|
|
يعني من فتره طويله وانا مشاركتي مقتصره على الردود وبس
واليوم بنزل لكم موضوع لفت انتباهي حيييل ولو بنسوي احصائيه بنلقى ان اهو اكثر موضوع تداولتوه بمنتدى الحياه الزوجيه..
الخيانه …
من مسنجر لي تلفون لي وحده معاه بالدوام لي وحده اعجب فيها و .. إلخ إلخ إلخ ….
ووايد عضوات يسألون ليش انا اشمعنى انا هذي اختي ماصار فيها جذي \ ماقصرت معاه \ احسن لبس ألبس واحسن مكياج احط \ مدلعته \ ؟؟؟
اول شي يمكن هالشغله اكتبت فيها الاخت مدندنه بس انا هني راح اكتب بإسلوبي .. وفقا لرأيي الشخصي .. وابي منكم النقاش والحوار الراقي مثل ماتعودنا منكم …
اول شي الرجل يخون وفقا لرأيي الشخصي ::
أ** اما لأنه خوووان بطبيعته ..(( وهذا الرجل الله يعين اللي تاخذه ))
يتنفس ويشرب خيانه ,, تعود يكون له حياتين .. حياته مع زوجته وحياته الثانيه مع الشخص الثاني ..
الحل في هذي الحالة ::
1 تذكيره بالله وترغيبه بالصلاه لانها تنهى عن الفحشاء والمنكر ,,
استمري على هالمنوال .. لين الله يفرجها عليج ..
2 استعملي معاه كل الاساليب اللي يمكن تنفع معاه (( نقاش هجر زعل )) ومع اني ما احبذ الزعل في حاله الخيانه *** وبالنسبه لنقطه الزعل انا اكتشفت طريقه افضل وتنفع اكثر بس ما راح اكتبها الا اذا شفت تفاعل طيب ..
ب *** الرجل اللي يخون لسد نقص في حياته ..
اي نقص والنقص انواع ودرجات ,, يمكن انتي ماتحسين فيه بس لمن تبحثيييييين عدل عدل في كل جوانب حياتج معاه بتلقين نقص ..
مع ملاحظه """ الرجال مخلوقات دقيقه حييييل """ يمكن زوجج يشوف اشياء انتي ماتشوفينها ولا تحسين فيها ..
عرفتي الحين شنو معنى النقص :: يعني هالرجل ينقصه شعور انه يحس انه ذكي .. |||| طبعا هالشعور ما تكون عند من يوم وليله ,,, لا طبعا نتيجة ترسبات طول حياته مع زوجته ||||| فهمتوا الحين شنو معنى نقص ..
وهلووو مجررا من النقاشات اللي صارت شي شبه يومي من الحياة الزوجيه ..
هذي النقاشات راح تترسب في الزوج """ الرجال مخلوقات دقيقه حييييل""" وبعدين تلقينه على اتفهه سبب راح يدور شي برا .. وحده ثانيه كل مايدق عليها (( اشلونك حبيبي \ شخبارك حياتي \ واحشني ياقلبي )) ؟؟
وطبعا اذا الزوج قارن بين زوجته وحبيبته \ بدون تفكير \ حبيبته افضل اقولكم ليش ؟؟
لانه ما يسمع منها الا كل شي حلو (( زائد)) انها عمرها ماحسسته انه ناقص ..
ما حسسته انه مقصر معاها ومو مثل باجي الرياييل ومقصر مع عيالهم ومو مثل باجي الابهات ,, لذلك اهو راح يفضل عشيقته ,,لانه معاها يحس انه انسان كامل مو ناقص ,,
وطبيعتنا كلنا كبشر \ نحن نحب الكمال ونحب نشعر فيه\ ونحب نقضي اغلب وقتنا مع الانسان اللي يحسننا انه احنا احسن بشر .. وانه احنا كاملين ..
عشان جذيه الزوج يطلع من البيئه اللي يحس فيها بالنقص "" ويدخل للبيئه اللي يحس فيها بالكمال ..
وعرفتوا شنو معنى الكمــــــال ::
الكمال هو ان الرجل يرى زوجته افضل منه .. يراها الطيبه والحنونه اللي تسامحه وتغفر له .. وتعذره ..
لاتقوليله انت كل يوم تروح الديوانيه انت مقصر ,, \لا \ خليه اهو ايي يقولج سامحيني حبيتي انا مقصر معاج ..
هذا الكما ل انج توصلين زوجج لدرجه يعترف فيها هو بالغلط مو انتي اتحسسينه انه غلطان لانه احساسه بإنه غلطان راح يحسسه بالنقص وبالتالي || البحث عن فرد يحس معه بالكمال || اذن خيانه ..
,,
بس اولا ابي اشووف الردود الحلوه وآرائكم السنعه والنقاشات الذربه
حبيبتي الرياييل عندهم الخيانه حق الوناسه او النقص على قولتج بس من توصل الشغله عندهم خلاص ملوا منها قطوها بس الوزجه الاوليه اهيا طبعا الام والأخت والحنان كله انزين !!!!ليش خانها ماتدرين
والدليل ان الله ربج شرع 4 للريال عشان يبعده عن المعاصي وهم ماكو فايده .,,ليش يتزوج وحط مهر وصاريف بيت ثاني ومشاكل وعوار راس لا يخون احسن له واسهل له
حبيبتي الخيانه مو يعني المشكله بس من المره لا المشكله تكون من الريال لان الريال الصح اهوا يقدر يسنع مرته لو تكون شنو
مشكوره على الموضوع ولي رجعه انشالله
و فعلا هلجملتين ألى قلتهم صح و ألى اطبقهم راح تتغير حياته بأذن الله
(( ان الريال يحب يحس انها طفله متعلقه فيه .. وتضيع بدونه وانه اهو ابوها اللي يدبر لها حياتها ويحميها ويحبها ..
الكمال هو ان الرجل يرى زوجته افضل منه .. يراها الطيبه والحنونه اللي تسامحه وتغفر له .. وتعذره ..))
و بضيف عليهم ملاحظه :ان الريال اذا طلبت زوجته منه شغله و رفضها و ظليتى عادى و ما تضايقتى على طول راح تكسرين خاطره و تكسبينه و تحصلين على ألى تبينه و هالحجى يبته عن تجربه شخصيه
أم سلوم \ شكرا على اول رد .. وبالفعل ((حبيبتي الخيانه مو يعني المشكله بس من المره لا المشكله تكون من الريال لان الريال الصح اهوا يقدر يسنع مرته لو تكون شنو))
ام حمني \ تسلمين ياقلبي وموفقه بحياتج
ام غمااازه \ بالفعل الاصابع مو سوى بس انا اتكلم عن الغالبيه
والله يبعد عنا الخيانه بكل انواعها