نادي علمي لخبرة الماء والهواء

السلام عليكم ورحمة الله وبركاته

بنات عندي درس نموذجي نادي علمي لخبرة الماء والهواء

وبصراحة انصدمت من النادي العلمي ما أحبه بس شسوي دبسوووووووووووووني فيه

وبصراحة كلمت مشرفتنا عن الخطوات واحسها شتت افكاري

ابي تجربتين

اللي تعرف ماعليها امر تعلمني لاني ميـــــــــــــــــــــــــــــح بنادي العلمي ولا عمري قدمته

تجربة الطفو
تجربة الهواء يحرك الاشياء

تجربه خواااص الماء

ماقصرتوا

بس أبي الخطوات ابي درس متسلسل وبسيط

ماتوقعت جذيه

بصراحه اللي شافوا موضوعي 80 واللي ردوا 2 ؟؟

حبيبتي انا بدورلج من عيوني ..

والله يوفقج ان شاءالله ..

وان شاءالله بعد البنات يفيدوونج ..

اول شي تقسمين اليهال على مجموعات
وكل مجموعه موفرتلها ادواتها
تبدين بمنبه بسيط له علاقة بالماي دامنا باسبوع الماي
وتقولين للاطفال عندنا اليوم تجربه عن كذا وكذا
وتبدين بالخطوات .. وكل خطوه تسوينها يسوون عقبج
وبالنهاية الاستنتاج

الصراحه ماعمري قدمت نادي علمي ادرس المستوى الاول

بس اذا على التجارب اقدر اعطيج

في ترجبة الهواء ينكمش بالبروده ويتمدد بالحراره

طريقتها بشري الثلج وحطي في بطل ماي صحه وسكري عليه وخلي الطفل يرج البطل فتره راح تشوفين البطل ينكمش للداخل واهنيه يستنتج انه الهواء ينكمش بالبروده

والتجربه الثانيه يبي طشت ولا اي اناء ويكون مليان ماي ساخن وحطي فيه بطل والبطل يكون فيه غطاء وبعد فتره راح تشوفين انه الغطا يطير لانه الهواء يتمدد بالبروده

وتجربة الشمعه

وتجربة قوة دفع الماء

يبي اناء وحطي فيه ثقوب ثلاث ثقوب
وبعدين مطارة ماي ولا الخنفيه وخليها تصب بالاناء راح تشوفين انه الفتحه الي تحت توصل ابعد شي والثانيه بالنص ولااخير قريب حيل
وهذا اي قوة الدفع

وأتمنى قدرت افيدج لو بشي بسيط

طريقة النادي العلمي
اول شي حرصي أنج تكونين موزعة الأدوات على الطاولة ( ما اقسمهم مجموعات نفس طريقة المطبخ) و الأفضل تكون الطاولات على شكل حرف u
و خلي طاولتج بالنص و هم عندج أدوات لنفس التجربة

طاولة تشرحين فيها المنبه و راح يكون عن تجربة الطفو و الرسوب

المنبه عرض صورة قارب في البحر و اراد صاحب القارب ان يوقفه ليصطاد السمك كيف يوقفه
راح تركبين المنظر الثاني الي اهو ( ما ادري شسمونه ) بس الحديد الي فيه ثقل و اهني نعرف انه القارب توقف لأنه وضعنا جسم ثقيل أسفل القارب و حطي عندج تب فيه ماي و جرب قطي صخرة و خليهم يقولون لج شصار فيها و بعدين حطي ورقة وخليهم يستنتجون بعدين تقولين لهم انه هذي تجربتنا لليوم راح نستكشف الأجسام التي تطفو على سطح الماء و الأجسام الي ترسب في قاع الماء ( تجربة الطفو و الرسوب)

طبعا ينتقلون للطاولات و تكونين حاطه لكل طفل ( ورق ملون صغير – قواقع – صخر- ريش – اعواد العصير- قوارب ورقية صغير)
و يجربون معاج كل شي على حدة و تخلينهم يستنتجون الي صار طبعا دايما عينج عليهم و تابعينهم تمرين عليهم و اهو يطبقون التجربة ممكن بعد في نهاية الدرس تسوين لهم تغذية راجعة عشان تثبت المعلومة و ممكن توزعين عليهم بوكسات الوجبة و فيها الأدوات عشان يعلم أخوانه في البيت عن التجربة كنوع من أنواع الواجب.

اذا ما عجبتج هل التجربة سوي تجربة خواص الماء بطل ماي و ألوان الطعام( الأفضل من ناحية الأمن و السلامة لو تحطين اللون في الأبر الي تنباع بالصيدليه عشان لا تؤخذ عليج نقد) رمل – زيت
يتعرفون على خواص الماء الصالح للشرب بس خلي عند كل طفل بطلين ماي صحة و شيلي العلامة الي على الماي عشان يكون أوضح للطفل

وموفقة ان شاءالله و بلغينا شلون كان درسج

سمايلي

تسلمين والله ومشكووووووووووره على الرد

يعطيج العافيه وتسلمين

يعطيج العافيه وما قصرتي

الله يسمع منج

وإن شاء الله بس اقدمه راح اقولكم شنو صار معاي

وتسلمين على الدرس

يعطيكم الف عافيه استفدنا منكم حيييييييييييييييل