موضوعي الأول \ خيانه \ كل من تعرض لها يدخل ,,, رايكم يهمني

دخلوا حياكم موبس طلووون موضوع مفيد صدقوني …

مرحبا ,, اشلونكم ,, انشالله بخير اولا هذي اول مشاركه لي
يعني من فتره طويله وانا مشاركتي مقتصره على الردود وبس
واليوم بنزل لكم موضوع لفت انتباهي حيييل ولو بنسوي احصائيه بنلقى ان اهو اكثر موضوع تداولتوه بمنتدى الحياه الزوجيه..

الخيانه …

وايييد عضوات تعرضوا للخيانه من ازواجهم ,, الخيانه على اختلاف انواعها ودرجاتها …
من مسنجر لي تلفون لي وحده معاه بالدوام لي وحده اعجب فيها و .. إلخ إلخ إلخ ….

ووايد عضوات يسألون ليش انا اشمعنى انا هذي اختي ماصار فيها جذي \ ماقصرت معاه \ احسن لبس ألبس واحسن مكياج احط \ مدلعته \ ؟؟؟
اول شي يمكن هالشغله اكتبت فيها الاخت مدندنه بس انا هني راح اكتب بإسلوبي .. وفقا لرأيي الشخصي .. وابي منكم النقاش والحوار الراقي مثل ماتعودنا منكم …

اول شي الرجل يخون وفقا لرأيي الشخصي ::
أ** اما لأنه خوووان بطبيعته ..(( وهذا الرجل الله يعين اللي تاخذه ))
يتنفس ويشرب خيانه ,, تعود يكون له حياتين .. حياته مع زوجته وحياته الثانيه مع الشخص الثاني ..
الحل في هذي الحالة ::
1 تذكيره بالله وترغيبه بالصلاه لانها تنهى عن الفحشاء والمنكر ,,
استمري على هالمنوال .. لين الله يفرجها عليج ..
2 استعملي معاه كل الاساليب اللي يمكن تنفع معاه (( نقاش هجر زعل )) ومع اني ما احبذ الزعل في حاله الخيانه *** وبالنسبه لنقطه الزعل انا اكتشفت طريقه افضل وتنفع اكثر بس ما راح اكتبها الا اذا شفت تفاعل طيب ..

اما الرجل الاخر : (( وهذا النموذج الغالب في المجتمع ))
ب *** الرجل اللي يخون لسد نقص في حياته ..
اي نقص والنقص انواع ودرجات ,, يمكن انتي ماتحسين فيه بس لمن تبحثيييييين عدل عدل في كل جوانب حياتج معاه بتلقين نقص ..
مع ملاحظه """ الرجال مخلوقات دقيقه حييييل """ يمكن زوجج يشوف اشياء انتي ماتشوفينها ولا تحسين فيها ..

مثال :

(( امس قريت احدى المواضيع والله مو ذاكرته ,, في رد من احدى البنات لفت نظري ..__ تقول في وحده دايم تتذاكى على ريلها او بالاحرى دايم اتحسسه انها الاذكي __ خانها :: تدرووون ليش ::عشان يلعب دور الذكي مع عشيقته .. اللي زوجته ما خلته يلعبه ..
عرفتي الحين شنو معنى النقص :: يعني هالرجل ينقصه شعور انه يحس انه ذكي .. |||| طبعا هالشعور ما تكون عند من يوم وليله ,,, لا طبعا نتيجة ترسبات طول حياته مع زوجته ||||| فهمتوا الحين شنو معنى نقص ..

يعني مثلا لو في وحده تتهاوش مع ريلها على اللي رايحه واللي جايه .. ليش رايح الدوانيه \ ليش ما تقعد معاي \ ليش ما تشوف البيت اشناقصه \ ليش ما تقعد مع عيالك \ ..
وهلووو مجررا من النقاشات اللي صارت شي شبه يومي من الحياة الزوجيه ..
هذي النقاشات راح تترسب في الزوج """ الرجال مخلوقات دقيقه حييييل""" وبعدين تلقينه على اتفهه سبب راح يدور شي برا .. وحده ثانيه كل مايدق عليها (( اشلونك حبيبي \ شخبارك حياتي \ واحشني ياقلبي )) ؟؟
وطبعا اذا الزوج قارن بين زوجته وحبيبته \ بدون تفكير \ حبيبته افضل اقولكم ليش ؟؟
لانه ما يسمع منها الا كل شي حلو (( زائد)) انها عمرها ماحسسته انه ناقص ..
ما حسسته انه مقصر معاها ومو مثل باجي الرياييل ومقصر مع عيالهم ومو مثل باجي الابهات ,, لذلك اهو راح يفضل عشيقته ,,لانه معاها يحس انه انسان كامل مو ناقص ,,

وطبيعتنا كلنا كبشر \ نحن نحب الكمال ونحب نشعر فيه\ ونحب نقضي اغلب وقتنا مع الانسان اللي يحسننا انه احنا احسن بشر .. وانه احنا كاملين ..
عشان جذيه الزوج يطلع من البيئه اللي يحس فيها بالنقص "" ويدخل للبيئه اللي يحس فيها بالكمال ..

عرفتوا الحين شنو معنى النقص :
وعرفتوا شنو معنى الكمــــــال ::

الكمال مو بالمكياج واللبس والعطور ,, الكمال انج (( تحتووين الزوج )) بحيث انه يحس مع نصفه الاخر \ يحس انه ملك معاها \ ويحس انها طفله متعلقه فيه .. وتضيع بدونه وانه اهو ابوها اللي يدبر لها حياتها ويحميها ويحبها ..
الكمال هو ان الرجل يرى زوجته افضل منه .. يراها الطيبه والحنونه اللي تسامحه وتغفر له .. وتعذره ..
لاتقوليله انت كل يوم تروح الديوانيه انت مقصر ,, \لا \ خليه اهو ايي يقولج سامحيني حبيتي انا مقصر معاج ..
هذا الكما ل انج توصلين زوجج لدرجه يعترف فيها هو بالغلط مو انتي اتحسسينه انه غلطان لانه احساسه بإنه غلطان راح يحسسه بالنقص وبالتالي || البحث عن فرد يحس معه بالكمال || اذن خيانه ..

وفي تكمله للحجي ووواايد بعد كلام وملاحظات وامثله ,,
بس اولا ابي اشووف الردود الحلوه وآرائكم السنعه والنقاشات الذربه

مشكورة حبيبتي والله يبعد عننا شبح الخيانة

واشوف موضوعج خلي مافيه احد مع ان مواضيع الخيانة بالقسم

متصدرة الصفحات الاولى بس شكلهم نايمين الحين

اوافقج الراي

الله الله موضوع فعلن يستحق الانقااااااش والخيانه صعبه صبعه حييييل اذا من الطرفين

وانتي قالتي النقشات اليوميه والله هي اللي اطفر الرجل وتخليه يدور على الصوت الناعم والدلع

يعني الزوج اذا خان زوجته معرووفه الاسباب يانه مريض خيانه وهذي فيه من زمان يانه في نقص بالبيت

لو كل وحده توصل لحل مع الخيانه جان الكل بخيرر ومرتاااح وماشفناا مواضيع وزعل

وبقولج في حريم كثيرر تفضل ان رجلهاا يخونهاا ولا يتزوج عليهاا واعرف جم وحده تدري ان رجلهاا ماشي بالخيانه

تقول مرده يجي لبيت بس اذا تزوج ماشوفه زطبعن هذا غلط لان ممكن الخيانه تثرر على الزوج وينسى حتى عياله مو زوجته

والله يبعد عنا الخيانه ويسخر لنا ارجالناا يارب

ناطرين البقيه ياقلبي

مشكوووره اختى على الموضوووع الرائع

وكلامج صحيح ….مثلا انا زوجى من تزوجته وهو متعدد العلاقات من وحده لى وحده وصارت مشاكل كثيره وكل عذره يقول ابى اتسلى وانتى مومقصره وياى ولا ناقصج شى ومن هـ الكلام وتالى انا تركته وما قمت انبش وادور مثل اول وارتحت حيل خليته على كيفه يسهر و متى ماجااا…يجى… وما ادق عليه وايد…وادقق ليه تأخرت او ليه نقالك مشقووول طااااااااااااف…..
واهو يدرى انه غلطان بس يكابررر وأحس انه مرات يمل…ويقول ادرى انا مقصرر بحقج وانتى تحملتينى وتدرين وساكته…والله اختى الغاليه انتى جيتى على الجرح….الله يهدى ازواجنا ويفكهم من خرااابااات البيوت…آآآآآآميييين

حبيبتي كاتبه الموضوع مرتين ورديت عليج بالثاني وتعبت الصراحه من الكتابه انتي عاد الروحي الثاني وقريه
ومشكوره على الموضوع
اواسويلج كوبي

صح السانج*__*بس حبيبتي الريال من طبعه ملول يعني انا مارح اصير عركوز عشان ارضيه …في واحد خان زوجته مع وحده الله يستر عليها جم سنه وحده سمعتها كل مو حلوه حتى مع اهلها …قعد يلاحقها وطلب ايدها جم مره ولما صارت البنيه حامل منه وطاحو اهلها عليها وزوجوهم ,كاهو مال منها مايبيها وين ووين على ما يروحلها ويتطمن عليها وعلى ولدها اللي منها . 24 ساعه مع مرته الاوليه والثانيه مال منها وتحسف اصلا ان تزوجها…………ز
حبيبتي الرياييل عندهم الخيانه حق الوناسه او النقص على قولتج بس من توصل الشغله عندهم خلاص ملوا منها قطوها بس الوزجه الاوليه اهيا طبعا الام والأخت والحنان كله انزين !!!!ليش خانها ماتدرين
والدليل ان الله ربج شرع 4 للريال عشان يبعده عن المعاصي وهم ماكو فايده .,,ليش يتزوج وحط مهر وصاريف بيت ثاني ومشاكل وعوار راس لا يخون احسن له واسهل له

حبيبتي الخيانه مو يعني المشكله بس من المره لا المشكله تكون من الريال لان الريال الصح اهوا يقدر يسنع مرته لو تكون شنو

مشكوره على الموضوع ولي رجعه انشالله

مشكووره حبيبتي على موضوعج الرائع والمفيد بصراحه بس نبي نعرف شنهي الطريقه اللي تقولين عنها ؟

تقبلو مروري

موضوعي الأول \ خيانه \ كل من تعرض لها يدخل ,,, رايكم يهمني

اترك تعليقاً إلغاء الرد