نصيحة من القلب الى القلب

السلام عليكم شلونكم يا أحلى بنات
صراحة انا بقدم نصيحة لوجه الله انا ألحين عمري 27 وعندي 3 يهال وألحين حامل وان شالله هذا آخر حمل يعني الحمدلله 4 حلوين اللي ابي اقوله ان لا تطولون بالحمل كل ما يبتي عيالج وانتي صغيرة أفضل لج صراحة أنا بحملي هذا تعبت وايد مع ان عمري صغير وكنت ماني مستعدة بس قلت هالشي وراي وراي وحلاتهم يكبرون مع بعض بس نصيحة مني انج تيبينهم ورا بعض ولا راح تتعبين، ولا انتو شرايكم
وتقبلوا نصيحتي

ما ادري انا اايد الفرق بين اليهال يعني 3 سنين بين كل حمله والثانيه اول شي التربيه تكون اسهل وتقدرين تربينهم عدل الحين انا مققره بالعشرينات اجيب 3 واول الثلاثينات 2 و اكون ما تعبت نفسي وبعدين عشان الوحده تستانس يحياتها تسافر وتستانس ويا زوجها وعيالها وما تكون قصرت باي ناحيه وعشان الجسم يرتاح ويرد لطبيعته

انا معاج %
بس مو معاج بعدد العيال
انشالله الله يرزقني ويرزقج باكثر من 4
انا احب العيال الوايد
ومااحب اطول بين الحملات يعني اول مايكمل البيبي سنه اقط الحبوب
واخليها على الله
عاد احمل بعد شهر بعد 5 شهور اللي يصير
لان ابي عيالي نفسي انا وخواتي وخواني
كبر بعض واذا تجمعنا وسولفنا شحلاتنا.

يابنات اللي ماتخلي فرق بين حملاتها ماتحس بتعب الحمل
بس اللي تخلي من 3 الى 5 سنوات والله تشوف الموت بالحمل
واسالو المجربين.

انا ويااج بهالنقطة حلو تيبينهم ورا بعض اول شئ يربون ويا بعض ومايكون في فرق كبير بالسن يعني يصير توافق في التفكير بين عيالج بعدين انتي تهتمين بنفسج وبجسمج يعني الحمدالله تيبينهم بعدين تتفرغين لعمرج وبعدين صح العمر يفرق في الحمال انا اول حمال لي كان عمري عشرين وماشالله ما حسيت اني حامل المرأة كما تقدمت بالسن كل ماصار حمالها متعب والله يرزقكم جميعاااا تمنياتي للجميع بالتوفيق

انا حاليا عمري 27 سنة وحامل بالرابع

وانا ماكنت ابغى بس شسوي الثالث والرابع غلطة مطبعية

لاني صراحه احس نفسي ماارتحت

بالعكس حبيبتي بتقعدين تربين من يده ويديد وبعدين حلو لما يكبرون تسافرين تقدرين تخلينهم وتقدرين تاخذينهم وياج وكل ما عديتي سن الثلاثين راح تتعبين بالحمل وبعدين ييبيهم مرة وحدة يعني لما يكمل الولد سنتين عشان تفضين حق ريلج وبعدين من قال ان الجسم ماراح يرتاح اذا حملتي بالعكس وانا احترم وجه نظرج

بالعكس حبيبتي أنتي ألحين بعمري وايد حلو يبيهم مرة وحدة والله راح ترتاحين قبل لا توصلين الثلاثين يعني اذا طقيتي ال30 متى راح تفضين حق عمرج وحبيبتي لا تتحسفين بالعكس زين سويتي والله يهون عليج ويسهل ولادتج

الله يسلمج ومشكورة على المشاركة

صح كلامج ومشكورة على المشاركة

انا
اشوف احلى يكون بينهم سنه

عشان راحتج بعد

انا اشوووف حلو يكون بينهم فرق سنه بس ماائيد تطلع من الاربعين وبعدها بشهرين تحمل

حلو يكون الفرق سنه
وحلو نفس ماقلتي يربون مع بعض

ويستانسون ومايحسون بالوحده

يعني الجاهل ابروحه يمل يبي اخوه او اهته يلعبون معاه ويستانسوووون

ومااقول الا الله يرزقنا ويهون عليج ولادتج

الفكرة حلوة بس تدرين شنو اللي يخليني أتردد ؟؟ مع إن توه الأول ما شرف لي الحين الله اييبه بالسلامة

أقول باجر وقت المدارس شبسوي فيهم ؟؟ واحد ويطلع الروح أشوف عيال خواتي شلون اسم الله عليهم .. إذا صاروا 2 ولا 3 شبسوي بعمري ؟؟ واجبات وامتحانات وحفظ وتسميع

يزر عقلي

كلاامج صح %
حنا جي تحت بعض لما الام تصير ب 30 عندها 8 جهال بينهم سنة تقريبا وبعدين تفضا لنفسهاا .. والا شرايكم

هههههههههههههه

مااخلي بدلياتي

اهته = يعني اخته هههههههههههههه

الله يحب المراة الولود الودود

يكون بينهم سنتين احسن