|
|
سمعت من مجلة المعلم ومن إختي بعد
إنه الناظرة والوكيلة في المرحلة الثانوية في منطقة حولي التعليمية إذا عندها طالبة لها صلة قرابة معاها
ينقلون الناظرة أو الوكيلة في فترة الإختبارات بس لمدرسة ثانية عشان البنت إللي تصير لها
وفعلا القرار مطبق في بعض المدارس في منطقة حولي التعليمة
واااي القرار حده باااايخ
ليش وين الثقة بالناظرة
وبعدين شهالذكاء الناظرة حتى لو نقلتوها تقدر توصي الأبلات هي مديرة المدرسة حتى لو نقلتوها بهالفترة هي راجعة راجعة لأن نقلها مؤقت
وبعدين طول السنة الفترات السابقة بيدها ..بيدها أكثر من درجة الفاينال
يا ربي مرات الوزارة يطلعون قرار مو مدروس
تلاقين جاكين ناظرة مساعدة بنتها أو وحدة تصير لها ..قامو عاقبوا الكل
وين الثقة في المديرات والمديرات المساعدات
إنتو شرااايكم ؟؟؟
وهذا القرار مطبق في باقي المناطق ؟؟
زين يسون
وما فيه ثقة بالمديرات والمديرا المساعدات
يعني هي حتى لو إنقلوها تقدر توصي عليه الأبلات المقربين لها
وسالفة إنها تفتح الأظرف حتى لو إنقلوها تقدر تفتح الأظرف في المدرسة إللي إنتقلت لها
والإمتحانات موحدة
وبعدين هي طول الفترات الأربع موجودة بالمدرسة إذا ما عندها ذمة بتلعب تلعب
بس فعلا كأنهم يقولون لهم ترى ما عندنا ثقة فيكم
إذا هم حاسين إنه مافي ثقة
خل يطلعون قرار يمنع قبول الطالبة إذا الوكيلة أو الناظرة تصير لها
أحسن لكرامة الناظرات والوكيلات
عموما مشكورين على المرور
ومنورين الموضوع
من الفتره الثانيه
و صار نقل حق الناظرات
مشكورة على المرور
تصدقين آنا عبالي بس في منطقة حولي التعليمية
معناها هذا القرار قرار وزاري والله أعلم
من الفتره الثانيه
و صار تدوير
رباعي
انزين بس انا بسأل الحين اذا الناظرة يغيرونها
انزين والمعلمة اللي تكون مع بنتها او اختها بنفس المدرسة شيسووون فيها؟؟
بعد يغيرونها ولا تظل
ولا ما يقبلون وحدة وبنتها بنفس المدرسة؟؟
ولا شسالفة؟؟؟؟؟
الابلات مع بناتهم عادي
مشكووورة قوطي نيدو على الرد السريييع
عفوا