|
|
مواقف محرجة من الأطفال
تقول وحده من الأمهات .. كنت معزومة على حفل عشاء فأخذت ابنتي الصغيرة معي ،فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟ فضحكوا عليها الحاضرات********************
والثانية … جانا ضيوف وجابوا معهم هديه للمولود الجديد فكان ابني يريد فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع…(خلاص أبفتحها شكلهم بينامون عندنا!!(
********************
وقالت وحده بعد … ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه !!! -يقصد الحناء- شوفوا الإحراج اللي صار لي …!!!
********************
كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت شكلها شغالة.
********************
هذه من جد يبغالها بالشنطه على رأسها…أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها !!!********************
و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها…!!!
********************
وحده تقول ….بنتها دايم تحرجها بنقل الكلام قدام الناس – هذا عيب اللي يحش بالناس – تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!! تقول الأم : صار وجهي مية لون ..!!!! ويوم سمعت جارتي هذا الكلام زعلت وطلعت من البيت
********************
تقول أخرى ….هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة !!!
*******************
في المدرسة …كانت المعلمة تشرح لطالبات الصف الثالث الابتدائي عن وسائل
الاتصال الحديثة مثل الهاتف والتلكس والبريد الجوي والفاكس فرفعت إحدى الطالبات الصغيرات يدها وقالت: أبله حنا عندنا فاكس في البيت عند جدتي وتستعمله كل يوم….!! فشجعتها المدرسة على إكمال حديثها وقالت: وكيف تستخدمونه؟؟؟ فقالت الطفلة: تدهن به …-البنت بالطبع كانت تقصد دهون الفكس..!!
********************
إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال….!!
********************
أيضاً في المدرسة …طفلة في الروضة كانت تعبث بأنفها أثناء الحصة …
فانتقدتها المعلمة وقالت لها استعملي المنديل عيب اتسوين كذا فأجابت الطفلة لا مو عيب !! بابا يسوي كذا
********************
جاء بيكحلها عماها …دعيت العائلة للعشاء عند أحد أقارب الزوج وأثناء تناول الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع.. فرد الطفل بلهفة لإنقاذ أمه من المأزق …. (( لا تحطين لها صحن ثاني ترى بابا يقولها لا تكثرين أكل انتفختي
********************
منقوووووووووووووووووووووول
واذا اي وحده فيكم عندها موقف محرج أو مضحك مع أطفالها تقوووله لناا
مره معزومين بالشاليه ووايد حريم
في وحده ولدها قاعد مع الحريم عمره يمكن 9 سنوات
سمعهم ينادوني بإسمي
عاد أهوا أول مره يسمع بهالأسم
جان يقول لي : إسمج …………..؟ وهو مستغرب
قلت : إيه !!!
توقعته بيقول يعني شنو ؟؟؟ غريب إسمج !!!!
تدرون شقال جدام الحريم ؟؟؟
إسمج خـــــــــــــــــــــــــايس 
خرا عليه …
إمه من الفشله قامت تقول مسحيها بويهي
إستانسي سعاد … خيسني خخخخخخخخخخخخخخخخخخ
موقف محرج مع الاطفال لما يسالج احنا اشلون طلعنا من بطنج او اشلون كنا في ظهر ابوي وبعدين صرنا في بطنج يعني نطينا من ابوي دخلنا في بطنج لانهم ماخذين اية بالقران اترابا وشرحتها لهم وما فتكيت ههههههه
التجاعيد تخاف يعادونها صج صج كانت تحرجني الحين كبرت واشوه بدت تفهم
بس لما الحين فيها الخوف
جان تقول رفيجتى وااى شوفى هالجنس شكله مقرف
انا مالحقت اشوفه
اشوى وانا اعفس بالهدوم والا ولد صديقتى يصرخ
بالصوب الثانى من المحل خالتى تعالى كاهو الجنس
والا اهو واقف يمه وهذا واقف ينطر الخالة اللى اهى انا
وانا افتشلت جنه انا الغلط مو هو هههههههههههههههههههههه
علشان كنى نشوف بعض الملابس والاغراض للجهال
عاد اقول هذا حق فلان وهذا فلان
ما دريت ولد اختى يقول انا انا ابي هذا قلت زين وين فلوسك علشان اشتريه لك ما دريت الا ولد
قعد قدام الهارد دسك ويطلع من مخباته خرده ويبي يحطها داخل الا اصرخ عليه شنو تبي تسوي قال شنو ابي اشتري الجنطة للمدرس
قصدة الجنطة الا في الانترنت يظن اذا دخل الفلوس داخل الهاردديسك تطلع له الجنطة
انا عاد اختي الصغيره ام المواقف
مره كان ياينا البيت صباغ ايراني عاد احنا نتعامل معاه من زماان المهم اختي شافته بالحوش و انا كنت وراها جان تقوله انت بتتزوج اختي لوووووووووووووووول طبعا انا ويهي قلب الواااان من الفشله بيقول هذي ما عندها سالفه غير الزواج
ههههههههههههه
مرة و هو صغير ..بو سنتين و شوى شاف فى كبت الحمام الفوط الصحية …سألنى عنهم و أول شى طرى على (و على ضحك قلتهم) ماما بامبرز .
المهم ..و إيي ذاك اليوم و أوديه الجمعية (لا عادت ) و أشتى غريضاتى و أدزه بالعربانه ..و شحليله .. ما وعيت إلا إيأشر على القواطى و بكل فرحة يلعلع " ماما بامبرز" كل الناس إالتفتت على و أنا ماسكه براطمه و أقوله "ياحبيبى يا قلبى ..إكل تبن شوية" ماكو ..جان أسحبه من العربانه و أطير أدور باب الجمعية
مره كنا معزومين عند بيت اهلي عشا وكلنا متجمعين وكانت في واحده كبيره في سن على العشاء كاعده وكانت بنت اخوي الصفيره جالسه جم امها ما تعشى وبس طالع المره يوم امها عصبت عليها وقالت لها شفيج ليش ما تاكلين قالت يمه منو هذي شمحوطه تقصد العجوز قلنا لها عيب قالت لا شكلها يمه يخرع ساعتها امها كاتنت في قمت الإحراج .
مع تحيااااااااااتي……..