|
|
السلام
بتاريخ 12/5/2011 زوجي راح بيروت مه رفيجه خميس يمعه سبت .. المهم قال السفر على
حساب رفيجه ومن زمان ماسافرت واحس اني مقموت من هالسوالف الين رضيت
ومن يا من بيروت كل يسولف عنها
الجو والتمشي والسوق والقعدات وشعبها حيييييل اعجبته ..
واليوم الفجر كان سهران مع رفيجه الثاني وقررو يروحون .. المهم يابنات ياني اليوم الصبح
وانا البس بروح الدوام وقال لي انا بروح بيروت .. قعدت اضحك مو مصدقه
قال لي والله بروح ..
زعلت وتضايقت قال انا عطيت الريال كلمه .. بروح اليوم وبرجع السبت ..
قالي اهو اللي حن علي واوعدج اخر مره اسافر بروحي انا بسافر وياج بالصيف خليني استانس
الحين قلت اوكي طبعا حدي متضايقه …
قلت لاختي عن زوجي بيسافر ضحكت وقالت اكيد ماخذ لبنانيه 
قالت شعنده قلت يبي يستانس ….
بنات ميته ميته من القهر ابيكم تهدوني مو تخرعوووني وتطيرون قلبي صح عادي والا فيه شي …
قوليله روح بس ترا من ورا قلبي
وكيفك اذا الوحده من ورا قلبها الريال مايتوفق بالسفره وتذكرني هناك اوكي!
الرياييل يخافون من حوبه المره
طبعا الله يسهل عيله ويحفظه ويرده لج سااااااااااااااااالم غاااااااااااااااااااااااااانم
ومدامها يومين عديها
واللي بيخربط ترا عادي اهني بعد في خرابيط
بس التخريع لابد منه وخليه يوعدج اخر سفره شباب
وانتي لي سافرتي وياه خليه يستانس لاتحنين لاتناجرين لاتطلبين سوق وايد وخليه يستانس وياج اكثر من ربعه
عااادي بس لا يكررها
وانتي بعاآاد اذا رحتااي ويااه ونسيه لا تنكدين عليه
الشباب يحبون الوناسه
الله يوفقج
بيروح استودعيه الله وان شاء الله مافي الا العافيه والله رحت بيروت
ماشفت بناتهم حلوين تخافين من شنو لا تعورين قلبج استودعيه الله
وبيني له انج راضيه من ورى قلبج بس عشان اهو بخاطره وانه عطى الرجال كلمه
وترى الي يبي الخرابيط موجوده عندنا شالله حاده على المخاسير
الله يجزاكم الف خير
ودام بيسفرج كيفه
بسس قولي هااااه مو تطيح بهالسالفه مااكو بروحك الا بعد فتره
بس لا يكررها
كل واحد زهقان بيروح على تركيا بيروت شرم الشيخ
ونحنا آعدين وناطرينهم
الله يرجعلك اياه بالسلامة يارب
بس للو انا مكانج ماخليه يروح .. لوووول .. لازم اروح معاه .. اصلا توه راد ع طول يبي يروح !! لاتخلينه نصيحه وزعلي مع ان ادري بيعطيج طاف ويروح خخخخخخ
الخرابيط بكل مكان اللي بيخربط مو ناطر بيروت
و بعدين وايد سويتي زين انج ما ناجرتيه و قلتيله روح لان مو بيدج شي
يعني اذا قلتي لا تروح بيقعد, لا بيروح و ما راح يهمه علشان جذيه خليه يروح و انتي راضيه احسن
يروح ويرجع بالسلامه
لاتعطين لاي ريال امان
بعدين اهو ماسافر واستانس ليش يروح مرة ثانية
وشنو يعني عشان بيسافر معاج بالصيف بيساومج علي السفرة ! ويبي. يستانس مع رفيجه
الله يعينج صراحة بس نصيحة المرة الياية لاتخلينه يروح بروحه انتي سافري معاه
وقوليله من اليوم ريلي علي ريلك
وعذر المصروف وعزومة رفيجه له حق لبنان هذي خل يلعب غيرها صلرت حيلة قديمة علي فكرة
*
شوفي هو راح يدور وناسه اكيد فاقدها بالكويت … غيري جوه لي رد بالسلامه …
لا تنكدين على نفسج صدقيني مو كل اللي يسافرون يدورون الوناسه يكون خاين … او متزوج يبين عليه اصلا …
لي رد بالسلامه ان شالله سئليه وين راح ووين الوناسه هناك و.. و…
اصلا لبنان كلها وناسه وخاصه اذا الواحد اول مره يروح لها بيحس بطعم وناسه غير جو وطبيعه ويوم مشغول بطوله وعرضه
وبعدين باقولج معلومه اي ديره تروحين لها اول مره واستانستي فيها يوم واحد راح تشتاقين لها مره ثانيه والمره الثانيه اذا رحتي بتملين منها بسرعه وخاصه الدول العربيه …………………..
لا تخافين ولا تحاتين بس يرد بتعرفين وانت بتحسين اصلا فيه …….
بس انت غيري له الجو كلللللللللللله ………..
انتي ليش خايفه؟ خايفه انه زوجك يخربط؟ مهو ياحبيبتي ازا بدو يخربط في هون بنات قد شعر راسه ، هو حكالك الجو والتمشي والسوق .
احسني الظن حبيبتي ولاتزعلي وهو مسافر بالعكس ودعيه واحكيلو تروح وترجع بالسلامه لاتنكدي على حالك ولا على زوجك صدقيني الدنيا فانيه ، عيشي حياتك وخليكي مبسوطه
شو بتسوا عليكي يروح ويرجع وانتي منكده؟ مين يلي رح يتأثر وينقهر غيرك؟ فاستهدي بالله ووسعي صدرك واحسني الظن حبيبتي
والله يهدي بالك يارب ويرجعلك زوجك بالسلامه