مواقف تطنيش الزوج أثناء بكاء الزوجة

السلاااااااااااام عليكم أمورات حلوات حبوبات..
شلونكم شخباركم يا عسل يا دلوعات..(دلعتكم وايد صح؟) تستاهلون
مالي خلق مقدمات..بنات المشكلة اللي بتكلم عنها تنوجد بالحياة المستقرة عادي ومالها علاقة بحب الزوج للزوجة..يعني ما في داعي وحدة تدش وتعلق بأن الزوج اللي يسوي جذي ما يحب زوجته ومادري شنو(عاد انتو تعرفون سوالف بعض البنات تكرهج بزوجج غصب)..
هذا وانا قايلة مافي مقدمات والقرقة ألف سطر الله يعين لو قايلة في مقدمات ككككك
المشكلة اهي ان احنا اغلبنا يدري ان سلاح المرأة أمام الرجل اهو البكاء لكن هني مقصود فيها البكاء مع الذكاء مو كل ما تهاوشو نزلت دموعها وقامت تبجي جدامه لين صار هالشي عادي عنده..
عموما انا مو قاعدة أتكلم من فراغ..انا صار فيني هالموقف..وما حليت المشكلة الا بالأكشنات والتمثيل..لوووووول..
انا زوجي لما أتهاوش معاه ويحط بباله انه بيقهرني يعرف شلون يقثني ويبجيني يعني حتى لو أرد عليه ماكو فايدة بالنهاية اهو اللي يبرد جبده وانا اللي اكلها فما عندي شي غير اني ابجي(طبعا مو على طول جذي) واذا صار نقاش حاد وانا احس ما طلعت اللي بقلبي وانتهى الموضوع وما انتهى عندي أبجي..واذا صار.. أبجي… واذا صار….أبجي يعني الأخ بالبداية كان كان يراعيني ويكره دمعتي تنزل على خدي لكن ذاك اليوم شوفو شنو صار..تهاوشنا وصار صراخ والأخت كالعادة انجرحت(اسم الله على الرقيقة)ونامت على السرير وبجت وأنطر أحد ييني نفس كل مرة يساحلني يحضني لكن ماكوو..وانقهرت وقمت أبجي وأبجي لكن ما من مجيييب والأخ وقتها رايح الصالة ولما يسمع صوتي يعلا يعلي على التلفزيون (طبعا انا هني احس روحي بتطلع من القهر أمووووت بمكاني)الموووهم ما بيدي شي غير البجي دش علي قلت اذا جايني والله ما راح أرضى لو شنو لكن تخيلو دش الدار خذا السويج جان يقولي انا طالع..أمبييييه انا اهني شصارفيني قمت أصرخ لكن ما من مجيب وطرت على بالي الفكرة الخنجرية (صج انه كسر خاطري بعدها بس ما لقيت بيدي غير هالحل) لما شفته قرب من الباب جان اوقف يم باب غرفة النوم جان اسوي نفسي طحت غشيانة ككككككك اهو شاف جذي مسكين طاح قلبه ببطنه ياني ركض ويقولي حبيبتي شفيج حبيبتي شفيييييييج انا اسف مو قصدي حبيبتي شفيج مسكين شوي ويبجي خلاص الريال انهار عاد لما كسر خاطري جان اسوي نفسي وعيت (صج كيدهن عظيم) وقتله بصوت مبحوح شصار؟؟اهو هني قام يتعذر ويتأسف ويعترف بغلطته..
طبعا انا هالأكشنات ما أسويها الا اذا حسيت اني مظلومة وموقادرة اخذ حقي يعني مو مني والدرب وحتى لو غلطانة اسوي جذي لأ..
وسامحوني مرة ثانية على القرقة..
والحين لكم المايك..يعني اذا وحدة مرت بهالموقف تقوله وتقول الطريقة اللي عالجت فيها الموضوع..(ومنكم نستفيد)