|
|
والسلام عليكم ورحمة الله وبركاته ..
شلونكم يا طالبات !!!***
موضوعي اليوم عن " القدرات " حديث الطلبة !! وكل اللويه الي مسويها ان شاء الله بتنحل ،. وبإذن الله تتضح الصوره ^^ وما ابي منكم الإ الدعاء
1) ماهو القدرات ؟ أوقاته ؟ وأهميته ؟
2) ماهو المعدل المكافئ ؟
3) الكليات المتطلبة معدل مكافئ .
4) المعدل المكافئ المطلوب للكليات + طريقة الحسبه .***
5) الكليات الغير متطلبة معدل مكافئ + الحد الادنى لاجتياز مقررات التمهيدي .
6) نصائح للنجاح في اختبار القدرات
7) كلمة أخيره .
أنا بطلت هالموضوع لاني أدري شكثر طلبه/ طالبات ضايعين ومو عارفين شنو القدرات ! وليش نحتاجه ؟ وأنا كنت وحده منهم 
وايــد سمعت يقولون مو مهم ! تقدر تطوفه وتآخذ تمهيدي ! ومن هالحجي الي يتداولونه طلاب الثانويه :/ بس هالحجي كله بيتضح إن شاء الله .***
••• نيي ل ( ماهو اختبار القدرات !! ) ؟؟
إهو إختبار بدأت تطبقه جامعة الكويت في عام 1996/1997***بغرض تحسين مدخلات الجامعة ( الي اهم الطلبه الملتحقين )
طبعاً إهم ثلاث اختبارات ( انقلش – رياضيات -كيمياء )***
•••أوقات الاختبارات وعدد المحاولات ***:
تكون دايماً بيوم عطله الي إهو (السبت )
خلال السنه الوحده لك ثلاث محاولات
الاولى شهر 12
وشهر 4
والاخيره شهر 6 بعد امتحانات نهاية السنه
ب الصف 11 لج3 محاولات مثل ما قلنا !! وبالصف 12 ايضاً لك 3 محاولات ، مجملاً لك 6 محاولات
وانصح بشده انكم تستغلونها كلهاا***
ومو دايماً الاختبار ينزل النسبة أحيانا يثبتها او يرفعها ؛)
••• ليش سوه !! أو أهدافه :***
نقاط ذاكرين منها ***
* تتيح للطلبة التعرف على مستواهم الأكاديمي
* الحد من تسرب الطلبه للجامعه
خلونا من هالأمور كلها XD الي ما تهمنا ؛p
أدري إنه أغلب الطلبه مو عارفيين اذا مهم او لأ واذا يحتاجونه !! فيه لدخول كلية أحلامهم !!
بكل بساطه أقوووووولكم
((((((((((((( مهــــــــــم )))))))))))
وماعليكم من حجي الي يقول مو مهم وإنك تقدر تآخذ تمهيدي !!!
بقولكم ليش !!
لأن سالفة التمهيدي ما تنطبق على كل الكليات + إنه اختبارات القدرات تدخل مع المعدل المكافئ ( لبعض الكليات وراح أذكرهم إن شاء الله )
إهو نسبتك بالثانوية العامه + نتائج القدرات
القدرات أهميته كأهمية الثانويه بالضبط !!
{{{أوحده من رفيجاتي نسبتها فوق 90 ( ماشاء الله ) وما خذت إختبار القدرات لان عبالها مو مهم !! وإهي طموحها هندسه ***بس للأسف ما إنقبلت 
*** لان الهندسه من الكليات الي تتطلب معدل مكافئ يعني لازم إختبار القدرات !! وإهي ما خذته فعتبروا إنها ماخذه صفر فيه !!! ووووو شكثر ناااس مثلهااا ***}}}
مركز العلوم الطبيه
كلية الهندسه والبترول
كلية العلوم الإداريه
كلية البنات الجامعيه
(( الإختبار بهالكليات الي ذكرتهم يستخدم كأداة قبول ))
بالعامي : الإختبار أول خطوه للقبول في الكلية . وبدون الاختبار ماكو كلية !! وماكو تمهيدي !!
***
••• المعدل المكافئ المطلوب للكليات :***
أولاً : مركز العلوم الطبيه***
35٪ نتائج الاختبارات مقسمه كالتالي :
15٪ ***من درجه اختبار الانقلش
10٪ من درجه اختبار الرياضيات
10٪ من درجه اختبار الكيمياء***
65٪ معدل الثانوية العامة
مع العلم ان مركز العلوم الطبيه مافيه تمهيدي
للقدرات ،، اي ان النجاح بالاختبارات شرط من شروط القبول ***
ثانياً : كلية الطب المساعد :
***30٪ نتائج الاختبارات مقسمه كالتالي :
15٪ من درجه الانقلش
7.5٪ درجة الرياضيات
7.5٪ درجة اختبار الكيمياء
70٪ معدل الثانوية
ثالثاً: كلية الهندسه + البنات + العلوم الإداريه***
30٪ نتائج الاختبارات مقسمه كالتالي :
15٪ درجه الانقلش
15٪ درجه الرياضيات
70٪ معدل الثانويه العامه
(( هالكليات الثلاث ما تحتاج إختبار كيمياء
••• انيي للكليات الي إختبار القدرات فيها يعد تحديد للمستوى وما يؤثر على القبول :
كلية العلوم
كلية التربية ( علمي وأدبي )
كلية الشريعه
كلية العلوم الإجتماعية
كلية الآداب
كلية الحقوق
(( هالكليات اهي الي فيها تمهيدي ))
بمعنى إذا ما نجحتى بالإختبار تآخذ تمهيدي وهالشي ما يمنع إنك تدخل الكلية الي تبي .
***عشان أكون أدق
طالب بيدخل كلية الحقوق ونسبته تسمح
( والحقوق تحتاج اختبار قدرات انقلش ) اذا :
1/ خذا الاختبار بس ما نجح !! او ماخذا الاختبار بالمره !!***
عااادي ^^ ،، يقدر يدخل الكلية ( الحقوق ) بس ياخذ تمهيدي انقلش،، لأن مثل ماقلت هالإختبار بحالة هالكلية مجرد تحديد مستوى ( يعني يحتاج تمهيدي ولا لأ ) وما يأثر ع القبول ^^
2/ خذا الاختبار ونجح !!
خير وبركه ^^ ما ياخذ تمهيدي ويبلش كلاسات عاديه ^^***
واخلي قياس باجي الكليات عليكم ***
اختبار اللغه الانجليزيه 60٪
اختبار الرياضيات 50٪
اختبار الكيمياء 50٪***
كثير يسؤلون عن طريقة النجاح بالإختبار***
ومن خلال تحريااتي >< XD
لقيت حلول وإن شاء الله بتستيفيدون منها :
***
أولاً : الدعاء الدعاء
***
وهالنصيحه أوجهها لنفسي أولاً ثم لكم ..***
الغريب ان دايماً ننسى هالجانب !! على إن نعرف أهميته ( >< talking 2 my self )***
والتوفيق من الله بالأول والتالي ***
فأوصيكم في الدعاء عسى ربي يوفقنا أجمعين ،، قولوا لأمكم / أبوكم يدعون لكم فدعوة الوالدين مستجابه بعد ******
***
ثانياً : بذل الأسباب***
طبعاً خلاص بعد ما عرفتوا أهمية اختبار القدرات !! مافي عذر إنك ما تجتهد وتبذل كل الي بإيدك عشان تتغلب على هالعقبه ***
يييب مدرسين ، روح للدورات ملوت الجامعه ، يمع الكتب القديمه وأدرس منهم … >> هذا بذل الأسباب !!***
***
والأهم أدرس للقدرات كأنك تدرس لإختبارات الثانوية***
وهذولا بعض الارشادات في دراسة القدرات لبعض الأعضاء سواءاً من هالمنتدى أو غيره أو من ناس إنصحوني شخصياً ويزاهم الله خير على نصحهم ***
الإنقلش …***
مالك الإ كتاب الدوره وحسب الي انقال ان 99٪ من voc وgrammar ما تطلع منه !!
حاول تقرا كتب بالانقلش أكثر ..
اذا عندك أحد بالجامعه خل اييب لك كتاب التمهيدي لأن يمدحونه ،،***
حل مذكرة القدرات وحط يمك مؤقت لي 60 دقيقة ،، ونم جانب السرعه عندك ..***
الرياضيات ***
يمدحون الدوره وايــــــــد عند د. بدر الشمري ،، و وفاء أمين ،،، و سامر السحار .. والمذكره بدون دوره ما تنفع …
الكيمياء :***
همن يمدحون الدوره و98٪ من الأسئلة ما تطلع من كتاب الدوره ،، بس للأسف ماحصلت أسماء دكاتره إذا عندك كتب 10 و 11 و 12 عال العال إدرس منهم الأشياء المطلوبه***
*** ياريت الي عنده تقسيمة محتوى الكيمياء ما يبخل علينا
بالنسبة للي ذكرته فوق |^| هاذا كله من تجارب غيري وأنا للأمانه ما جربتها من قبل ***
ثالثا : التفاؤل والتوتر ***
بإختصار ( تفائلوا بالخير تجدوه ) بكل أمور الحياة التفاؤل حلو فإتبعوا هالسياسه ^*
التوتر X إبتعدوا عنه وهاذا من نصيحه شخصيه لأني وايد أتوتر حتى لو دارسه عدل ***أتوتر وأنسى المعلومات إبتكر طرق تبعد التوتر عنك ***
رابعاً : حب الخير لغيرك***
قال رسول الله صلى الله عليه وسلم : (لاَ يُؤْمِنُ أَحَدُكُمْ بِاللَّهِ حَتَّى يُحِبَّ لأَخِيهِ مَا يُحِبُّ لِنَفْسِهِ)
ليش نلاحظ إن الناس صايره تخش الخير والزين ( مو الكل طبعاً ) !!! إذا ديننا حثنا ع فعل الخير !!! إخواني وأخواتي عمر فعلك للخير حق غيرك بنقص الخير الي عندك !!***
سوا خير بتلاقون الخير بإذن الله***
ليش سوالف أخش عن فلانه أو فلان عشان ما تطلع/ يطلع علي !!!***
Open a new page & do good ***
وهالنظام أنا بإذن الله عزمت أطبقه بحياتي***
الإنسان ماله بهالدنيا الإ الذكر الحسن خل الناس تذكر شكثر الخير الي فيك …***
ويزاكم الله خير لا تصيرين من النوع الي ياخذ وما يعطي
وبإذن الله ربي بيوفقكم كلكم
بس اختارو الاختبارات الاكاديميه .. ومنها اختاري : دليل الطالب لإختبار القدرات .. راح تحصلين في كل شي ..
وفي امتحان تجريبي انجليزي .. حلوة بالنت .. في منه اسأله تتكرر بالامتحان ..
والتسجيل للإختبار 20/11 إن شاء الله
والدورات أتوقع مدتها ثلاثة أيام و تخلص قبل الإمتحان بيوم
شدووووووووووووو حيلكممممم
بس أنا ضاع علي اول تسجيل ان شاء الله اعوضها بالأمتحانيني اللي باقيين
أنا 12
و افكر أما ادخل علم نفس او فرنسي او آداب أنقلش
ادري ان الأداب الكل يقول عنها صعبة
والفرنسي ما احد قال عنه شي بس من قبل لا ادرسه كانت عندي رفيجتي لبنانية الله يحفظها و يذكرها بالخير اهي اكبر مني و جي قالت الأنقلش اسهل من الفرنسي لان الفرنسي قواعدة واايد صعبه
و نفس الشي علم النفس ابلات اللي عندنا كلهم يقولون لا احد يفكر يدخل علم النفس وايد صعب و بعدين لا احد يفكر يصير ابله
انا ما افكر اصير ابله ابي اتعمق اكثر بعلم النفس و اعرف الشخصيات و جي
بس ماني عارفه وين ولا شلون ولا احد قام يوجهني
ادري قرقرت وااايد
السموووحه
بالتوفيق للجميع ان شاء الله
كفيتي و وفيتي ya al3rosa
يسسلممووو
شكرا ..
شكرا ..
استغفراللله
استغفراللله
استغفراللله
استغفراللله
استغفراللله
استغفراللله
استغفراللله
استغفراللله
استغفراللله
جد فدتيني
انا ب 11 وسجلت حق الاختبار تاريخ 1712
بس نا عطوني مذكرات وبصراحه ابد مو فاضيه للدورات
وكنت محتاره شلون ادرس بس فدتيني
الله يوفقح يا رب ويحققلج الي في بالج
اميييييييييين
العفو حياتى دخلى موقع جامعة الكويت وانا حاطتة فوق بتلاقين الاختبارات وكل شى نسخيهم ودرسيهم بالبيت واى شى مو فاهمتة عادى اتروحين عند رئيسة القسم اى قسم رياضيات او كيمياء او انقلش وما راح يقصرون وياج
وشدى حيلج بالامتحان
موفقة
حبيبتى عادى انا عندى بنت خالتى داخلة كلية علم نفس ما تقول صعب ولا شى بالعكس مستااانسة اشكثر
ما عليج من احد كل شخص وعلى حسب فهمة بالمادة وقدراتة مو كلنا على نفس الشى
اذ انتى تحبين المادة حيل حيل واتعرفين تدرسينها دخلى تخصصج علم نفس لان بنت خالتى تحب هلمادة وادخلت وماردت على احد
بس ييبى نسبة وشدى حيلج ان شاء اللة وما عليج من احد اهم شى مستقبلج
وموفقة
بنات شوفو هل سايت وايد يفيد حق النجليزي فيه تمارين و يصحح الأخطاء حق كل الجرامرز القواعد لأن انا اصعب شي عندي القواعد
https://esl.fis.edu/grammar/index-q.htm
الله يسهل علينا قولو آمين