هالقرار بس مدرستنا ولا كل المدارس ؟؟؟؟!!!

السلام عليكم

شخباركم

اليوم رحت اخذ عيالى من المدرسة ابتدائى وننطر ننطر ننطر طق الجرس من زمان الناس واقفين السيايير واقفه بالوسط ومافيها احد

شالسالفه ادور عيالى مافى ادور

اشوى ولا ريال يقولى ترى لازم تاخذينهم من داخل اى داخل توقفين سيارتج بهالزحمه وتنزلين وتروحين داخل المدرسه موفقين البنات مثل الطالبور الصبح وتاخذينهم وتروحين

ليش عسى ما شر

الحين من عمر الدنيا واحنا صغار بروح البيت مشى ليش الحين من داخل المدرسه

والزحمه حدث ولا حرج

وعندج مدراس غيرها يعنى ليش كانوا يوقفون عند الباب وناخذهم ونمشى الحين لا قصه على ما ناخذهم

ابى اعرف بس احنا ولا كل المدارس

والله احسن انج تاخذين عيالج من صفهم زمان المشي تغير قبل تردين البيت مشي وانتي مرتاحه ماعليج خوف الحين تلقين هاليهال يبجون ولاضايعين بسكيك يدورون اهلهم ولا هاللي نفوسهم رديه على اليهال والله يخطفه ولا همه اهم شي نفسه الحيوانيه حشاج والله انا اتمنى ان القرار يتطبق في مدرسة بنتي والله

بالعكس احسن شيء

عن زحمة الطلعه مالت اليهال

وارتب

أكيد المدرسة بنمطقة الفروانية التعليمية
لوووووووووووووووووووول
لا هذا مو قرار بس الوكيلة الظاهر جديدة وتبي تبين شخصيتها القوية
لوووووووووووووووووووووووووووووووووول

احنا بالعاصمة والقرار طبق عندنا بس الي
يبي عياله يطلعون يروح يوقع اقرار بذلك داخل المدرسه
ويعطونهم بطاقه يطلعون فيها
هالقرار زين حق الي يتأخرون عليهم اهلهم او مواعيدهم مو مضبوطه فيكونون الطلبه
داخل احفظ لهم والله يحمي عيالنا وعيال المسلمين اجمعين

بالعكس شي زين واحفظ لليهال ,,

انزين واليهال اللي يروحون باص شلووون؟

انا بناااتي بالعاصمة طبقووو القراااار وصراااااحة زحمة زحمة زحمة بالطلعة سااااعات انا ودي أبجي بس ما باليد حيلة

لا احنا العاصمه منطقه الروضه

وفعلا صاااااااااااااار زحمه وااااااااايد

بس شنو نسوى بعد

جان زين يطبقونه بكل المدارس هالقرار

احسن قرار طبقوه

ياحلوهم والله جزاهم الله خير
احفظ لهم من مصايب الهدة الي تخرع من حوادث لهوشات لخطف
الله يحفظ عيالنا بس

انا كنت معارضه

بس جنى طخيت من كلامكم

القرار هذا بس في منطقة العاصمة التعليمية و اتصور إن يسبب زحمة لأولياء الأمور الكل يدخل يمكن الابتدائي بي المتوسط صعبة

والله احسن شي لان الحين الدنيا ما فيها امان صارو ما يفرقون بين الياهل والكبير