|
|
السلام عليكم ورحمة الله وبركاته
خواتي كثير منا نقول الاشياء الاجابيه وننسى الاشياء السلبيه في عمليات تجميل الانف الي ماتعرفها بعض البنات تحسب مافيها مخاطر ولا فيها اي شي وهذا خطاء واتمنى هذا الموضوع الكل يستفيد منه الجميع وخاصه اللي مقدمه على تجميل الانف وخشمها مافيه شي ..
من مخاطر عمليات تجميل الانف بالتفصيل وانا من البنات اللي مريت فيها ان شاءالله راح افيدكم اولآ
1- اذا عملتي تصغير الارنبه يعني الغضاريف لاعب فيهم الدكتور ضيقهم لك ف لابد تعلمين ان في احتمال كبير راح يكون ضيق في تنفسك وانسداد وتغير الصوت عندك ويصبح فيه (ونـه) وتغيير في شكل الانف فالمقدمـه وويبان عليك انك عملتي تجميل
*- اذا كسر لك العظام ولمـه على بـعض بشده راح يصبح في تغيير في ملامح وجهك اما تقبلينه اما تكرهينه
3- الـنـحت طبعآ البعض يسلم منه ولكن في البعض تطيح عند دكتور مايخاف الله ف ينحت انفها بقوه لدرجـه يصبح الانف مثل القـوس من بدايتـه نحيـف ونازل بقوه ومن عند الارنبـه منتفـخ يسبب كذالك لتغيير ملامح الانف
4- لابد الكل يعلم ان نسبـه كبيره تخرج بعدم رضى بسبب اختلاف في فتحات الانف في نحت العظام في رفع الانف والـخ
طبعآ هذه الاشياء يمكن اللي يقراها سهله بنظره ولكن لما تصبح معه والله العظيم لتندم وتقول ياليتني على خشمي اول احسن لي وياليتني ماسويت وياليتني الـخ مثلي ومثل كثير من البنات
وبالاخير انا مااقول اللي عندها انحراف او سبب خطير لا تسوي لا بالعكس اعملي عمليه والله يوفقك ان شاءالله ولكن اللي خشمها مافيه شي سوا تنفس او عظم بارز بسيط مايآثر فيها لاتسوي وهذي نصيحه من اخت الى خواتها لا تشوفين وحده نجحت وتقول لك سهله بتفكرين انك بتكونين نفسها لا
كثير طاحو في الـم وكرهو الحياة وماصارو يجتمعون مع الناس بسبب تشوه انفها من قبل دكتور يبي الفلوس بس مايخاف الله يلعب بخشمها ويمشي يسافر هذي النصيحه اتمنى لكل اللي بتسوي عمليه مو محتاجتها انها تتراجعه اما بالنسبه للعلاجيـه ف الله يوفقها ان شاءالله وبالاخير اكثر الدكاتره الاجانب ماصارو عندنا الا ان فاشل في دولته مو معقوله دكتور ناجح يجي دول الخليج ويترك امريكا وبريطانيا راتب اعلى واقبال اكثر ولكن للاسف اللي يجونا افشل دكاتره والضحايا بنات الخليج او الشباب كذالك الله يعطيكم الله العافيه طولت عليكم
أنا بالنسبه لي الحمد لله ماعندي مشاكل صحيــه
بس أبي أجمل شكل أنفــي
وحاولت إني أشيل فكرة (عملية التجميل) من راسي وأرضى بخلقة ربي
بس ماقدرت أشيلها .. حيل خاطري بالعمليه …
أحياناً أذكر نفسي بالآخره وإن الدنيا قصيره .. ومب لازم أسوي العمليه
بس أحس شيء بنفسي … ما أقدر اتخلى عنه
وإذا الله رزقني وأكتمل المبلغ عندي .. بتوكل على الله وبسويها
خااطري حيل يكون حجم أنفي أصغــر ومرتب أكثــر .. فأبي أسوي العمليه
وأسأل الله التوفيق .. وإني أطيح بيد دكتور شاطر … وتكون النتائج طيبه ومرضيـه
والله كريـــم .. رب العالمين مايخيب من دعــاه ورجاه
فاطمه 25
انتي من وين ؟
بس واايد افكر باللي قلتيه فاغير رايي على طول
الحمــــــــدالله عىل خلقة ربييي .. وجزاج الله خير
عاد الوحده بتكره نفسها اكثر لو انها تقبحت بالعمليه
لان هالشي طلع بقرار منها
واصلا اغلب العمليات ما تطلع ناجحه
وعلى فكره زين حطيتي هالموضوع لان ابقول ان كثيررررر اشوف مطيرين بدكاتره ايران وانهم شي في عمليات تجميل الخشم
وووووووووووووين
انا اتابع مشاهيرهم من ممثلات وعارضات
والله اني اطالع صورهم وانصدم
اش هذااااااااااااااااااااااااااااااا
ماخذين مقلب فيهم
حتى قلت شكله في ناس قاعده تسوي دعايه لهم .. شكلهم يبون يقون اقتصاد ايران
يلااااااا من بين العشرات الي اشوفهم القى وحده نثتين اخشامهم لاباس فيها ومع ذالك يبين انهم مسويات تجميل وان مظهرهم زائف بالقو بعد
افكر انزل موضوع فيه صورهم لكن اخاف اخذ اثم من ورى هالصور
|
المشاركة الأصلية كتبت بواسطة فاطمة 25
 يسلموو جواهر على هاذي النصيــحه
أنا بالنسبه لي الحمد لله ماعندي مشاكل صحيــه وحاولت إني أشيل فكرة (عملية التجميل) من راسي وأرضى بخلقة ربي أحياناً أذكر نفسي بالآخره وإن الدنيا قصيره .. ومب لازم أسوي العمليه خااطري حيل يكون حجم أنفي أصغــر ومرتب أكثــر .. فأبي أسوي العمليه والله كريـــم .. رب العالمين مايخيب من دعــاه ورجاه |
سبحان الله نفس تفكيري وكلامي وكمان مرهه مومرتاحه ومااحب اخرج كتير يارب راحة البال
وبخصوص الأخت الي تقول ان الكل يمدح بالتجميل بإيران عشان يرفعون باقتصادها ابفهم ليش أهما عايشين هناك يعني ولا بياخذون نسبه للعلم ايران شاطره مو بس بتجميل الانف بزراعة الشعر وليزر العيون وبالعظام وبكل شي يخص الصحه وهالشي انا شفته شوووف عيني ان المستشفى من ألزحمه مالج محط ريل الي ياي حق خشمه ولا عيونه ولا لالا وشكثر شفت من الخليج يايين وبس جذي لان شعرهم بمتناول يدنا بالنسبه لنا كخليجين السعر رخيص انا سويت خشمي والحمد الله لي الآن النتيجه حلوه والتنفس مضبوط للعلم انا ما كنت اتنفس اغلب الوقت خشمي مسكر كله اتنفس من خلجي ومن سويت العمليه ومن ثاني يوم قمت اتنفس من خشمي ونسيت حلجي
وعلى فكره كل دكتور وطريقته بالتجميل وعلى حسب طلب الي بتسوي الممثلات الي تقولين عنهم طلبهم يكون الخشم مقصوص ومرفوع لان يحبون طريقة الخشم الفرنسي الايرانيات ففي دكاتره يسوون الخشم مرسوم لدرجه مبالغ فيها وفي يسوونه طبيعي وما يبين وإيران بكل منطقه فيها مليون دكتور والي رايحه شايفه بعينها اكيد سواء شيراز ولا طهران ولا أصفهان ولا لا ماينعدون من كثرهم بس على البنت تختار الدكتور عقب بحث طويل وتتوكل عالله ومن الله التوفيق
هاذي اهم جملة ذكرتيها وبالضبط هاي اللي اقوله ومقتنعه فيه مليون بالمية
جزاك الله خير على التنبيه اختي جواهر
عسا ربي يحفظج ويوفقج يارب ويكتب لج الخير وين ما رحتي وييتي