|
|
انتي كم وزنك ؟ وشو تجارب الادويه اللي اخدتيها انا سمعت قاطع الشهيه تبع زين الأتات رووووعه والسيبوترم الكل بيمدح فيه والايزي لاكس كمان بس للأمانه انا ماجربت شي ونفسي اترك الريجيم وامشي على قاطع الشهيه لأن الإراده على قولتك صعبه والتحدي أصعب سامحيني طولت عليكي بس انا رح استفاد من ردود البنات إلك رح أتابعك
نسيت أخبرك ان الميرميه روووووووووعه واللي نزلني اكتر من 10 كيلو عشبه بنص دينار اسمها معجزة الشفاء بتجنن مستحيل استغنى عنها وماتنسي ان النسكافيه بيسد الشهيه وخلطه الماء بالزنجبيل والقرفه *** *** *** للأخت حواء الكون وخدي مني عن تجربه وشوي شوي رح تنسي انك محتاجه اراده رح تصير نظام عندك وماتنسي ان الوزن لو راح بسرعه بيرجع بسرعه وهذا اللي انا خايفه منه فماتيأسي والله معك والبنات رح يفيدوكي هون كتيييييير
روحي حق دكتور تغذيه عندج طالب الشمري او عبدالله المطوع او اي دكتور غيرهم مع مشي او رياضه صدقيني تخقيييييييييييين ان شاءالله
انا اختي كانت تصبر نفسها اذا بغت تاكل بكلمه (لاحقه عليه باجر اذا ضعفت راح اكل منه على راحتي ان شاءالله )
ولا تنسين اللبس والاهم من هذا صححححححححححححه
انا مستعده افتح موضوع وادش بتنافس وياج واتحداج لاني انا بعد قاعده انزل وزني
ها شقتلي؟
الله يرزج الجسم الرشيق الصحي ويعطيج الاراده القويه اللهم امين
هلا اختي انتي قلتيها بنفسج ،،،،،،،،، نفسيتي ،،،،،،، عدلي نفسيتج اول ،،، ولا تقولين بسوي رجيم قولي بغير نمط حياتي واسلوبي ،،،
نصيحــــــــــه مني كأخت اذا انتي جدية بتغير شكلج للأحســــــــن
سوي هالنظام
عشر ايام نظام غذائي انتي تنقينه بدون رياضة
وبعدين نظام غذائي مع مشي لمدة نص ساعه كل يوم زيدهم عشر دقايق زيادة ليما توصلين ساعه كامله طبعا يوميا وافضل قبل وجبة الغدا بساعتين اذا تقدرين او بعد وجبة الغدا بساعتين او ثلاث اللي يريحج وتقدرين عليه ،،
وبعد مايخلصون الاسبوعين
امشي ثلاث ايام بالاسبوع + الايام ماتمشين فيهم مارسي اي رياضه في البيت نطي حبل استيبس ،، صعود ونزول الدرج ،،، قومي لعبي مع اليهال لمدة نص ساعه على الاقل ،، ممم وانتي مسدوحه سوي حركة القاري ،، او تمارين اللي كنا نسويها بالمدرسة اذا تتذكرين ،،، اذا ما كان عندج اجهزة ،،
طبعا خلي عشاج مبجر بعد الثمان لا تاكلين شي
قبل لا تنامين شربي شاي اعشاب ،،
واول ماتقومين من النوم شربي كوبين ماي دافي ،، طبعا بلشيها بكوب وتدرجي ليما توصلين كوبين واذا ثلاث احسن وافضل
وبعدها بساعه تريقي
وخلي وجباتي على خمس وجبات صغيره يعني ريوق وبعدها بساعتين اي وجبة خفيفه او قهوه وبعدها مو اقل من ساعتين الغدا وبعدها بساعتين هم وجبة خفيفه مثل حبة فاكهه او ثلاث تمرات ،، او صحن سلطه وبعدها هم بساعتين
عشاج خليه يعتمد على الروب أو اي نوع سلطه
يعني روب اكتفيا العلبه الصغيرونه يوم قصي عليها قطعتين فراوله أو قطعتين توت أو شريحة اناناس أو ربع تفاحه كيفج اي نوع من الفواكه نوعي كل ليله عشان ماتملين واتغير عندج الطعم اصلا تحسين جنج تاكلين ايس كريم يمي يمي لذيذ
او كوب سلطة عباره عن ملفوف وخس وفجل أحمر وشوية فلفل اسود وشوية زيت زيتون وليمون وخل بدون طماط لأنه يحبس السوائل بالجسم
وشربي بين الوجبات 8 اكواب ماي وفوووق
اتمنى قبل ما تبلشين تاخذين وزنج وقياس الخصر وقياس منطقة الارداف بعد شهر اخذي القياسات مره ثانية
والله راح تدعي لي ،،،،،،،،،،،،،،،
اهم شي اختي خليج على المشي حتى لو خربطتي وايد ثاني يوم حرقي اللي خربطتيه بالمشي بس زيدي المدة يعني بدل ساعه خليها ساعه ونص
ونصيحه تبين تمشين ما تملين من المشي
انا بصراحة امشي على البحر مكان مركز الابحاث ( الاكواريوم) بصراحة حده البحر يشوق وماتملين من كثر ماتمشين هناك
اهـــم شي الارادة وخليج من النفسية لأنج اذا ظليتي على هالحال راح تصرين دبلاااااااااااااااااااااااااااات
وانا بشجعج من كل قلبي ،،،،،،،،،
واذا ماتقدرين تصكين حلجج جربي حبوب سيبو تيرم مبدايا ،،، لأن صديقتي جربتهم وصج صكت شهيتها
مع اني احب الاشياء الطبيعية ،،،
ولا يأس مع الاردة انشاءالله وشوفي عي وخليه مثل لج في حياتج مو بس بالاكل
واذا احتجتي اي مساعده انا موجوده ،،،،،،،،،،،،،،،،
والسلام مسك الختام
لـــــــــــــومي
الله يحقق اللي ببالنا قولوا اميييييييييييييين
شوفي يا قلبي انا من شهرونص تقريبا كنت امراه محبطه اخرع وزني وجسمي لوعه وللحينلوعه بس الحمدلله فرق معاي وايد
حطيت اني بموت بين عيوني من السمنه المفرطه وان الاكل عدوي الاول والاخير دشيت نادي وسويت ريجيم والحمدلله نزلت بشهر 8 كيلو
ربي لك الحمد والله ما هقيت اني بضعف حتى الكيلو
واهم شيئ الرياضه والرياضه والرياضه لانها تشد الجسم وتحرق الدهون وتنسق جسمك بعد واذا جسمك متين لا تلعبين ستبس او نط الحبل لان الركب راح تتضرر من ضغط الوزن عليها
وبالتوفيق ان شاء الله
ونصايح البنات وااااايد مفيد
1) القدره على التحمل ( الوقت لانه يبيلج وقت طويل حطي ابالج سنه على الاقل )
2) الصبر ( يعني تتحملين انج تغطعين كل الاشياء الي تشتهين تاكلينهم )
اذا صار تقدرين على هل ثنتين الاخيره سهله
3)الاراده (تتوكلين على الله وتبدين)
ملاحظه محد معصوب من الغلط اذا لقيتي نفسج بيوم وانت يمسويه رجيم كليتي لاتقولين خلاص اليوم بخليه يوم مفتوح لاء اكلي واستانسي لاتتحسفين بس بعدين كملي رجيميج عادي
الله يوفقج اختي انا كنت مثلج مريت ابكل كلامج هذا بس طبقت هل ثلاث الكلامات بعد مالقيت ولا شي نفعني لانه كل شي ايي بل سهل يروح بالسهل عكس اذا تعبتي عليه مايروح
والله يوفقج انشالله ركزي على الثلاث كلمات
والله كريم علموني متى تبون تبتدون