هالليلة غير الليالي لحق لاتلحق :)

شلونكم يا بنيااااات يا حديثااااات.. هههههههههه

اليوم مثل ما انا كاتبة العنوان بقولكم عن ليلة غير الليالي ..

اسمهاااااااااااااااااااااااااااااااااااا .. طااااااااااااااااااااااانطرارارااااااااااااااااااا اااااااااااااااااااااااااااااااااااااا..

ليلة الديسكو ..

صج صج صج صج صج صج صج صج ..ليلة مو صج..

شوفوا الله يسلمكم..انا كنت مبيته النية على ليلة قشرة..بس مادري شسوي.. ابي شي مميز ..مع اني يديدة على هالسوالف وعمري ما سويت حق ريلي من هالليالي اللي تسولفون فيهم..
المهم..ذاك اليوم قريت شي عجبني بالمنتدى وبالاخص بالمول وقلت ..هاااا ؟؟ شنووووووووووووو؟؟ جنه جنه خوش سالفة ؟؟ ههههههه
واقعد اخطط اخطط ..واطبخ اسالفة بمخي عدل..ليييييييييييييييين استوت..

(( جني طولتها وهي قصيرة.. ؟؟؟؟ ))

خلاص خلاص..بدون مقدمات ..لاتعصبون …

شوفوا الله يسلمكم.. رحت سوق الحريم ذاك اليوم ..(( شالطااااري !! )) والا اشوف هالليتات اللي ترهش ترهش على الارض..صراحة شدوا انتباهي ..نفس ملوت الدسكو عرفتوهم..؟؟ اللي يفترون بكل مكان..بس هذولة مو بس كور..لا على نقشات تشوووووووووووووووووووووووووووووووووووووق …وانا من زمااان خاطري فيهم..

جان اقوم وادش المحل وانشب ببلعوم الريال واكاسرة أكاسرة أكاسرة أكاسرة ليييييييييييييييييييييييين قال أميييين…المهم عطاني الجهاز اللي ابية ب 5 دنانير ..وقلت لة والله لأسويلك دعاية اخلي بنات المنتدى كلهم يشطبون على اللي عندك ههههههه ((عاد انتوا لاتفشلوني هاااا..لا قريتوا السالفة روحوا نشفوا ريجة مثل ما نشف ريجي على دينارين ))

المهم..خذيت الجهاز ولفزته بواحد من هالكبتات..لين يحل الفرج وايي اليوم اللي راح اتجرأ واسوي سوالف قرعة واستخدمه..وانا اقول بقلبي ..غني غني ياليل ماطولك..

عاد عقبها قريت بالمول توقيع اختنا العزيزة الله يوفقها ويرزقها (أم جوري) ان عندها القلاصات اللي تشب ليت والكرستالات اللي على قلب الحب اللي تشب بالماي ,,والماعون اللي نفسهم..قمت ودقيت عليها وطرشتلي المندوب ما قصرت و خذيت منها قلاصين و6 حبات كرستال وماعون…وهمممممممممممممم لفزتهم يم الجهاز اللي خبري خبركم..

عاد أختكم منقوزة وجود من زمان ماهزيت طولي ولارقصت..يتني الحالة ذاك اليوم جان أفصل واقول لي متى يعني لي متى؟؟ هااا ؟؟ لي متى هالحيا والمستحا؟؟؟ هالناس وهالعالم ماخلت ولا بجت وانتي ليلحين مكانك راوح !! إلا إلا إلآ اسوي ديسكو هني بالبيت ..يخي فيني رقصة ريولي تحكني !!

الموضوع:

جان أقوم..واطلع المخوذة..واروح احط الجهاز بطرف الصالة…وأدني الطاولة اللي بالوسط واحطها على جنب..وانثر ترتر كل الالوان على كبر الارض ..واشغل البيبي لايت اللي عندي حاطتهم في فاز شكلهم يشوق..ويبت فازة مدورة حطيت نصها ماي وحطيت فيها حبات الكرستال ..وشبيت شموع بالزاوية الثانية من الغرفة وسكرت الليتات..وشبيت بخورة..وسكرت الباب..

انا مطبخي تحظيري مو مطبخ صجي..شسويت..يبت طاولة بار مدورة عندي مع كراسيها اثنين..وحطيتها بوسط المطبخ اللي اهو نفسة ممر لي الصالة..غطيتها بتور أحمر اللي فيه قليتر وربطته بشريط احمر عريض من تحت عللا شكل فيونكة..والكراسي بس بالريول حطيت شرايط حمر..وحطيت بوسط الطاولة فازة لها فتحتين حطيت فيهم جوريتين حمر..ومواعيني شفافة وابيض..وسويت جيز كيك فراولة حطيتها بالماعون اللي يشب ليت..وحطيت عصير سنابل بالقلاصات اللي يشبون بالثلاجة..وسويت عشا خفيف سلطة ومين دش..وشلت اللي بامطبخ كله خليتة يصصصصصصصصصصصفر ماكو ولا شي..وصفيت الشموع الحمر على الارض يم الباب اللي يودي لي الصالة وعلى طاولة المطبخ وسكرت الليتات..
ودزيت مسج حق ريلي وهو عندة ديوانية تحت بالسرداب..كاتبة فيه اني عازمتك على عشاء فاااخر ههههه جيكو عالفاخر أهم شي..لووووووووول..تحت ضوء الشموع والجو اللي يحبة قلبك..الساعة 12 بالظبط واذا تأخرت بيطوفك نص عمرك..

عقبها انا لبست بدله سواريه ظيجة وفيها ذيل و حطيت ميك اب خفيف ولبست تراجي اهو يايبهم لي لايقين مع البدلة.. وانا شعري كيرلي مثل ميريام فارس نكشته ولبست تاج مال البدلةوشغلت الستيريو ..وكنت مسوية سي ديات عربي و غربي ..وقعدت بالصالة انطرة

دش الريال..اخترع اول شي..قال هااااااااااااااا شصاير هني !!؟ (( ههههههه يخرب بيت ردة الفعل..!!))

واختكم واقفة ورا الباب وشاقة الكشرة هههههه ..جان أقولة ديسكوووووووو ههههههه

دخل بدل وغسل ويا ..بطل الباب جان تعورة عيونة هههههه كل ما في الدار يشب ويطفي ليتات واغاني ولوية هههههه..جان يقعد ..ليلحين مو مستوعب وهو بعد قلبي دايخ حدة مو وقتي كلششش..

المهم حطيتلة العشا على ضوء الشموع الفاخر تالي ردينا الديسكو..رقصنا شوية وانا طلعت اللي بجعبتي كله ههههه رقصت لين طاح ميخي .. بس عاد هااا .. مو رقص جني بعرس لا .. رقص الدلع والانوثة ديروا بالكم ..تالي كملت عالسالفة بقلاصات العصير وماعون الكيكة ..وقعدنا نشرب نخب السهرة هههههه..وسلا متكم و تعيشون..

وان شالله تكون الليلة خفيفة وظريفة وتسرسح على قلوبكم..وذكروا الله الله يرحم والديكم..وادعولي الله يرزقني الذرية الصالحة ..