|
|
السلام عليكمجاتني هديه قطه شيرازيه عمرهاشهرين الحمدلله تلعب وتاكل زين بس الاحظ انهاتحك وتلحس جسمها كثير وهي نايمه تفز من نومهاوتكمل النوم
واناشايله البوكس واجلس الاقي في البنطلون حقي حشرتين بيضاءصغار قلت اكيدمن البوكس واغسله
ودي اغسلها بس مااعرف وشلون بماي دافى ومتوسط وانشف بالاستشوار ولابمنشفه بس وشلون امسكها
والاكل عادي اناجاني اكل جاف وبس وحطيتلهاماي يصيراعطيهاحليب ومن وين الاقيه
اناالاقي اكلهافي السوبر الماركت هل ممكن الاقي حليب ولامايحتاج اعطيهاحليب وعادي حليب المراعي وتنفسها موطبيعي قصدي اذادققت ينسمع وعلى طول ممكن اذا تكرمتو نصايحكم الله يخلي لكم قطاويكم
وانااخاف تجيني امراض مع العلم انو صاحبة الهديه طعمتها قبل لاتهديني القطوه
خل يسويلها فحص ديدان و فحص امراض ما راح ياخذ من عشر دقايق هالفحص
و يطعمها دام كملت شهرين
بالنسبة حق الاكل تاكدي من انه اكل للقطاوة الصغىر kittens
ولا تعطينها حليب واذا مفكرة تعطينها حليب اخذي حليب قطط خاص
او حليب اطفال خالي من اللكتوز
بالنسبة حق الصوت عادي
والنوم القطط الصغار لازم ينامون من 18 اللا 20 ساعة
ديربالج عليها من البرد
وسبحيها مرة بالشهر بشامبو خاص بالقطط بس شرط تدفينها
وبس اذا عندج اي سؤال ثاني حياج
وترى الصوت خفيف بس التنفس طبيعي يعني الصوت من الجسم واحسه لماامسكها واعتقد اذا كانت صاحيه وواعيه مونايمه
والاكل يقولون ابوشهرين ماتاكل مثل الكبار يعني كلام قريته مومتاكده
ووبعد المشط احسن ولافرشاه لشعرها وشلون شكلها وعادي اخذلها مثل مشطي
والباقي نفس ما قالت الاخت MRS.coupe
اللتر بوكس تستخدين الرمل الطبي مو رمل عادي ديربالج
بس ديري بالج وانتي تسبحينها لا يدش الماي باذونها ..
ونشفيها عدل بالفوطه عقب بالاستشوار راح تغثج بس لازم احد يمسكها معاج
و حطيها بمكان دافي لين تنشف عدل عشان مايحوشها برد
خصوصا ان بعمرها بسرعه يمرضون
والاكل نوعي لها عطيها من اكل البيت .. دجاج مفيوح .. بطاط و جزر .. بيض مفيوح مع جبنه ..
و يوميا نظفي عيونها بقطنه وماي دافي.. وكل عين تمسحينها بقطنه غير ..
و هم الاذون لازم تنظفينهم .. بقطنه وبيبي اويل ..
او تلاقين بقسم القطاوه منظف للاذون حيل حلو ..
و مووفقه مع قطوتج : )
قبل يومين جاها اسهال الله يكرمكم شكله من البرد لاني هي تجي معاي في الغرفه وصرت لماانام احطهافي غرفهالحالها واقفل الباب واسمعها تون الاغصب اخرجها بس انااخاف عليها ماينفع اخرجها
ولاحظت شعرهايطيح من امسكه وأشد تطيح خصل كثيره هل هذا طبيعي
والحمدلله حممتها ومرت بسلام ههههه
اقطعي عنها منتجات الالبان بهالفتره وخليج على الدجاج المسلوق والدراي فود ( البسكوت)
حاولي تمشطين شعرها يوميا .. وترا لانها صغيره حرام ماتبي تقعد بروحها
تعتبرج مثل امها 
اذا بتسبحينها .. حطيها بالحنفيه وامسكيها بايد .. والايد الثانيه فركي جسمها بالشامبو
واذا خلصتي لفيها بفوطه ونشفيها .. بعدين اقعدي وحطيها بحضنج وامسكيها بايد وامسكي الاستشوار بالايد الثانيه ونشفيها عشان لايدشها برد .. بس خلي الاستشوار بعيد عنها لا يحرق جلدها ..
وديها بيطري لازم فحص والله ترئ يصير فيج امراض مو زين!!