موقف صارلي بشهر العسل

توني قاعده اشوف مع زوجي ايميل لعرس باكستانيين
جان اقوله ،، تذكر العرس اللي شفناه بماليزيا ؟؟؟

هذا موقف صارلي بشهر العسل
مرة انا وزوجي نازلين من غرفتنا بالفندق بماليزيا ،، ما حسينا الا اصوات موسيقى وطق بشكل معين وحلو على الدفوف والطبول
الا زفة عروس وعروسة


امبييييييييييييييييييييييييه كانت الزفة وطريقة طقهم عجيبة
المعرس والعروس مزايييييييييييييييييييييييييين
ماشالله حلوين حلوين حلوين

ولبسهم بالذات المعرس جنهم من قصص الف ليلة وليله

انا وزوجي دخلنا بالجو وكان معانا مجموعة اجانب
كلنا وقفنا بالمكان اللي المعاريس يمشون فيه وقمنا نصفق على طريقة الزفة
انا كنت مستحية الصراحة بس اللي مع المعاريس قالنا صفقوا معانا

انا صفقت اول صفقة بعدين حدي اندمجت زين ما رقصت اصلا هههههههه
ومع صوت التصفيق زادوا الطق والمعاريس مستانسييييين حيل حيل قاموا يبتسمون والعروس مستحية تطالعنا وتضحك وتنزل راسها

واي لأ جان زين يرد ذاك اليوم

ليما ادخلوا الكوشة
طبعا عرسهم خلط ،، صالتهم عجيبة
ناس على مستوى عالي

وام العروس اتذكرها لابسة تايير وحجاب ولزمت علينا ندخل العرس معاهم بالذات ان زوجي طقها سالفة وانا احنا معاريس
بس الصراحة انحرجنا وقفنا شوي

الكوشة والله العظيم جنها من القصص العربية القديمة شي عجيب اضاءتها
والبخور اللي بالنص بينهم
وعلى الطاولة قرآن
وتوزيع طاولات المعازيم
صج عرس ماشالله كان يهبل

بعدين باركنا لامها اللي قالت لنا دخلوا ومشينا
صج صج ناس طيبين لو كويتين !!

جان انتوا منو ؟؟ شكو رازين الويه ؟؟ منو عازمكم هههههههه