|
|
السلام عليكم ورحمة الله وبركاته
شلونكم يا أمهات الماضي والمستقبل ان شاء الله 000 وودي أكتب لكم عن قصتي مع التأخر بالانجاب
أنا ولله الحمد والمنه أم لأربعة بنوتات حلوات (( الله يخليهم لي )) 000 كله أولد بقيصريات من أول بنت
ويوم صار الوقت اللي قررت أحمل فيه بعد أصغر بنوته (( تقريبا المفروض شهر 8 اللي طاف )) ما صار حمل مع أني ما كنت آكل مانع رحت حق ماجدة اليتامى من شهر 8 الى حد الشهر الي طاف وأنا آكل كلوميد (( أول مرة بحياتي آخذه )) ومن شهر 8 لحد ألحين وأنا على هالحال كل ما أتوقع اني حامل تنزل الحجية 000 تحاليلي كلها تمام بس تقول بويضاتج صغار ما يسووووون حمل ؟؟؟؟؟؟؟؟؟؟؟؟؟؟؟؟؟؟
وواعدتني الشهر الجاي كلوميد مع ابر ضروري مع موعد الحجية أيضا 000000000وأنا خايفة حيل من الابر
لكن بتوكل على الله مع الرقيا على عمري وان شاء الله ابشركم بأني حامل
(( ادري بتقولون يمكن عندج التصاقات وسوي أشعة الصبغة بس تراني هم خواااااااااااااااااااااااافة ))
طولت عليكم أدري سووووووووي بس والله حبيت أكتبه عشان أفيد واستفيد ودمتوا
الله يخليلج رابعه وخواتها
انا نفس حالتج بس اراجع عند د خالدة المجيبل بعد ما بقى شيء ماسوته من شهر 7 اللي فات وقالت يمكن عندج التصقات من اخر عملية تنظيف قبل سنة تقريبا سويتها بعيد الشر عنج وعن الجميع
توني سويت اشعة الصبغة واذا قالت الدكتورة لازم تسوينها ترى حدها عادية في الم قوي بس ما يطول وسويها عند د ماجدة حيل حلو شغلهم انا جربته وهمن شكثر بنات جربوه..
طبعا ليلحين ما عرضت النتيجة على الدكتورة بس الاخصائي قال انهم مفتوحين ومكتوب هالشيء بالتقرير بس جنة في ملاحظة عن بطانه الرحم اليمين وهمن بالاشعة الصبغه مايلة صوب اليمين اكثر بس ما فهمت المكتوب لان مصطلحات طبية ناطرة اعرضهم واشوف النتيجة
انا خذيت كلوميد وابر مافي نتيجة بس مو بعض لا مرة ابر ومرة كلوميد بس كلوميد سوالي سخافة بالرحم وانا من بعد التنظيفات البطانه عندي مو زينة سخيفة وشاكة الدكتورة بالالتصاقات بس مثلج انا خوافه وكرهت البنج من عمليات التنظيفات والقيصريات
الله يرزقج ويرزقني ان شاء الله وكل من تبي تحمل الله يرزقها ان شاء الله والله كريم وما ينسى عبده ..
وانشاالله الله يرزقج ياااارب
وانشالله ما يضيع تعبج
ويرزقج الكريم
اما عن الاشياء الي تقوي التبويض روحي حق دهانات لانهم يعطون اعشاب تقوي وبعد جربي التلبينة البنات كاتبين عنها اشياء وايد مفيدة
وبالتوفيق
ويرزق الكل وتبشرينه انشالله
ادعولي ………..
انا ولدت قبل 4 سنين تقريبا وكان خامس طفل لى والله …وكلا عمليات …………والله ان الاطباء من ثانى عمليه يقولون الالتصاقات عندج شدييييييييييييييييييييييييييييييده
واللى يقول والله لو تشوفى الرحم وانا بخيطه تحلفى ما تحملين مره ثانيه
الله المستعان
ومن ثانى طفل صارلى موقف اثناء الطلق انفتحت العمليه ( االرحم من داااخل طول ذراع والله ستر ) وفقدت نص دمى
جبت 5 ونسييييييييييييت الحمل بالمره
ووقفت طول 4 سنين تقريبا وخلا ل هالفتره زوجى سوى عمليات فى المسالك البوليه مرتين فعلشان جذيه كليت حبوب المانع بعد ولادتى الاخيره 8 شهور وقطيتهم
بشهر 6 اللى طاف الكل حن على ليش ما تشوفين نفسج يمكن سبب هين ورحت حق الدكتوره اميره بهبهانى
وراجعت شهر كامل عندها قالتلى يمكن الدكتور مسويلج ربط وانتى ما تدرين بس اشلون لازم اييج بعد العمليه ويعلمج ؟
انا شكيت بس ما قلت لزوجى كلامها اذا مسويه ربط خلاص انسى فكرة الحمل
وقالت يمكن عندج التصاقات ساده الانابيب
يمكن ويمكن ؟؟؟؟؟؟؟؟؟؟؟؟؟؟؟
افترضت اشياء كثيره ( وبينى وبينج الدكتوره شافت التبويض عندى طبيعى وما فينى اى شىء يمنع سوى ان الرحم عندى راد لى ورى والسبه العمليات وقالت ما راح ياثر
وانا من نفسى تركت مراجعتها وخليتها على ربى بس خليت زوجى يحلل وطلع السبه منه
التهاب وقلة بالعدد والحركه ( ويحتاج 3 شهور علاج )
تابع وراح وخذى عسل العويد
وانا نسيييييييييييييييييت والله فكرة الحمل
وبشهر 10 الله اراد انى احمل والحمد لله
شوفى اشكثر تفاولت على روحى والافكار ودتنى وجابتنى ؟؟؟؟؟؟؟؟وبالاخير الله يرزق من يشاء
اللهم ثبته واحسن خلقه وخلقه ( وارزق اختى ام رابعه بالولد الصالح وكل محرومه )
الحين حبيبتى خل زوجج يراجع لازم ولا تحاتين ابد وانسى انسى سالفة الحمل واعلمج شىء
والله يفتح لج ابواب الرزق بس انتظمى عليه
الاستغفاااااااااااااااااااار
والله الموفق
أختي البيداء كلامج معقول بس زوجي ما اعتقد فيه شي أخت عروبة أنا فعلا مخليتها على الله لكن تعرفين الرياجيل حساسين من هالناحية يمكن حاليا ما أفاتحه ليما أشوف نتياج الأبر مع الكلوميد للشهر الجاي و مشكورة حبيبتي على الرد وان شاء الله يرزقنا أجمعيييييييييييييييييييين قولوا آمين ودمتن