نصايح امي قبل العرس وشلون اتصرف واقول اذا وحده قطت علي كلمه اوغثتني روعه حق كل عروس

بسم الله الرحمن الرحيم

الموضوع واااااضح من العنوان اللي ابيه يكون هالمموضوع مرجع لنا كلنا وحق كل عروس ويفيدهم لان بصراحه انا في مشروع خطبه عن قريب ان شاء الله يارب اتمملي على خير وخااااااايفه حيل ومرتبكه

وتعرفون لازم نبي نصايح تفيد كل عروس يعني قبل لاتدخل ع الحياه الزوجيه الجديده
لان انا اولهم وثانيا لقيت شكثرررر بنات مايعرفون شلون يتعاملون وبعضهم صغار وبما ان بالسنوات الاخيره كثرت حالات الطلاق

عشان جذي نبي من كل وحده تدخل تقولنا امها اوصديقاتها او خواتها قالولها نصيحه حلوه تفيدها باجر او المتزوجات يفيدونا بنصيحه فعلا شافت مفعولها واثرها بحياتها الزوجيه

والشغله الثانيه طبعا كل الحموات اوالحريم يقطون كلام او نغزات وفي بنات انا مرات ماعرف ارد

ومرات لاوالله ابرررررررررررد قلبي بالرد واسكتها

بس تعرفون في بعض المواقف او بعض الكلمات تنقال مانعرف شنو نرد عليها وخصوصا اللي توها جديده عليهم ويبون يستضعفونها ويطلعوووون كل نحاااااستهم عليها

فعشان جذي ابي من ادخل عليهم يعملون لي حساب واعرف اوقف كل وحده عند حده مااقصد اني ابي ادخل هجوم وهوااااااش لالالا

ابي عطوني امثله اذا قطو كلمه شنو ارد

اوضح لكم اكثر بصراحه انا مطلقه فمثلا اذا سألوني ليش تطلقتي وقالو الناس عنج كلام واااااااجد ان فيج وفيج وفعلا ترا هالكلام وصلني ان ينقال عني وحسبي الله على من تكلم فيني

في هالحاله شنو ارد اقول ومثال ثاني

انا بخاطري احط تقويم بالعكس اسناني زينه مافيها شي بس بعدلهم اكثر عشان تكون لي ابتسامه هوليوديه

واللي عرفته ان هاللي بيخطب العرس بعد جم شهر يعني موبعد سنه او سنه ونص

فقلت بخاطري احط تقويم بعد العرس في حال اني حطيت وقطو كلام لهدرجه موحلوه معدلتهم شكله انغش فيج لان بصراحه اعرفهم لهم كلام واجد خواته واهله

المطلوووب نبي نصيحه حلوه حق الحياه الزوجيه من امج من اهلج ونفس المواقف اللي ذكرتها شلون نرد في حال ان انقالت او انقطت علينا كلمه مثلا كل كلمه انقالت شنو نرد عليها

سوري بنات طولت عليكم بس فعلا محتاره وخايفه مع ان اعرف بس صج احس كل شي تبخر ولاتنسون ترا في بنوتات نفسي مايعرفون وخايفين وحتى نقلل من حالات الطلاق اسم الله عليكم

واللي ماترد يااااااويلها والله ازعل

نااااااااااطره تفااااااااعلكم عراااااااايس

يا حلوج انتي ما تعرفين تردين انا اعرف شي واحد بس اذا احد جرحني ابجي يعني احمدي ربج لو مثل حظي بتصيرين مصخره مشكلتي حساسه وما اعرف ارد بس تفائلي بالخير عسى الله يسخرهم لج ويهديهم ويكونون مثل خواتج واعز

مثلا نصايح امي لي اهم شي خليج نظيفه فبيتج وبنفسج واكله دام جاهز واهم شي الابتساااااااامه ماتفاااااارقج وخليه دووووووم يشتاقلج والذكيه هي اللي تعرف شنو يبي زوجها قبل لايقول

يلا ناااااااااطرين نصااااااااااااايحكم ومواقفكم

نوااااااال اهئ اهئ لايغرج حتى انا ابجي على طووووووول

بلييييييييييز ساااااااااااعدووووووني

والله انا اطق لكم اصبع دمعتي على طرف وحساسه حيل

وما اعرف ارد واجرحهم مثل ما يجرحوني

مشكلتي طيبه بزياده

والله يوفقني ويوفقكم يارب

لازم الواحد يكون قوي او واضح يعني إلي تقط نعزه وتلف ودور هذي من اول شي وقفيها عند حدها لان لو عندها سالفه ما تنغز بس تبي مشاكل وانا ما اقول تتمشكلين معاها بالعكس تقعدين معاها بكل هدوء وتقولج شنو في بالها ومو لازم تقطين كلام جارح او قليل أدب بس تقلبين الموضوع بكل ذكاء صوبج

مااادري بس خلي عندج خصوصيه يعني موكل شي ينقال ولا تعطينهم وجه بزياده يعني سلام وسوالف عااامه واحترام اما حياتج مع زوجج واهلج خليها خاااصه وصدقيني الثقل والرزانه حلووه والله الله بالعمه وخصوصن قدام رجلج لان الرجال يحب المره اللي تحترم امه ويشيلها بعيونه

وش الدنيا بدونك وبوكس كوتيور ورقيقه وناعمه فديييييييييييتكم ماقصرتو ع الكلام العسسسسسسل

بس ابي نصايح تفيدني بحياتي الزوجيه الحين اللي عرفته ان اخلي في خصوصيه بحياتي ومواي شي اقوله واحترم امه

شلون اتعامل معاه والله اخاف واحاتي يمكن لاني مريت بتجربه وخايفه اني افشل هذه النقطه حييييييييل احاتيها

تكفوووووون بناااااااات بليز ابي نصايح شلون اتعامل مع زوجي واهله ونفس ماوضحت لكم بالموضوع ساااااااااااعدوني

عفيه ناااااااااااطرتكم لاتبخلون علي عسى يارب يحقق لكل وحده امنياتها

نصاااايح حلوة بس وين اللي يطبق

لا افا عليج انطبق بس خل يتفاعلون البنات معانا يعني الحين كل وحده محدد عرسها معقوله ماحد قالها عن نصايح شدعوووووووه عليكم بنات

والمتزوجات لاتبخلون علينا بالنصايح اللي انقالت لكم قبل العرس وطبقتيها ولقيتي فعلا لها اثر بحياتج الزوجيه

شسالفه بنات وين تفاعلكم؟؟؟؟؟؟

كل وحده تقول لنا شنو انصحوها فيه وبس؟

انا امي قالت لي اثقلي ومب كل شي تقولينه وقبل لا تقولين الكلمه اوزنيها وثمنيها

ولين قالوا كلمه اسكتي عنهم واذا كنتي قاعده بينهم وكلهم اكبر منج الي الي تقهوينهم

وقالت لي المره السنعه تفكر فالكلمه مليون مره مب تكون متسرعه وتدخل عرض فالسالفه

وقالت لي البسي عدل قدامهم لا تلبسين مرصرص امممم قالت تحملي تتكلمين عن ولدهم بالشين قدامهم

وقالت احترميهم هم مثل اهلج و قالت لي اسرارجج الخاصه بينج وبين ريلج ما نبي نعرف شي عنج الا اذا في مشكله كبيره

وما قدرتوا تحلونها دخلوا حد يحل الموضوع ويكون منصف

قالت لا تكونين متطلبه خلج كله مرتبه ومحترمه قدامه لبيه وان شاء الله

كلامممممممم واجد امي تقوله لي

وللحين تقولي اي شي اشوفه عليج مب حلو بنبهج عشان تنتبهين على نفسج

وهذا انا قاعده وكل يوم تهاوشني

الله يستر بس

بعد عممرررررررررري البسمه العذبه امواااااااااااح فديتج اي هذا الكلام اللي يبرد القلب مويدخلون وطناش فديتج بنات نبي نفس الطريقه اتمنى الفكره وصلت

حياااااااااااااتو انتي ماقصرتي ياقلبي وعسى ربي يتمملج ع خير
ميرسي

شوفي ياعسل خليك طيبه مابتلاقين الا طيب بس في نفس الوقت رسميه لان الواحد متى ماكان رسمي معاك غصب عنك ماتقدرين تقطين عليه اي كلمه تجرحه….وخلي اجاباتك مقتصره كلمه ورد غطاها هذا في حالة اذا احد منهم سألك اسئله خاصه او جارحه يعني مثلا…ليش تطلقتي وسمعنا كلام واجد عنك؟ردي بكل هدوء وابتسامه انتهى نصيبي معاه الله ماقدر لنا نكمل والناس ماعندهم غير الحكي واقطعي السالفه على طول…ليش مركبه تقويم؟اسناني حلوه ماعليها بس انا طماعه وابيها احلى

اتمنى اكون افدتك دعواتك لي بالوظيفه وصلاح الحال