادعوا لي ان الله يسير امورنا انا وزوجي ويهدينا والله محتاجه دعائكم لي

بنات ماني عارفه شنو اسوي

عطوني الحل او ادعوا لي محتاجه دعائكم لي

اقري سوره البقره في بيتج تحفظج انتي وزوجج وتهدي النفووس

يمكن عين روح لمطوع يقرا عليكم

تصدقين مثل بنت خالتي وراحت والحمد لله الحين امورهم زينه

الله يسر اموركم ان شاءالله

تسلمين اختي

والله قريت سورة البقره وصار لي الحين ثلاث ايام

والله ما ادري شنو اسوي

والله ياقلبي كل المتزوجات في مشاكل بينهم وبين ازواحهم

انا مرت على فترة صار بيتنا يشب ناااار لا التقينااااا

ولا طلع يدق وبافلبي وياحياتي وانا ياعمري وياحبيبي ومسجات عشق وغرااااام وهيام

بس الحمد لله مرت هالفترة على خير

وعسى الله ييسر امورج مع زوجج ويهديكم ويصلحكم

تسلمين اختي علي الدعواء

بس والله ما احب اروح حق مطوع شنو اسوي

والله انا بمكان واهو بمكان ثاني بنفس البيت انا بصاله واهو بغرفة النوم الله كريم يفرج همي وهم المسلمين اجمعين

ماكو إلا قراءة البقرة وحاولي قد ماتقدرين تحافظين على أذكار الصباح والمساء لازم لازم لازم
والدعاء الدعاء….والله إنه *** سبحان الله
وحاولي تغيرين مكان قعدتكم يمكن تكسؤين روتين القعدة شوي وهالأيام خذيه وطلعي غيري جو وشوفي نفسيته في شي شاغل باله أو مشكلة معينة صايرتلة
الله يهديكم لبعض ويبعد عنكم الحاسدين ويصلحكم لبعض يارب

والله يالختي هذا اللي يصير اذا طلع عن البيت يتصل ويقول انا ما اقصد اقول جذي ما ادري ليش قلت لج جذي وانا اموت فيج بس ليش يسوي جذي فيني مع اني احبه وادور راحته وما اقول له لا كل شي يبه اقوله حاضر ومن عيوني

يالله انك تفرج همي وتسعدني وتيسر اموري وترحمني

تسلمين اختي وما قصرتي

بس المشكله اختي اذا بتعدنا ندور بعضنا واذا دخلنا البيت لا واحد ما يطيق الثاني واتضايق اذا شفته نام واهو زعلان مني والله انا اموت فيه والله اكتب لج وانا ابجي شنو اسوي انا احبه ما احب انه يتضايق مني اقعد افكر فيه طول الوقت الله يخليه لي ولا يحومني منه طول العمر

الرقيه بالبيت خليها دوووووم شغاله العين حق ويمكن محد حاسدج بس انتي فطنتي حق علاقتكم الحلوه او هو نفس الشي

امي صارلها جذي ولا طلع من البيت دق يتمصلح

ناقصكم شي؟
لقيت سمنه طيبه ؟
انتي داقه؟ ——> يتبلى لووووول
نسيت اقفل الغرفه قفليها!!!!
اقول ترا باجر بنكش!!!!

———> فديتهم هذا دلع الشيبااااااان

بس الله فرجها بالرقيه والقران والصبر وامي نفسج كتومه ولا تدخلين احد بينكم هذا احلا شي تسوينه

والله يوسعها عليج بدنيا واخره ويريح بالج وباله

أختي لازمي على قراءة سورة البقره لمدة أربعين يوم وداومي على الاستغفار وان شاء الله ما يصير الا كل خير

الله يهديكم ويصلح حالكم ويبعد عنكم كل شر ولا يفرق بينكم

حبيبتي خلي سورة البقرة عطول شغالة بالبيت و حاولى تشيلين الصور إذا معلقتهم فى بيتج
اقري على نفسج الرقية الشرعية بعد صلاة الفجر و بعد صلاة المغرب و كثري من الاستغفار وعليج بقراية سورة البقرة لا تقولين طويلة ضغطي على نفسج تري الشيطان يردج

جذى تطردين الشياطين من بيتج وتردين حق ريلج احسن من اول

تسلمين اختي

وماقصرتي والله تعبانه نفسيتي ابي منكم الدعاء الحلوه وما قصرتي

والله متضايقه وقاعده بروحي ولا اعرف اشكي حق احد لاني ما احب احد يعرف شي عن حياتي الخاصه ولا بين لهم اني متضايقه بلعكس مستانسه وعادي جنه ما بينه شي وانا من الدخل ميته من الحره

والله كريم يفرج الله ويسير امري ويحفظني انا وزوجي

لازم تروحين مطوع
واخذي ماي مقري فيه ودايم خلي صوره البقره شغاله فبيتج
وفي كتيبات عن الرقيه كل فجر ومغرب اقريها ولا تنسين اذكار الصباح والمساء

والله يهدئ سركم

وانتي من متي متزوجه ؟؟؟

تسلمين اختي اي والله انا محتاجه دعائكم لي ان الله يفرج همي ويسعدني مع زوجي ولا يفرقنا

الله كريم

وما قصرتي علي ردج لي