نداء لخبيرة الأعشاب أم خالد وكل وحده لها خبرة بالأعشاب والأدويه تدخل

وثاني سؤال هل صحيح انه مايصير النفاس تربط بطنها أول 10 أيام لها؟
يقولون مو زين لأن الرحم ما رد لمكانه الطبيعي بعدين يرتخي

ياريت اللي تعرف تجاوبني وتريحني والله يريح بالها وينولها اللي تبي ان شالله وأتمنى بعد خبيرتنا أم خالد ترد علي والله يعطيج العافيه

شدعوه ثنتين دشوا ولا ردوا ع الأقل رأفوا بحالي وقولو أي كلمه

حبيبتي انا اقولج بس من حجي الأوليين واللي انا سويته واللي اسمعه ..اللي والده طبيعي تقدر تاخذ العشاب من اول يوم ما يضر

بس اللي قيصري تقدر اتبلش من اليوم الخامس من الولاده .. وفي ناس تقول من اليوم العاشر..

بالنسبه لي انا الولاده الاولى ولدت طبيعي وبديت بالاعشاب من اول يوم وربطت من 7 يوم الولاده

و بالنسبه لي لولادتي الثانيه ولدت قيصري وخذيت العشاب من خامس يوم من الولاده وربطت من 15 يوم من الولاده

والحمدالله ماضرني شي وكل شي طبيعي ..

انا دايم ابتدي بالادويه من ثالث يوم بالنفاس
وربط البطن من سابع يوم عالخفيف وكل يومين اشد عليه شوي.

شاكرة مرورج ضي 2024 والله يعطيج العافية يعني مرة ثانيه مااصدق وكاله يقولون تصدقين آنا عقدت أمي أقولها فلانه تقول مو زين وأهي تقولي انها فيني ربطت بعد أسبوع وكلت أعشاب من أول يوم وإن ما صار فيها شي شكله من اليوم ورايح بأسمع كلام أمي
يعطيج العافيه حبيبتي ضي

الحمد الله على سلامتج زينانه والله يتمم عليج نفاسج بالعافيه ومبروك ما ياج بس ماادري ولد والا بنوته؟
وشاكره مرورج ويعطيج العافيه

ياااااااااااااااااااااي 15 دشوا وما ردوا علي إلا ثنتين الله يعطيهم العافيه
زين ع الأقل علقوا بكلمة ولو جبر خاطر

ابشرج بنوته ……….والفال للولد

يا حياتي تتربى بعزج وعز أبوها يا زين البنات شحلاتهم الله يخليها لج وتقومين بالسلامه وإن شالله الفال بالولد عن قريب

مشكوره عالدعوه الحلوه

لبيج اختي

بالنسبة للادوية فاذا الولادة الطبيعية تستعمل الادوية من اليوم الثاني للولادة و تستعملين فيه اللهوم و التمر بالاعشاب و ايضا حسو مع حليب دافي

اما اذا قيصرية فيفضل استعمال الاعشاب بدءا من اليوم الخامس للولادة

بالنسبة للربط فيفضل من اليوم الخامس و ايضا تكلمت عن الربط بشكل مفصل في الموضوع المثبت النفاس ليس فترة عقاب

و حياج اختي

الف مبروووك ياقلبي وعساها من البنات الصالحين يارب …

الوالده طبيعي .. تبدأ تاخذ الدواء من ثالث يوم ولاده . اول يوم وثاني يوم عاااادي تمشيها اي شي ساخن .. بعدين تبدأ الادويه عااادي من غير مشاااكل ..
ربط البطن الافضل يكون بعد اسبوع من الولاده . هذا اللي انا انصح فيه الحريم اللي يجوني…او يسألوني …
واعذريني على التطفل ..

لبيتي الكعبه أم خالد وجزاج الله ألف خير والله يعطيج العافيه

مشكورة على مرورج أختي غنوة ستايل والله يعطيج العافيه

شسالفه؟؟؟
الله يجزي اللي دشوا جاوبوني والله يعطيهم العافيه بصراحه اكوا ناس تدش وماترد ولا تعلق بعد بس ماقصروا اللي ردوا علي كفوا ووفوا والله يكتبها لهم في ميزان حسناتهم وجزاكم الله خير
شكلي باجر لمن أبي أسأل عن شي مااكتبه موضوع انا مقصدي من كتابه الموضوع ان البنات يعرفون لان مرات تصدف وحده سؤالها مثلج بس شنقول الشكوى لله
ع العموم مشكووووريييييييييين