|
|
السلام عليكم ورحمة الله وبركاته
خواتي انا موظفه في البنك بس عندي سؤال وياريت من خواتي موظفات البنوك يردون علي من خبرتهم
انا توني متوظفه ماصارلي سنه بس
طلبوا مني اني على يوم اطلع اسوي ماركيتنق وانتي عارفين شنو يعني لازم ايب قروض ودايع و كريدت كارد وغير والفيزا والماستر ووو بلاوي
بس انا مااعرف وين اروح ايب؟؟اروح وين
ياريت لو تساعدوني وبعد لو تضيفون شلون اسوي ماركيتنق شلون بدايه اكلم العميل؟بليززززززز
مديرتي تقول سووو خطه وابيها باجر بليز لحقو علي تقولي مابيكم تيبون لي باجر وورقه تكتبون الاماكن الي بتروحون لها بس لا ابيكم تقولون لي شنو راح تسون ولمنو بتروحون ومادري شنو
تختارون الاماكن اللي فيها تجمعات،، اول أماكن تعليم مثلا جامعات، دوامات معينة (أماكن حكوومية ولازم تاخذون موافقتهم) مؤسسات مستقلة
نوادي عالماشي
مستشفى الصباح مكان الفحوصات اللي كل الموظفين يروحون يسووون الفحص عندهم
انتي قعدي فكري وين فيه اماكن تجمعات فيه
ودخلي على مواقع تتكلم عن فن الاقناع _ عشان تقدرين تقنعين العميل
والله مادري، ماكو شي في بالي الحين
انشالله البنات يفيدونج
وموفقه
حاطين لج لمت معين لازم توصلينه صح؟؟
بلشي
باهلج
و
رفيجاتج (يعني بلشي بالناس اللي تعرفينهم)
اقله يبطلون فيزا
وايد ناس اعرفهم بلشوا باهلم و رفيجاتهم
اذا ما وصل اللمت حاولي تطلعين من دائره المعارف
و تجهي للموظفات منهم : المدرسات .. الدكاتره .. موظفات العدل .. موظفات بمجمع الوزارات .. المهندسات
اختاري الفئه الصح
و في النهايه الماركتينق يعتمد على اسلوبج في جذب الزبون
و بالتوفيق
انا موظفة ببنك
و كنت اول الايام ماركتنج نفسج
شوووفي حبيبتي
ابدي باهلج و رفيجاتج و الي تمونين عليهم
مممممم
و بعدين
شوفي عروض بنكج تناسب اي فئة
يعني اذا في سوالف حلوة حق الشباب و الطلبة اخذي ترخيص و روحي الجامعات و المعاهد
و اذا فيه سوالف و حركات مثلا حق الدكاترة روووحي المستشفياة الخاصة
روحاي الشركات
و جذي
و انشالله موفقة و يعطيج الف عافية
حبايبي انا اموت واتوظف باي بنك
اشلون اقدم؟؟؟
بليز ساعدوني لانه عندي خبره في الحاسوب
بليز ردودكم الحلوة والاحسن عالخاص
|
المشاركة الأصلية كتبت بواسطة cuta_saroona
 انزين انا عندي طلب خارج الموضوع بليز ردوا
حبايبي انا اموت واتوظف باي بنك اشلون اقدم؟؟؟ بليز ساعدوني لانه عندي خبره في الحاسوب بليز ردودكم الحلوة والاحسن عالخاص |
سوي cv
و وديه للبنك اللي تبينه
روحي البنك الرئيسي
و نطريهم يدقون عليج
وسلامتج
مشكوووره ياقلبي ماقصرتي بجرب وبشوف
بس سمعت انه اكو تقديم بالنت ؟؟؟؟