مواقف مريتوا فيها وقت الملجه

شلونكم بنات موضوعي شنو الموقف الي مريتي فيه وقت الملجه حزه ما بيملج الملا عليج سواء موقف يضحك او موقف محرج انا ملجت بالمحكمه والموظفه مادري وين حطت اوراقنا وقامت تدورهم وقمنا نحوس لدرجه حسيت ان ماراح نملج بهاليوم وتكرمون من الخرعه يتني الدورة ام زوجي تعرف موظفه هناك يابت لي منها كوتكس وحسيت بفشله لان امي افضحتني جدامها وكنت بين معصبه ومتوتره وفيني ضحكه لان عم زوجي ياي شاهد واهو في طبع اي مكان تحطينه ينام كان طول حوستنا اهو نايم قاعد عالكراسي مغمض عيونه واخوي طبعا ما قصر طايح طنازه على الريال. بس عقب كل هالسوالف ملجنا على اخر لحظه لدرجه كنا اخر ناس ندخل على الملاج

وبعد في موقف حق اخوي يفشل اخوي كان يحب وحده وتقدم لها اربع مرات وغصب وافقوا عليه اهلها وبيوم الملجه لما وصل عند الملاج الا ناسي بطاقته المدنيه اخوي طفر حده ابوها قال خلاص باجر جان يقوله لا الحين اييبها وعشر دقايق الا يايب البطاقه واحنا محكمه جعفريه البنت وكيله نفسها اذا كانت فوق الواحد والعشرين جان الملاج يقول حق اخوي قول قبلت الزواج وقبلت النكاح جان اخوي يقوله ايي اكيد بقول لان انا ابيها من زمان حتى كنت ناسي بطاقتي ورديت اييبها طبعا الريال انصدم من اخوي شكو قصه حياتك الحين ههههههههههه يلا قولولنا مريتوا بسوالف صعبه ولا تضحك وقت الملجه

اخيرا نزل الموضوع

ههههههههههههههههههه

سوالفج تونس

خووش مواقف…

لااحنا ماعندنا جذي لله الحمد والمنه

مممممممم الموقف الي اتذكره ان اخوي جاب لي اوقع على هذا الدفتر حق الملاك وعييت اوقع يقول وقعي قلت لا لا لا قال ليش قلت اقولك لا مدري حسيته مسؤليه ولا خطوه رح تنقلني من حياه لحياه كان صعب مع اني موافقه بشده لكن جاني خوف ورعب من هالخطوه ووقعت اختي عني وعنها لانها ملكت معي في نفس اليوم

امممم

بالملجه غثيت ريلي حييييييييل

كان متشقق يبي يشوفني لان خطبني واهو مو شايفني ولا انا شايفته بس بالصور
المهم قالي لازم تزورين اختي ( كانت توها والده ) قلت له محد راح ينقد اذا مازرتها قال لا فشله
عاد قررت ازورها وانا ما باجي على عرسي الا شهر فتخيلوا المنظر مو حافه والويه معاااناه
ومع المكياج ترقع الويه
قالي لمن تطلعين دقي ضروري مو تنسين
وطلعت وزرتها وماقلت له
وانا عندها طرشلي مسج تهزيييييييييييئ
وماشفنا بعض الا ليلة العرس

والله لي يومنا هذا واهو يذكر هالسالفه ويتحسر على الحلاق الي تزقرت عنده
ولبس من دشاديش العرس ههههه مسكين

امبيه موقفج تحفه تحفه

انا وزوجي حياتنا كلها مشاوير من الخطبه يحوس بكذا محكمه يشوف لان مايعرف منطقتي تبع شنو ههه

بس يوم الملجه ملاج اعتذر وزوجي توهق وعقبها يه ملاج ثاني واهلي تأخرو والملاج مستعيل حيل كل ساع وين ابو العروس وزوجي متوتر ناطر ابوي

وعقبها يه وملجنا وبس ملجنا الملاج طااااااار عنده ناس تأخر عليهم

وماذكر بعد مواقف محرجه او تضحك نسيت :/

مواقف تحفة

غريب

حق شنو توقيع !!

ههههههههه مواقفكم حلوه انا ماكنا شيفين بعض الاصور وطبعا يوم الملكه طلب يشوفني وانا حييل مستحيه احس وصلت الباب الديوانيه وقفت عجزت ادخل وكان اخوي واقف على الباب ويقولي دخلي خلصي يلا ادخلي الرجال ينتظر خلصينا ارجولي عورتني من الوقفه وعمك اصمخ ماودي من الحياء ماحسيت بنفسي الا انا عنده وتزحلق من غير توقف لانه اخوي جاء من وراي ودفني بقوووه وما توقفت من قوة الدفه الا بنص الديوانيه عاد خبركم بالرخام هههه وقام ومسك ايدي وقعدني جنبه هههههه بس للحين يتذكرها وكان مايقولي الا ام دفه بس الحمدلله فتره ناسيها

مشكورين عالردود ومواقفكم تهبل الله يهنيكم انشالله