|
|
أول شي انا كنت اذكر في قسم هني يكون للموظفات على اعتقد لكن اانا دايخه ومادورت عدل
فقلت بطرح موضوعي بالمشاكل الاجتماعيه واترك التنسيق للمشرفات العزيزات …
ندخل بالموضوع :
كلنا عارفين اللي حاصل بوزارة الداخلية من قرارات تعسفيه
وظلم المدنيين والمدنيات بعدم حصولهم على مناصب اشرافيه
وان اعلى منصب كحد أقصى رئيس او رئيسة شعبه
وان مهما تقدم فينا العمر الوظيفي يبقى المسمى كما هو عليه
إلى التقاعد . هذا غير عدم الجمع بين العلاوات وان اللي ياخذ بدل دبلوم او جامعي
يحرم عليه بدل العدوى وبدل الطريق وبدل الشاشه وبدل التلوث وبدل التعامل مع الجمهور
والجامعي بدله 150 والدبلوم 100 شفتوا شلون ماكو تقدير لا للدبلوم ولا للجامعي ولا للثانوي او مادون ذلك .
أما بالنسبة للاخطاء الوارد وقوعها في انجاز المعاملات
خصوصا الهجره على طول تحويل للنيابه
النقل التأديبي يقطونك بابعد مكان عن بيتك
غير التلاعب في المعاملات الارشيفيه اذا كان احد حاقد عليك
وسين وجيم الى ما ان يطلعون روح الموظفين …
وبالنسبه للاماكن والاجهزه والمنافع
عدم وجود مصافط كافيه
اجهزه قديمة قابلة للعطل والانفجار <<< جد والله
شاشات غير مفلتره
منافع غير نظيفه اكرمكم الله وماكو عاملات لخدمة الموظفات كلهم بنغاليه
اماكن ضيقه وحاشرين الشباب ويا البنات وهذا الشي بكثره بالمراكز على وجه الخصوص
اما الاجازات السنوية
لازم طلب نشرة وتحديد
كأنا عسكريين مو مدنييين
لو بنتكلم عن النقابة فأول نقابة بالتاريخ تكون ضد موظفيها
هذي نقابة الداخلية للاسف برئاسة بدر المراجي ونائبها بدر المطيري
عن جد نقابه متخاذله
تحب المال حبا جما تكلموا بسنة 2024 وبعدها سكتوهم بجم دينار
هذا غير النثريات اللي احنا مانشوفهاا ويمكن اكو ناس تستغرب شنو يعني نثريات
هذا غير انهم وقفوا ضدنا بتاريخ 2-10-2011 بدال لايوقفون معانا
وكان رئيسها بدر المراجي يطل من فوق من مكتبه وبعد ما اجتمعوا
الشباب مشكورين منظمين الاعتصام برئاسة ثامر الحريتي مع الوكيل المساعد للشئوون المالية والاداريه بوزارة الداخلية طلب منهم مهله شهر وووافق على بعض المطالب ورفعهاا للوزير
والوزير كلف الوكيل سليمان الفهد بالمهمه هذي الا ان نتفاجأ أمس باحتجاج رئيس النقابة المتخاذل بدر المراجي على قرار عجيل العجران …..
المطلوب يابنات الداخلية وخواتي العزيزات
احنا صح علقنا الاعتصام الى تاريخه 9-11-2011 بس ماتراجعناا
بنشووف شنو يبوون يسوون لان جد جد حقوقنا مسلووبة ونبي وقفة وحده ونبي اعتصام واضراب عشان ناخذ حقوقنا وهذا كله بيكون بفضل الله ثم بفضل وقفتكم ونساند بعضنا البعض
انا اتكلم اليوم بصفتي رئيسة اللجنه النسائية المنظمة لاعتصام مدنيين الداخلية
ومصحلتي اهي مصلحه عامه ماهي شخصانيه … وعسى الله يوفقنا واياكم …
وشكراا
اتمنى التفاعل واتمنى الانضمام وتزويدي بالاسامي واماكن العمل ع الخاص وسازودكم
باسمي ومكان عملي ورقمي على الخاص
اذا طلع قبولي بالداخليه ارفض..
صج الله يعينكم..
وينولكم مرادكم..*
لان والله تعب وظلم واجحاف في حق الموظفين
المدنيين
حياتي تسلمين ع المرور والمشاركه
وان شاءالله القى لي وظيفه ارتاح فيها ولاتنسوني من دعواتكم الطيبه لي
وموفقين يابنات الداخليه وان شاءالله تاخذون حقوقكم كامله مكمله يارب
مشكورة على مداخلتج وفعلا كلامج بمحله ظلم ولوعة جبد وتعسف
لكن اكو ناس مربوطين بالداخلية خصوصا اللي دبلومهم تخصص لصالح وزارة الداخلية
لو ننقل نروح وزارة ثانيه يروح منه الدبلوم وتعب سنتين ونص دراسه …
عسى الله يوققج ويرزقج احلى وظيفه يارب
وان شاء الله ناخذ حقوقنا
بس زوجي الي رادني ولا والله لو يوافق اقدم استقالتي علطووول
مكاااااااان ازباااااله
عمارات آيله للسقوط ، اصنصير واحد يلوع الجبد ، بالعنه بالمعاش مو مهم
اهم شي عندي المكان والمكان زفت
لااا قالو ان عندنا مبنا بصليبيه ، وماشفنه شي ، وان بسوي بدل شاشه قالو لا تاخذين بدل تخصص ، او بسوي بدل جمهور هم قالو لا لان عندي تخصص مااااصارت تخصص ، يعني مااخذ بدلات بس بدل تخصص