|
|
السؤال اذا ريلها رضى انها تولد بخاص اذا اذااااااااااااااااااااااااااا مو اكيد و ناقشوها وهي حامل وسألوها وين بتولدين شترد؟؟؟؟ لوووول يا قلبي اول شي حبيت اقولج ترى خاص ولا حكومه عند ربج اللي يهون عليج ربج
انا ولدت ولدي بخاص وعند اكبر استشاريه-بس مساه وربي كل شي حسيت فيه جاني الموت وربي ستر علي
ورفيجتي ولدت عند الصباح وربي ولادتها ماكملت فيها ساعه وطلعت تضحك وتسولف-ماشاء الله تبارك الله
يعني كل شي عند ربج ماتدرين وين الخيره
ثاني شي حبوبه
غلط يدخلون في ولادتها ووين بتولد هذا شي بينها وبين زوجها ومدام زوجهى راضي محد له شغل —-والله حاله–
هذا مهما يكون ولدهم ويتمنون له كل خير المفروض مايتحسفون على فلوسه
والله محد يحس بالولاده وبلاويها غير اللي مجرب –مشكلة بعض الرياجيل يصر على الحكومه مايدري ان المره تتعذب بلولاده وتخاف خاصه اللي تكون مجربه
الله يهون عليها يارب
انا اقول اذا فاتحوها بالموضوع ختقولهم انه ابوها ابيدفع تكاليف ولادتها وبس
ترا والله العظيم انا حملت في ولدي البجر مع خالتي ام ريلي!!!!!!!!
وكانت اتراجع بالولاده وانا بالخاص وكلا اتقولي امشي فتحي ملف وياي يالا تعالي راجعي بالولاده عاد بس قلت لها انه اهلي مايرضون اولد بالولاده اسكتت
واي اتنرفزت!!!!
استغفر الله شنو هالاهل الله يعينها
انا اقول خل تسمع من هالاذن و اطلعه من الاذن الثانية وان داحروها خل اتسكيتهم و تاخذهم على قد اعقولهم او ترد عليهم رد مسكت بس ابلابافة يعني اتقول منو يولد الحين و هذا الوقت في حكومه حتى الاجانب و المقيمين يولدون بخاص بعدين الحين صار مستشفى اتلولادة بس للحالات الصعبة الله يبعدها عن هالشيء الله اتمم عليها و انقلها لي تمامه
كيفهم يبون حكومه والا خاص
الله يكون بالعون اذا الحموله ناس فضوليين
المهم ولدت بالعدان وطبعا مع الواسطة عشان العناية تكون احسن معني والله ماشفت شي غير ولا زود عن الي مفروض يكون
شكو .. يا ربي ..
هالشي خاص بين الريال و مرته
خل تصر على رايها و المكان اللي اهي ترتاح فيه لانه اهي اللي بتولد و اهم شي راحتها النفسيه
و السهاله من الله