ميلان الرحم

صباح الخير بنات وامهات المنتدي قبل فترة رحت دكتورتي علشان اتعالج من التهاب داخلي كان تقول لي رحمك مايل وماراح يصير حمل لان الحيوانات المنويه ما تدخل الرحم

ومن يومها ضايق خلقي ما ادري شسوي ودي احمل ببنوته ولا تقولون رداده لاني اخاف من هالسوالف وناطره ردودكم

اختى اخذيها منى دقى على ردادة ترد رحمج ولا كان فيج شى صدقينى والله وياج

اكيد في علاج طبي راجعي استشاري

كلام كربلائيه صحيح مايرده بعد الله سبحانه وتعالى الا رداده ام مره تمرخ وانا الدكتوره ما اكتشف ميلان الرحم عندي بالعكس كانت تسويلي سونار داخلي ما عمرها قالت مايل

دكتورتش شاطره شسمها

يصير حمل اذا الرحم مايل ……..

ولكن في طريقه تسوونها …

اول شي ابيج تدعيلي انه الله يسر امري

بعدين والله العظيم والله العظيم انا نفسج كنت بعد اتعب لمن تجيني الدورة واروح للطبيب وقالولي فيج صديد وشافتني حرمة بالطبيب كان تقولي يابنتي هذوله مايفهمون روحي لوحده تمرخ وعطتني وحده اسمها ام محمد الرشيدي بالفردوس ورحتلها لمن جيتها قالتلي فيني سدد اللي هو الصديد اللي قالو عنه الطبيب وقالتلي فيج ميلان بالرحم وطبعا تعطيج دوا تشربينه وتمرخج كل عادة لمدة ثلاث ايام والله استمريت عندها وحملت ورد رحمي مكانه نصييييييييحة اخت روحيلها واستمري عندها موتهملين وانشالله تبشرينه بحمالج ودعواااااااااااااتج لي اختي

لازم مره تمرخج روحي لام فيصل والترديد مايعور

هلا حبيبتى عمرى مالج شغل بخرابييط الدكاترة تبى تشفط فلوسج بس انا اختج وانصحج مالج الاطب الحريم بس موتروحين حق وحد اى شى روحى حق وحدة ثقه وعالجى لحقى على بويضاتج وانابعد بلحق ياربى احمل هالشهر يارب

فعلاااا فيه شغلاااااات ما يعرفوووونها الا الحريم … لا طب ولا شي لا يلعبووون فيج …
بس سألي عن مره ثقة … وروحيلها … والله يرزقج الذرية الصالحة يا رب …

اختي ام الخير اتمني تشوفين وحده وحده تردد زين لاني مرين بتجربه مماثله ةاتمني من الاخوات الي تعاملت مع رداده تعيطها رقمها بس شرطط تكون فاهمه موخوراه لاني اعرف حريم راحو يها من الردادت واخترب رحمهم ياحرام ولايترقع بعد
اللهم ياكافي استر علينا من مدعيات الطب وهم بس يبون فلوس

بقولج تجربتي الشخصيه
انا طولت ماحملت ورحت سويت سونار داخلي وكله تمام
المهم دلتني وحده على حرمه بدويه شاطره تعرف شنو فيج
ولازم تروحين لها ثاني يوم دوره
المهم بس ضغطت على رحمي
جان تقول رحمج مو بس مايل
الا نايم
والله رددتني ولاتخافين كانه مساج بزيت دافي
والله من بعد الله وهي حملت ثاني شهر على طووووووووووووووووووول
وجبت احلا بنوته

حبايبي الله يوفقكم شنو اعراض الميلان
لان يمكن اللي فيني ميلان
والليتعرف رقم رداده خبره وثقه
تعطيني اياه واكون شاكره لها وجزاها الله الخير

الله يرزقج الذريه الصالحه

والله يا اختي هذي تجربه حماتي والله يشهد على كل كلمه اقولها

سنه تعالج عند الدكاتره لعبوا فيها لعب ولا واحد فيهم قالها ان فيج ميلان بالرحم

راحت لوحده بالمنقف والله والله انها شهرين ولله الحمد حملت والحين اهيا باخر الثامن الله يسهل عليها

واذا تبين اسألها منو هالمره وجم رقمها

وعسى ربي يرزقج بالذريه الصالحه انتي وكل محرومه عاجلا غير اجل

ماعليش خواتي اعراض ميلان الرحم

انا اذكر بعد تسقيطتي مبااشره سويت سونار قالت رحمي راجع للخلف شوي قالت لاتخافين راح يرجع طبيعي لانك توك مسقطه

لوسمحتي غزلان الكويت بغيت رقم ام محمد الفردوس اوعنوانها
ضرورى وادعيلج من كل قلبى