نبيها أرشق :) [انتهت المده!]

خل اقولكم قصتي الطويله مع المتن و معاناتي المستره معاه

الله يسلمكم انا طول عمري متينه و احب الاكل
من رحت الثنويه و حالي حال باجي البنات
قمت افكر بالهدوم و المكياج و الوناسه فقـــــــــررت اني اضعف
رحت عند دكتوره ميري في العوضي سنتر و التزمت معاها اسبوعيا و خلال شهر و نص نزلت ال 12 كيلو الي كنت بنزلهم و وصلت الجسم الي ببالي و الوزن الي كنت ابيه الا و هو 60

مرت السنين و تزوجت حبيبي
مرت سنه من زواجي و حملت في بنتي نظر عيني
والحمدلله يت بالسلامه الله يحفظها انشالله ويبلغني فيها

الحين الحلوه عمرها سنه و عشر شهور تقريبا و انا على حطت ايدكم بلع في بلع
و كل يوم اقص على روحي و اقول باجر
ماكو رجيم ما سيفته بهالكمبيوتر المسكين , ما كو دكتور ما رحتله ، ما كو نادي ما دشيه ، ما بغا جهاز رياضه ماشريته ، ما بغا حبوب ما بلعتها و الحين طالبتلي من النت 9 اشرطة تمارين ناطرتهم يوصلون عشان يقعدون مع ربعهم
مجابلين بعض ولا حتى يمكن افتحهم

حدي زهقت من عمري لا والمشكله ريلي ما يحب المتن و امي ذابحتني كل يوم تقول ليش ماتضعين ليش ما تضعفين
حدي تحطمت نفسيا
و تخيلوا فوق شيني قوات عيني
كل مااروح السوق مع ريلي اشتري هدوم و تخيلوا اشتر هدوم بمقاسات صغيره علبو يعني حافز
بس عمك اصمخ ولا اكو فايده
و كلمالي وقاعده ازيد و ازيد و ازيد حدي بنفجر و الاكل عاميني
ابدي مثلا الرجيم الصبح و بس اوصل الكليه اشوف الاكل و تنمسح كل الاحلام الي رسمتها و انا بالسياره بطريجي

تخيلوا انا من ولدت وصل وزني 66 و الحين توني وازنه تتوقعون جم وزني ؟؟؟

تخيلوا وزني 82

النااس تضعف لي ولدت وانا ازيد

و كل يوم على هالمنوال

عااااد و بعد تفكير و تفكير و تفكير وتفكير

قــــــــــــررت
اني ابدي رجيم اليوم

و انشالله القا الدعم من خواتي الي بالمنتدى
فقلت كل يوم ادش هني و اكت شنو تغديت و تريقت و تعشيت
و شنو الرياضه الي سويتها
وشنو الصعوبات الي واجهتني و الاكل الي حده اغراني ، حشا مو اكل ادمي وشنو الي خلاني اقاوم هالاكل
و في حال خربطت بالرجيم هم اكتب عشااان توروني العين الحمرا و استحي شوي على دمي

والي بعد تعاني نفسي خل تكتب لنا شكلت و شمارست من رياضه و شنو الاغراءات الي واجهتها و شلون تغلبت عليهاا

انا بلشت من اليووم والله يتمم انشالله على و على الجميع
ما تريقت لاني كنت صايمه و علي ديين

تفطرت قطع لحم مع جزر و بصل و فاصوليا و ميني ذره يشبه الجاينييز تقريبا
وما فيه اي قطرة دهن

و تخيلوا الحين حدي ميته يووووووووووووع و فيني البجيه ودي اكل ولاادري شاكل
قاعده افكر اكل فواكه او اسويلي نسكافيه بس بقاااوم كل الاكل
ودي معتدي تصغر نفس اياام العزوبيه و الرشااقه فمابي بس ايوع اروح اترسها بلعه و اكل حتى لو صحي لان مهما كان حتى لو كان الاكل صحي هم زيادته تسبب سمنه
وانشالله تقوا الاراده
و بعدد شوي بروح النادي الي مشتركته (كيرفز) الي صارلي 4 شهور مشتركه و ما رحت الا شهر واحد بس خل اروح و احلل السنه الي اشتركتها

نااااااااااااااطرتكم حبايبي الغاليين
و مو تسكبووووووووووون بلييييييييييييييييييييييييز

و هذي ورده حق كل الي تدش و تشجعني
وورده بعد حق كل الدباديب الي نفسي ::الي انشالله نساند بعض و نوقف ويا بعض و كل وحده تكتب شكلت بيومها و شمارست من رياضه و شنو الصعوبااات الي واجهتها

حدي قرقت عليييييييييكم سوووووووووري