نبي تجمع ننصح فيه العرايس

سلااااااام لاحلى كويتيات بالمنتدى
عندي فكره ياريت تساعدوني فيها ,, الفكره اهي انه كل وحده متزوجه او منفصله تكتب لنا عن تجاربها او المطبات اللي طاحت فيها بعد الزواج ومايمنع انج تكتبين عن موقف وحده تعرفينها المهم انه نستفيد من تجاربنا ونساعد فيها العرايس

انا عن نفسي كنت اول وحده اتزوج بعايلتنا وامي صغيره مو كبيره وايد بس في فرق بالعمر والذوق والاهتمام وحتى طريقه جيلها مع الزوج تختلف عن بنات جيلنا ,,,,وللاسف يااارريت كان في نت ومنتديات تنفعنا بذاك الوقت

انا ما اقصد نصايح شلون تتعامل مع زوجها مانبي خراب بيوت ههههههههه
نبي اشياء صغيره ماكنا منتبهين لها ولا تضحكون علي لاني راح ابتدي اكتب وياريت البنات يتشجعون ويكتبون ترى امور صغيره تسوي فرق كبييييييييير

انا تزوجت عمري تقريبا 19 وكنت بالجامعه وهمي دراسه غالبا.. صالون ماعرفه ولا حتى منيكير حسبالي البنات جذي خلقه اظافرهم هههههههه بس بنات هالوقت غير يعرفونه

بعرسي كان المفروض اصبغ جسمي اكسجين ( مشقر ) عشان لون الكريم يطلع احلى بس الاكسجين غير شر ما مر علي اسمه <<< نصيحه للعرايس لا تحفين الظهر او البطن بالعرس ترى ينفر >>>

اممممممم اي بعد قمصان النوم لا تصير كلها مشخلعه هههههههه اول الايام اكيييييييد بتستحين يعني مستتر نوعا ما (( بس مو كم طويل هههههه )) وعقبها يبتدي يكش ويقصر

ياليت مثل ماتجهزين دراريع وبدل تجهزين شغلات حق قعده البيت مو كلها قمصان نوم وياريت تنوعين في بنات يعلقون يا تريننق ولا بجامات قطن …. لبسي شورتات بنطلونات سكيني وغيره وبرمودا تنانير قصار او حتى نفانيف ناعمه

واذا نوعيتج تسريحتج وحده ماتتغير بحكم طول شعرج تعلمي تغيرين وتسوين حركات في شعرج

بنات انا اقصد هذي النوعيه من النصايح انا قلتها على السريع يمكن تقولون نعرفها بس صدقوني في وايد بنات مايعرفون مانبي نصايح عن الحموله والحماه والخاله والزوج لانه كلن يعمل باصله

انا متزوجه

نصيحه مو بس تكثرون من القمصان ترى بعض الرياجيل مايحبون

مثلا زوجي اكتشفت يحب على البجايم او البرمودات وبس والقمصان الطويله

لان شباب اليوم ومنهم زوجي وازواج رفيجاتي على بالهم الوحده اذا لبست قميص تبي ……..

انا امي كانت تنصحني اني اكون خجوله وخاصه وقت ال…..تندمت لان زوجي ماحب خجلي ابدااا وكان يعصب

ونصيحه لا تتعودين على الطبخ والكوي ماينعطون وجه <<<<خخخخخخ
قولي مااعرف اكوي اخاف احرقهم <<<<عقدتي

اذا تذكرت شي رديت

ونصيحه مو بس لازقه فيه خليه وقت بروحه مثلا يطالع التلفزيون قعدي معه ساعه وخليج جنبه وبعدين خليه وانشغلي عنه نصيحه مايحبون التلزق

Hehehe
7abeet elmaw’9o3 la2any 3atoos :$

فرحه عمر …… مواقفج مرت علي لوووووووووووول

واهم نصيحه اقدمها للعرايس لاتسولفين وتفتحيين قلبج للزوج مهما صار

نصيحه ,لو العلاقه ببيتكم بين أهلج قايمه عندهم داحس والغبراء لاتجيبين له طاري مسرع مايقلب عليج ويعايرج بأهلج رزي أهلج قد ماتقدرين وخلافاتهم لاتطلع عند الريل ,يمشيلج مصرف مباشرة عالبنك ماله داعي بهدلة شهر اي وشهر لا.
لاتتخلين عن صديقاتك وهواياتك وديري بالج تقضين حاجات البيت بروجج رجلك على رجله

تسلمووون ع النصايح والموضوع الحلو

>>> ومنكم نستفيد >_<

أب أب خووش موضوع

بعد نبي نصايح ^_^

مشكوره على المرور والمشاركه اختي بس احنا حرصنا انه مانتدخل بالعلاقه بين المعاريس نبي بس نصايح عن التجهيز واهتمامهم في نفسهم في بيت المستقبل
وشدعوه فلوس تتحول على البنك!! ترى وايد بنات على نياتهم ويقرون الموضوعين وينشحنون ويحسون انهم داشين حرب مو زواج هذي امور تنحل بالتفاهم بين المعاريس ….. ولا شرايكم يا عرايس؟؟؟

هالموضوع مخصووووووووووص عشانكم للعرايس اليدد واللي على وشك زواج واللي ان شاء الله الله بيرزقهم قريب

وشدعوه البنات اللي طلو وطلعو ماعندكم تجارب نستفيد منها؟؟

المـوضووع روعــآ

والنصــآيح خيـآليــة ومفيـدهـ

بــآلنسبة لنصــآيح نوووور بــآلعكسسس روعـــآ

كلااامهـــآ مثل كلاام خــآلاااتي ضبط

إحنــآ نبي هــآلنوعيتين من النصــآيح لأن يمكن في عــرآيسسس خلصووو تجهيز

ويعطيكم العــآفية مــآقصصرتوو الموووووضضضضضضضضوع روووعـــآ

انصح كل عروووووس

تعامل اهل زوجها برسميه وبحدوود

لاتحاول تكون قريبه حيييييييل

لان مهما تحاولين ماراح تكونين القريبه اللي راح يحبونج من قلب

احترمي الام

خليج قليلة الكلام

لاتحاولين تسولفين عن امور الناس وعن اي شي تشوفينه بافعال الناس

حببي زوجج فيج ولاتحاولين تتكلمين عن اهله باي شكل من الاشكال

خلي شخصيتج قويه وحلوه بنفس الوقت

عامليه باحترام علشان يحترمج

لاتحسسينه انج ضعيفة شخصيه علشان مايتمادى في امور تصير

حياتج لاتصير دايما رومانسيه خليها جديه وفيها نوع من الحب والرومانسيه خليها فترات علشان مايمل

لاتسولفين له عن امور بيت اهلج او اي مشكله

لاتبينين له ان ماعندج صديقات بالعكس حسسيه ان لج مكان بالمجتمع بمعنى ان عندج ناس يعزونج ويحترمونج ويتمنون انج تواصلينهم

عاملي خواته باحترام ولاتتدخلين بخصوصياتهم ولاتسالين عن اي شي يصير معاهم الا اذا اهم سولفو لج واذا سولفو خليج مستمعه وبنفس الوقت

منصحه لها ….

هذي الاشيا اللي في بالي حاليا

وصدقيني يا عروس بتفيدج في حياتج

الطيبه وضعف الشخصيه والرومانسيات الدائمه ماتنفع

الرجل يحب المره اللي تنوع

لاتصيرين بنظره دايم حزينه وتعيسه وتعبانه ومجروحه

يمـــــــــــــل ترى

وبسسس

هههههههههه
***صح كلامج مايحبون التلزق كلش ولا اللي تقرق على راسهم ودم ضرووووووسهم تفتحين معاه موضوع وهو توه قاعد من النوم

***عرايس حبايبي اذا قعد من النوم وتعكر مزاجه عليج لا تتضايقين حسبالج قاصدج ترى كلهم جذي ماينتحاجون اول مايقعدون من النوم

***نرجع لسالفه اللبس فعلا مو كل الرياييل تحب القمصان وحتى اللي يحبون القمصان كل واحد منهم يختلف ذوقه عن الثاني وهالشي مع الوقت ان شاء الله راح تلاحظينه او اذا اهو جرئ بيقولج بس خليكم وقت النهارلبس ناعم واللي بعد المغرب فناتق جينزات وبرمودات وشورات وتنانير وهالسوالف واذا قالج غيري او حبيتي تغيرين اذا رجع غيري

***وصح كلامج انجلينا بعضهم اذا شافج كاشخه بقميص كل يوم حسبالهم انتي اللي تبين وبعضهم يصكه النعاس ههههههههه بس مايمنع انج تلبسين على طول ودايمن خليج مستعده ولابسه وكاشخه اذا بغى موجوده واذا بينام كيفه لا تحترين ولا يضيق خلقج
ولا تتعودين كله مشخلع ومكشف ترى يتعود عليج نفس الساتيل

*** الصالون والشيره انا قبل اول مايطلع نتفه شعر اتازم ولازم اشيله شنو يعني يشوفني جذي شعر!! وقبل لا يطلع شايلته يا براون او شيره اقصد ايديني والريول … طلعو مايلاحظون وقله قليله جدا اللي تلاحظ
بس بعد عقبها تعلمت طريقه انه اذا بدى يطلع الشعر اصبغه مشقر واذا طال وصار واضح رحت الصالون وطلع غلط اول مايطلع اشيله لانه الشعر صار ينبت داخل الجلد

يــآحيــآتي خيلااااء

نصــآيحج من ذهب

مــآقصصرتي

[right]مشكوره على المرور والنصايح الذهب

1. فعلا ياعرايس خليج واثقه بنفسج << بس مو درجه الغرور ترى بيكرهج واذا ضعيفه ومهزوزه بعد هم بيكرهج

فعلا مشاكل بيت اهلج ماتطلع ولا تتكلمين فيها عنده مهما كان وامدحي ابوج وخوانج خليه يحس انه وراج عزوه وظهر <<< بس هم بعد بحدود مو كل موضوع تطير مدح باهلج ترى مايحبون جذي يحسبونج محتقرتهم او فيها تقليل قدر عندهم

علاقتج باهله حسب الاصول لا تطيحين وايد معاهم ولا تترفعين عنهم حلو اذا دخلتي عيلهم بصحن حلو بين فتره وفتره عشان مايتعودون يقلون قطعت هالعاده او يقلون ماعمرها جابت

نصيييييييييحه لا تتدخلين بمشاكلهم حتى لو طلبو النصيحه قولي ماااااااادري باجر المصايب كلها تطلع من تحت راس نصيحتج بالنسبه لهم ويتصافون بينهم وتطلعين انتي الغلطانه
لا تتكلمين عن خصوصياتج انتي وزوجج عند اي كان ومشاكلكم لا تتكلمين فيها عند اهله او اي احد حتى صديقاتج ترى ماكو احسن من امج واختج بهالمواضيع اذا يقدرون بيساعدونج لانهم اكثر ناس بيخلصونلج بالنصيحه واذا في شغله مضايقتج منه تفاهمي معاه لا تدخلين احد نهائي الا اذا صار الموضوع لا يطاق او تمادى فيه ترى مايحبون احد يتدخل بامورهم الا اذا مد ايده عليج لا الا دخلي اهلج بالموضوع غصبن عنه عشان مايفكر يمد ايده مره ثانيه[/right]

واذا تذكرت بعد راح اقولكم