نداء نداء لام ضاري ويتبوتا ومشرفاتنا الغاليات

مبارك عليكم الشهر
وعساكم من عواده

بعض البنات الله يهديهم ردودهم تغث وحى مواضيعهم
يعني الاخت الي حاطه مشكلتها مع صوغة ام زوجها وبعض العضوات يردون رد غير لائق ويغضب الله
ليش ماتحطولهم حد
حتى بعض الردود على بعض المشاكل
تطلقي
خليه يولي
الخ من ردود تخرب البيوت
ترى ربنا على كل كلمه يحاسبنا عليها
صج مرات نحتر من الخاله ازوج او الحمى امرت الحمى

لكن ماتوصل فينا انه نقل ادبنا او نطنز عليهم
منتدى كويتيات يمثنا احنا يابنات الكويت
شنو تبون الغرب يقولون عنا
مومتربيات
مايحشمون الزوج ولا اهله
اتمنى من المشرفات يلغون اي رد غير لائق
ويابنات عاملوا الناس بطريقه الي تحبون ربكم يعاملكم فيها يوم الحساب
وياريت نرتقي بردودنا

كل واحد رقيب نفسه

وبعدين المشرفات بيراقبون كلمة وحدة وحدة مارح يخلصون يعني بينامون مجابلين المنتدى الله يهداج

انا قول رد كل وحدة يعكس افكارها واخلاقياتها

بالعكس اختلاف الارء لايفسد للود قضيه ..
وبعدين للي كتبت موضوع وتبي ردود عندها عقل تعرف تميز بين الزين والشين
والمثل يقول كلن عقله براسه يعرف خلاصه …
بالعكس مانبي المثاليه الزايده بالردود ..
انا عن نفسي اذا نزلت موضوع مابي ردود مثاليه .. ابي كل وحده تكتب ردة فعلها الطبيعيه
سواء كانت سلبيه ااو ايجابيه ..
وبعدين شسالفة حنا كويتيات ؟؟
اي كويتيات بس مو معصومين عن الخطأ فينا الطالح والفالح ..

خلي البنات يعبرون بكيفهم تلاقينها بالعه موس وساكته ومحترمه الكل وان تحجت ياويلها
وتجي تفرغ هني خليها تفرغ بعد حتى بالمنتدى ماتبون الواحد ياخذ راحته

وشكرا

حلوه حرية الرأي بس بدون تجريح واهانه لاي عضوه هالشي معاج حق فيه
والمشرفات مو معقوله يقرون رد رد بس الله يهدي بعض البنات اللي ردودهم تجريح وعلى فكره هالفئه بدت تقل الايام الاخيره والحمد لله

ما تقدرين اتحكمين فيهم

[quote=جـــواهر;18258726]بالعكس اختلاف الارء لايفسد للود قضيه ..
وبعدين للي كتبت موضوع وتبي ردود عندها عقل تعرف تميز بين الزين والشين
والمثل يقول كلن عقله براسه يعرف خلاصه …
بالعكس مانبي المثاليه الزايده بالردود ..
انا عن نفسي اذا نزلت موضوع مابي ردود مثاليه .. ابي كل وحده تكتب ردة فعلها الطبيعيه
سواء كانت سلبيه ااو ايجابيه ..
وبعدين شسالفة حنا كويتيات ؟؟
اي كويتيات بس مو معصومين عن الخطأ فينا الطالح والفالح ..

خلي البنات يعبرون بكيفهم تلاقينها بالعه موس وساكته ومحترمه الكل وان تحجت ياويلها
وتجي تفرغ هني خليها تفرغ بعد حتى بالمنتدى ماتبون الواحد ياخذ راحته

وشكرا [/quoteص]
صااجه ياجواهر واحنا نتكلم بادب ونعبر عن راينا

صعبة حبوبة الواحد يتحكم بتصرفات الاخرين
وبخصوص كلامج انه الغرب شنو يقولون عنا علي قولتج
تري بكل بلد الصالح والطالح ومو رد بنت ولا بنتين بيخلي الناس تحكم علي الكويت

تحياتي

اغلبنا بالعين الموس ونفضفض اهني ومن حقنا لكن تنصدمين من بعض الردود
شنو وحده تقول قهري ام ريلج
وانا ماقول انه احنا معصومين يالكويتيات من الغلط لكن حطي فبالج انه احنا لازم نكون قدوه لغيرنا

انتظر حبه
لا مو الكل يعبر بادب

انا ناتحكم باحد لكن مثل ماقلت بعض الردود الغلط فيها واضح

كلامج عين العقل
لكن مشرفات هالقسم ماراح يقصرون ان شاءالله

حلو إبداء الراي بكل صرآحه بس ماأحد راح يتقبله ألا إذا كان بأدب وحسن خلق‏~‏
بعض البنات مفارقها حسن الخلق يعني بعضهم صراحه عادي عندها تلعن‏!‏‏!‏‏!‏لحظه لحظه حبيبتي ماتدرين أن اللي لعنتيها إذا ماكانت من اللي يستحقون اللعن راح ترجع عليك اللعنه ؟؟ ولا تقول كل.. وألا حما..‏ بكل بساطه‏‏
~غير كذا أنتي راح تكرهين الناس فيك ~

وتاخذين سيئات ع سوء خلقك‏~‏‏‏
عموما الله يهدي المسلمين ~

‏

مشكوره يغلا الغوالي

مادري شقولج بس كل وحده ردها يدل على اخلاقها

؛
؛

المشرفات بشر

عندهم بيت و زوج و عيال و دوام و اهل و إلتزامات و ينامون و ياكلون و يمرضون

المشرفات مو آله ولا مكينه ولا كمبيوتر ( حتى الكمبيوتر يبيله شحن لوول )

المقصد من كلامي ان الانسان طاقه ..

و مو معقوله بيقعدون يراقبون رد رد

؛
؛