نين الاذن فترة النفاس****شنو الحل انبط راسي

السلام عليكم

بنات اللي عندها حل لمشكلتي تسعفني انبط راسي من صوت نفس الطنين بالاذن

مع اني ملتزمة بسوالف ادوية النفاس ومتغطية عدل من البرد بس هالسالفه اللي ماذيتني

عفيه اللي تعرف اي حل تعطيني

والله لادعي لها ان الله يريحها مثل ماريحتني

والله العالم
جيكي على اذونج اخاف بداية التهاااااااااااب لاسمح الله

مشكورة حبيبتي على الرد

بس باقي البنات الله يخليكم مامرتوا بنفس حالتي فترة النفاس

اول مره اسمع ماعندي فكره حبيبتي بس روحي الطبيب احسن وانشالله مافي الا العافيه او يمكن احد يايب طاريج

لا مااظن حبيبتي السالفه سالفة احد جايب طاري

هذي نفس صوت الجرس مايوقف اسمعه لحطيت راسي على المخدة بط راسي

حبيبتي بنفاسي صار فيني جذيه بس من بعد ماجبت رداده ورددتني حسيت انه اختفه الصووت وارتحت

الزين مشكوررررررة وايد
وانا ان شاءالله راح اجيب ردادة الفلبينية اللي مدحوها البنات على ما اعتقد اسمها ليندا

حبيبتى داشج هوا براسج يبيلج بخور تبخرين اذانج وتدفين

والاحسن تجيبين رداده زينه

ام غدى اتبخر بشنو

يعني شنو احط على الجمرة فيه خلطة معينه ؟؟؟

ويعطيج العافيه

اخذيلج دجاجه وحشيها وطبخيها بجدر مثل الشوربه يعني مسلوق دجاج وعقبها اخذيلج كنبل كبير كبير وادخلي تحته وجدر معاج وتغطي عدل واكلي الدجاجه واشرب شوربتها وانتي متغطيه لين تحسين البخار دخل براسج باذانيج بحلجج وتحسين سبحتي من العرق عقبه دشي فراشج ونامي بس اهم شي تحشين الدجاجه بدويات الانفاس والله يشافيج انشاءالله وما تشوفين شر بس اهم شي ادعيلي الله يفرج همي ويصلح ما بيني وبين زوجي ويسخره لي

ربي يسخر لجزوجج ويقع حبج في قلبه ويصلح مابينكم يارب وان شاءالله راح اسويها بس تبين الصج مالي خلق حرورة بروحي حرااااااانه وعلى طول اعرق

هلا اختي

سلامتج ماتشوفين شر ان شاءالله

هالشي ماله علاقه بالنفاس

شوفي هالموضوع وان شاءالله يفيدج

https://www.q8yat.net/showthread.php?…43#post2774043

تدفي انا كل نفاس احس بالطنين ولبسي اللفه ودلاغات