&& نفاس وتهتمين بنفسكـ من نصائح والدتكـ وجدتكـ تعالوا نستفيد ونفيد &&

بنات
قبل كم يوم نزلت موضوع وعجبني كثييييييير
بس ماانتبهت له أنه موجود يقسم الطفل ومثبت

نصائح للاهتمام بالمولود

عاد اليوم جيت لكم بموضوع للاهتمام بالوالد الي توها نفاس
يعني شنو الشغلات الي تحسينها صج صج تخلي الرحم يشد ويرجع لو ضعه الطبيعي …؟
وشنو الشغلات الي تشربينها وتذكرين انواعها وطريقتها …؟
وشنو الشغلات الي تسوينها وترتاحين عليها وتحسين لها دور من رشاد …وحلبه .. الخ

واهتمامج بنفسج واكلج وكل شي …

وغير الغسول والكريمات للخياطه
والخلطات الي بتحطينها على وجهكـ وجسمك كذا يعني

شي من هالقبيل

ملاحظه
طبعا انا لا أقصد بموضوعي طلعتج من الاربعين وشنو بتسوين لالالا

انا موضوعي يتكلم عن اول يوم ولدتي الى 40 يوم

فهمتوا علي

اتا ولدت قيصري
ممنوع الاعشاب وهالسوالف الا بعد العاشر
شريت لهوم مطحون وشاي غوري وشاي اعشاب
ماشاءالله اللي عجبني اكثر شي شاي غوري لانه فيه وااااايد اعشاب وينظف البطن

اممممم والاكل ما اعترف باكل معين كل شي اكل عادي
بس مبتعده عن البيبسي وهالسوالف

والخلطات للحين ماسويت شي مالي خلق وكله تعبانه

حياج الله اختي
ام الحوراء زينب

وربي يشفيج ويعافيج يارب

بس وين باقي البنات

شدعوه الموضوع صعب هههههههه

بجر و غشيمة..
فديوني ماباقي شي على نفاسي

شريت قشر القهوة وايد مدحوه لي..
بسويه ان شالله بس ارجع من المستشفى..

يالله بنات نبي تجارب صجية كل وحدة تقول شنو فادها

اختي
ولا يهمج
انا بفيدج بجم شغله امشي عليها

وان شاء الله تستفيدين يارب

لي عوده

الحمدلله على السلامه ام الحوراء زينب
ومبروك البيبي

والله يهون عليكم

انا الي سويتها بولادتي

اول شي لازم تشربين ماي وتاكلين عدل عشان لايحوشج امساك
والاول الايام يستحسن ملين للبطن نورماكول او دبلكس وايد زينين

و بالحواج يبيعون حسو للنفاس كل يوم بالريوق عبارة عن ٣بيضات مفيوحه نص فوح يعني تكون من داخل شبه ماي وحارة احط اللهوم عليها و اكلها واهي حارة
مع حليب دافي وفاكهه عنب او عصير برتقال

وبين الوجبات ماادري شسمونه تمر تسيلين النوا و تحمسينه مع حلبه وحبه بركه وايد مغذي ويدر حليب.
والقبوط و تشريب الدياي وايد مفيدين والسمج

وابتعدي عن اللحم وسمج التونا
والرضاعه الطبيعيه ترد الرحم بسرعه لوضعه الطبيعي وتطلع الدهون والماي الي تكون بجسمج وانتي حامل زائد انه يشفط البطن و يعطي البيبي مناعه و احتياجه افضل من الصناعي
ابتعدي عن الخيار والريحان والبقوليات لانها فيها غازات

واذا تذكرت شي بحطه

يعطيكم العافيه
موضوع حلو و ابي استفيد منكم لانه هاذا ثاني حمال حقي و بجري ما سويت ولا شي ولا اعرف شي
شديت ظهر بخالي والله يسامحها ما سوتلي يوم تحطلي ويوم لا
والحين امفكره انا انفس روحي فا ابيكم تفيدوني
ابي اعرف كل شي و اهم شي نبي انعرف عن اليوم السابع اللي سبوحه شلون و شنو لازم اسوين

اختي
شنو هذا حسوو النفاس …؟؟

هل تقصدين الرشاد ولا أيش ..؟

ومشكوره على مرورج وذكر تجربتج

صدقتي
الناس ماعليهم متكل يعني مو كلهم البعض منهم
انا جالسه من هالحين أفتر هنا وهناك
عشان بس أريح أمي لانه مستحيل بتتركني بس بحاول اصلح لي بعض الشغلات الي تريحها
وان شاء الله لي عوده لها الموضوع

هذا موضوع شخصي لـ أحد الاخوات
ذاكره تجربتها

بس انا اتمنى البنات هم يذكرون تجربتهم يعني مو بس وحده

نفاس ولا عندك احد ينفسك يهتم باكلج تعالى انا اضبطك بافكار من تجربه

وينكم بنات
نبي همتكم

……………..

اااااب