نحت الجسم بالليزر .قولي لنا تجربتج واي دكتور ممتاز بهالمجال —فيدي واستفيدي

السلام حبايبي
حبيت بهالموضوع انكمل التطور اللي صار في مجال نحت وتجميل الجسم
يعني مانبي كرش
ولا جنووووب
ولا ظهر يزحف معاي
ولا ازنود. اتصفق وياي
وخلفيه مشدوده —-هذا المطلوب
باختصار نبي تجاربكم في هاامجال وكل وحده تذكر تجربتها بامانه راح تتاكد راح ندعيلها
عني انا ناويه اسوي شفط لاجنابي واحقن المؤخره عند الدكتوره شيرين لانها مررره استحي انكشف على رجل
رحت لها قبل شهر وقالت لي العمليه مع الظهر والبطن والاجناب وحقن ب 1700 بس المشكله بنج عااااااااام
وانا ماايد العام
رديت البيت مثل ماقالت لي واستخرت والحين ان شاءالله ناويه على بنج موضعي واقسم جسمي حته حته
الحين بدايه بالجنوب والحقن والمره الثانيه الظهر لما اخلص على الدهووون. العنيده
مع اني مومتينه حيل بس الدهون اتشوه الجسم

سويت كل شي بس ماراحت
وان شاءالله الحين قررت اسويها ببنج موضعي عند شيرين ابو الفتوح بشهر 8 لانها مسافره
تجاربكم حبايبي لاتبخلون علينا وفي ميزان حسناتكم

نصيحتي ك اختى لاااااااااااااااا وخري عن البنج الموضعي لاني اعرف وحده قامت تصارخ وتقول انها حست بلعوار وبنجوها بنج كامل
عن نفسي سويت شد زند بنج عام عند دكتور اشرف خوش دكتور مفكره اسوي فخوذي لاعت جبدي بس الميزانيه يختج

ااااااااب

يسلموووووووووووووووووووووووووووووووو ع الاب

ماادري بس انا اخاف من النبج العااام
فيدوني بليز احد سوى بنج موضعي ونفعه
beealh يسلمو عالمعلومه بس ارد اوقولج اخاااف من البنج العام والحين تطورت الادوات يمكن اقدر اسويه بالبنج الموضعي
ياااااااااااااااااااااااااااااااااااارب

بليز لايوقف الموضوع عشان نستفيد ونفيد غيرنا

نصيحه مجربه اذا اكثر من منطقه سويها مره وحده بنج عام وريحي عمرج لا الم ويكون صج نيو لوك والريكوفري واحد وتفتكين غير انه اوفر حق فلوسج طبعا
لكن اذا منطقه وحده بس فسويها بنج موضعي بس حطي ببالج ترى مو نفس العام يعني راح تحسين بألم والم مو سهل بس على قولتهم بيوتي كوست .. يعني الجمال مكلف فتتحملين بوساعتين وانتي خالصه والله يوفقج انشالله :**

مثل ما قالت وحده التخدير الكامل رحمة لأنج مو عارفه شو يصير معاج مو مثل لما تكونين واعيه تحسبين الدقايق عشان إتخلصين وتفتكين من الوضع إلي إنتي فيه

سويها بنج. عام احسن بس العوار تحسبنه بعد ما تقومين من البنج

علميا الموضعي أفضل للجسم وطبعا موضع العملية مخدر تماما وانتي شبه مخدره يعني وأنا سويت عمليات أخطر عن جي ببنج موضعي ولله الحمد

غلاي زايد انتي سويتي بنج موضعي حسيتي بشي او لا
بليززز انا اخاااف من العام لان اكون مخدره واخاف من مضاعفات هالامر
انزين حبايبي منو احسن دكتور بهالمجال

بليز عن تجربه

انا نفسج ما احب البنج العام

ومستعده اتحمل الام الدنيا كلها ولا ان اكون ف بنج عام..عطيني معلومات اكثر حياتي

شلون نحت بالليزر والدكتوره شاطره شاطره..شايفه نتايجها على بنات من قبل

اللي سوا الزنود شلون البنج موضعي والا عام
واهم شي شلون بعد البنج يعني بعد العمليه شلون العوار
نبي تجارب مانبي البنج عام او موضعي
التجربه مع البنج
وعند منوو

انا سالت اشكثر ورحت للدكتوره شرين ابو الفتوح
قالت لي بسوي لج بنج عام وبجهاز الليزر اذوب دهون ظهرج والجوانب والبطن واذا تبين حقن للمؤخره سويت
مع المستشفى ١٧٠٠ بالسلااام
وشافتني متردده قالت روحي استخيري واذا استقريتي تعالي
طبعا انا استخرت وارتحت للبنج الموضعي
دقيت ابي موعد قات الدكتوره فللل وبعدها راح تساقر مصر ماراح ترجع الا على اخر ٩
فبليز عندكم بديل وابي البنج الموضعي يعورر ولا لأ

انا سمعت انا الليزر
مو نفس الشفط والشد يعني شي بسيط
وصراحه ضاق خلقي