|
|
ابي بليز اهداف حق الاسبوع الثاني من خبرة اسرتي و اقاربي و جيراني المليقة حدها
انا الابلة اللي معاي اهدافها عدد 2 و ما ادري شنو الثاني
بس انا واحد من اهدافي يتعرف على صورة بيت
و ابي اكتب هدف ثاني عقلي حق يوم ثاني لانه الدليل نسيته بالروضة كل من الله يهداها مدرسة ما عطتني اياه اخر شي بليز ممكن تساعدوني لانه انا تعين يديد و صج متوهقة و عندي لاصفي قصة بس ما ادري شنو القصة و مصوراتها و اركانها بليز ساعدوني صج متوهقه و معتمده على الله ثم عليكم بليز طلبتكم كلكم لا تبخلون علي باي شي لو بسيط متوهقه ابي قصة حق اللاصفي يوم الاحد بليز ساعدونييييييي بليييييييز
هدف ثاني ممكن
التعرف على اهمية الاقارب والجيران وبعض العادات الاجتماعية القديمة
ممكن تسوين درس عن اهمية المنزل
يتعرف على اهمية المنزل
يحافظ على ممتلكات أسرته
يبني بيت بالمكعبات
يتعرف على مرافق المنزل
يحرص على نظافة منزله
يجمع صور معبرة من الاركان
يتعرف على اهمية الاقارب
يحرص على الالتزام باداب الزيارة
يردد نشيد مع الحركات التعبيرية
يتعرف على بعض العادات الاجتماعية { العرس }
لو بتفكرين تلاقين كذا هدف
وفي بعد مفهوم داخل وخارج
او
كبير وصغير
واما القصة انا رحت شريت قصة جاهزة
قبل اشتريها قريتها عدل وشفت اذا فيها هدف او مالها معنى
انا العام سويت درس يتعرف على مرافق المنزل
سويت بيت بالقص ولصق مربع احمر كبير وفيه 4 مربعات وكل مربع لون مثلاا يختار المربع الاصفر فيه بطاقة صفرة بالصف حاطه وراها صورة المطبخ وبعدين يختار المربع الزرق بيلاقي بطاقة لونها ازرق بالصف وراها صورة غرفة المعيشة وهالشي ليحد ما يوصل على مرافق المنزل ومنو فيها
وايد حلوة وبتكونين اهني حركتي الطفل وقلتي ادعية الدخول قبل الحمام او الدعاء قبل الاكل