بنات ابي الولاده القيصرية حق الي ولاده قيصري شنو نفاسها يكون ؟
ومتى تسوي الترديد؟
يعني شنو تسوي بالضبط نفس الطبيعي ولا لا ؟
ولاداتي كلها قيصرية
في البداية اكلت حبة سودة مع حلبة كلها مطحونة
وبعدها بعشرين يوم تقريبا كليت المردود
ورددت لما صار لي 36 يوم من نفاسي
هذي كانت طريقتي بولاداتي
ولا تنسين تاكلين اللحم حتى لو ماكنتي تحبينه
كورس النفاس من ام خالد خبيره اعشاب
و الصراحه ما قدرت على الرداده سوييت مساجات لما كملوا اعيالي 3 شهور
بليييييييييييييييز بنات الي مجربه تفيدني عفية مافي وقت
للرفع
اي والله نبي نستفيد
للرفع
اسفه والله ولادتى طبيعيه فماعرف
فيدونا حبايبي ترااا حدي مو ماباقي علي شي
الحليب اسبوعين ممنووووووووع
الفلفل ممنوع
الترديد ممنوع
والربط طبعا ممنوع…
للأسف نفاس القيصرية مو نفس الطبيعي …
up up up
الله يعيننا انا بنفاسي اذا بتسوي لي امي اكل اول شيء تسألني يصلحلك تحملينه مو ثقيل على معدتك لانها ماتعرف وش اللي ينفعني واللي يضرني لدرجه بولدي الاول ماشربت شاي الاعشاب خفت منه وطلعت بنفاسي تعبانه اما الثاني تعودت على العمليه عادي بعد اسبوع من العمليه اشرب حليب وحلب وتمر ورشاد وحبه سمره واكثر شيء الشوربات لان الخبز والفتيته تقيل على المعده واخاف منه وصرت اشرب شاي اعشاب بس ماربط بطني الا بعد ثلاث او اربع شهور بايام الدوره بس والله احس بمكان العمليه مثل التنميل لست شهور واكثر المكان مليان بنج جامد يعني خلي نفاسك وسط مو مثل الطبيعي لا تثقلين بالاكل وكمان انتبهي من التحاميل اللي يعملوهاا بالبيت او يشروها من الحريم الاااا تعمل لرحمك التهابات وتضييق والتصاقات بالانابيب انا استخدام اخر الايام تحاميل الدكتارين فقط وغسول مره وملح فقط عشان ماتجيك التهابات
بالعربي كولي كل شيء بس لا تشبعين خلي بدل ماهي ثلاث وجبات دسمه ست وجبات نص دسامه وطبعا الفلفل انا ماحبه والحوار كمان خلقه لان فيني قالون وسلامتك ادعيلي بالحمل السهل والولاده الميسره لان تعبت حملي ربط عمليه وولادتي عمليه
بالنسبه للترديد انا مادري عنه لاني مااعترف فيه لان اغلب اللي يسوون ترديد مو متخصصات ..ويفضل تسالين دكتورتك عن هالشي… اما بالنسبه للنفاس فكل شي تبلشين فيه من دوا وحسو وغيره بعد اسبوع من العمليه هذا كلام الدكاتره… والله يسهل عليك وتقومين بالسلامه انشالله
ما قصرتوا بنات .. وياليت البنات الثانيات يفيدونا .. وعن نفسى .. ان شاء الله اى شى بعرفه عن نفاس القيصريه راح اعلمج عنه .. : )
— نبى الموضوع يكون كامل ..ساعدونا بنات الى ولدت قيصريه منو دكتورها او دكتورتها ..واشلون كان نفاسها..
والله بنات انا حابه افيدكم باللي اعرفه
انا كل قيصيري اول 10 تيام ما اكل دويات بس تمر ورشاد و حلبه بالحيلب
معنا مو زين الحليب وايد كله غازات
و بعدها اكل حسو ولهوم و اعشاب
ديروا بالكم بنات من الربط ابدا لاتفكرون خطر على الجرح انا عن نفسي اخاف منه و من الترديد ما اسوي
بس انشالله هالمرة بحط تحاميل بعد 30 يمدحونهم , و بعد في شئ ديروا بالكم لاتاكلون فلفل اسود حار على العمليه
و سوالف التنقع الجفت و مادري شنو ماله داعيحق القيصيري
و اخيرا اهم شئ المرة المرة تكفون على طول شموها و مشو دار مدار الجرح عن الششم
انا اللي اعرفه ان الترديد بالقيصريه بعد 3 شهور من الولاده ومو زين ترددين وانتي بعده جرحج طري