|
|
السلام عليكم ورحمة الله وبركاته
بصراحة دخلت على إحدى المنتديات إسمه حور الكويت
وشفت مواضيعي هناك منقولة دون وضع كلمة منقول
تخيلو البنات هناك يشكرونها ويدعون لها وهي ترد عليهم عااااااااااااادي
ماااااااا فكرت .gif "Eh S(13)")
تقولهم إنه الفكرة مو فكرتها والموضوع مو موضوعها
للتوضيح
يشهد الله علي يا بنات إنه المواضيع هني كلها مواضيعي من أفكاري وجهدي الذاتي
مو ناقلتها من أي منتدى ثاني وأبي من ورا هالمواضيع الأجر فقط لا غير
بعض المواضيع إللي مجمعتها أقول إني مجمعتها لازم تكون عندي أمانة
وأظن إنتوا لاحطتوا هالشي
والله بيحاسبني على كل كلمة قلتها
صججججججججج قهررررررررررر
حرام عليهم والله حرام عليهم واااايد بنات في منتدى كويتيات مشاركين في منتدى الحور
يشوفون مواضيعي هناك من بعض العضوات
أكيد البعض هني شك إني أنقل المواضيع …شعور طبيعي ..والسبة أهما
بس أقسم بالله العظيم أنه المواضيع مواضيعي من أفكاري من جهدي الذاتي
مو ناقلتها منهم …أهما إللي ناقلينها بدوووون أماااااااااااااانة
شوفوا بنات
آنا ما خليتهم رديت عليهم هناك وحطيت رابط موضوعي الأصلي من منتدى كويتيات
وقلت للبنات هناك لاحظوا إنه تاريخ موضوعي قبل تاريخ موضوع الأخت إللي ناقلته
وهذا أكبر دليل على النقل
وإذا تبون أحط لكم رابط مواضيعهم وردي عليهم ما عندي مانع
وعلى فكرة
عاااااااااادي جدا يتم نقل مواضيعي لتعم الفائدة وهذا علم ينتفع به
بس لازم يتم النقل بأماااااااااااااااانة 
سمعتوا بأمااااااااااااااااانة
والامانة تكون بالآتي
تكتبين بنهاية الموضوع
الموضوع منقول من منتدى كويتيات بواسطة العضوة أبلة كويتية
بنات إسمحو لي بدون زعل
مو محلله أي وحدة تنقل موضوع من مواضيعي بدون ما تحط
منقول من منتدى كويتيات بواسطة أبلة كويتية
سواء العضوات المشاركات ..أو من برا المنتدى إللي مو مشاركين
هذا حق والحق ما ينزعل منه
شاكرة لكم مروركم مقدما
وما عليه دامك نزلتي مواضيعك تبتغين فيهم وجه الله عزّ وجل وتبين الاجر ونفع أخواتك صدقيني ما يضيع أجرك وتعبك بإذن الرحمن
ويكفيك أن ربك مطلع ولا يخفى عليه شيئ
وسعي صدرك
ولا يهمك يكفي أحنا ندري بأبداعك وشغلك وأفكارك اللي استفدنا منها …
ولا تضيقين صدرك ،،
آنا ما أحب أحد يشكك فيني وحطيت الموضوع للتوضيح
عن جد قهروني
هناك يشكرونها وإهي ترد عااااااااادي كأنها إهية إللي مفكرة بالفكرة
بس صج آنا مو محللتهم
يعني من نقرا مواضيعج نعرف اسلوبج وستايلج في الكتابة …
ماشاء الله عليج لج اسلوبج وطريقتج الخاصة وصرنا انعرفها اول ما تنزلين اي موضوع
بصمتج واضحة
ولا يهمج
مدونة كويتيات اكبر مدونة الكويت والخليج بعد فلا تحاتين مهما سوو اهني الف وحدة تقرا مواضيعج وتعرف اسلوبج
وبالنهاية الاجر من الله لا يهمج حقج عند الله مو ضايع
واهي حسابها عند الله هم ما يضيع
اهم شي انج اخذتي حقج وحطيتي روابط مواضيعج عندهم
لايضيق خلقج وتزعلين
ترا احنا مانستغني عن مواضيعج الحلوه
اللي الكل يستفيد منها
|
المشاركة الأصلية كتبت بواسطة أبلة كويتية
 السلام عليكم ورحمة الله وبركاته
بصراحة دخلت على إحدى المنتديات إسمه حور الكويت وشفت مواضيعي هناك منقولة دون وضع كلمة منقول تخيلو البنات هناك يشكرونها ويدعون لها وهي ترد عليهم عااااااااااااادي ماااااااا فكرت للتوضيح يشهد الله علي يا بنات إنه المواضيع هني كلها مواضيعي من أفكاري وجهدي الذاتي مو ناقلتها من أي منتدى ثاني وأبي من ورا هالمواضيع الأجر فقط لا غير بعض المواضيع إللي مجمعتها أقول إني مجمعتها لازم تكون عندي أمانة وأظن إنتوا لاحطتوا هالشي والله بيحاسبني على كل كلمة قلتها صججججججججج قهررررررررررر حرام عليهم والله حرام عليهم واااايد بنات في منتدى كويتيات مشاركين في منتدى الحور يشوفون مواضيعي هناك من بعض العضوات أكيد البعض هني شك إني أنقل المواضيع …شعور طبيعي ..والسبة أهما بس أقسم بالله العظيم أنه المواضيع مواضيعي من أفكاري من جهدي الذاتي شوفوا بنات آنا ما خليتهم رديت عليهم هناك وحطيت رابط موضوعي الأصلي من منتدى كويتيات وهذا أكبر دليل على النقل وإذا تبون أحط لكم رابط مواضيعهم وردي عليهم ما عندي مانع وعلى فكرة عاااااااااادي جدا يتم نقل مواضيعي لتعم الفائدة وهذا علم ينتفع به بس لازم يتم النقل بأماااااااااااااااانة سمعتوا بأمااااااااااااااااانة والامانة تكون بالآتي تكتبين بنهاية الموضوع الموضوع منقول من منتدى كويتيات بواسطة العضوة أبلة كويتية بنات إسمحو لي بدون زعل مو محلله أي وحدة تنقل موضوع من مواضيعي بدون ما تحط منقول من منتدى كويتيات بواسطة أبلة كويتية سواء العضوات المشاركات ..أو من برا المنتدى إللي مو مشاركين هذا حق والحق ما ينزعل منه |
طبعا في نلس ماعندها ذمة ولا أمانة أدبية بالمرة
وترى أغلبية الأقلام واللي تميزت بمداد ذاتها وصدقها وإبداعها
في شتى المجالات راح تتعرض لموقفك هذا …
وأنا منهم
من هواة كتابة الخواطر … ولي خاطرة انتشرت كثير في المنتديات العربية وليست الكويتية فقط
وطبعا اللي انقلوها عاشوا الدوووور وتعالي شوفي شنو اختمتها بعضهم فيه بعد : اعذروني على خربشاتي
ودون إضافة كلمة منقول بالمرة …
فالموضوع عادي وصاير للجميع .. فلا تحرين نفسك لعدة أسباب :
المصدر وعارفينه كون هذا المنتدى يستقطب عدد من الزوار قد يعادل زوار منتدى حور الكويت
ثانيا دائما اجعلي عملك لله واحتسبيه له سبحانه … راح ترتاحين جدا
ثالثا انت ماقصرتي رديتي عليهم وحطيتي الرابط وزين سويتي على الاقل نوهتي ..
والأمانة الأدبية للأسف صايرين نشوفها بندرة جدا … ولكن نسأل الله أن يجعلنا نخشاه في كل أمر ولو كان بحجم الذرة
فديتك انت السباقة في كل فكرة مبدعة والكل عارف ويشهد لك حبيبتي …
لا تتضايقين ولا يهمج
لا يقذف الا الشجر المثمر وانتي من عرفناج وانتي اسم الله عليج مبدعة وفنانة
بارك الله فيج وان شاءالله اعمالج وافكارج في ميزان حسناتج عند رب العالمين
والحمدلله انتي تنفعينا كلنا سواء الخبرة ولا اليدد وكاني انا استفدت منج بكذا شغلة بسبورتي وانا خبرتي طويلة بس منج استفدت
المهم انتي لا يضايقج تصرفات السفيهات واللي ما عندهم ذمة ………… وكلي امرج لله الكريم وحقج محفوظ عنده
محد وقف معي وساندني الا انتي فديتك
والامانه للاسف مو عند الكل ,, وان شالله اجرج عند الله على المواضيع الي تفيدين فيها
انا نفسج لقيت مواضيعي في اكثر من موقع ,, ونفسج احتريت لان ما فيها منقول ,, والحره انهم بنفس اسلوبي وحتى نفس العنوان
اسهل شي الكوبي والبست عندهم ,, احتسبي الاجر بالنشر والله لهم
والحق ماينزعل منه ..
انا صارلي هالموقف نفسج لا كنت منزله صور وتعبانه عليهم
الاخت ياية عالراحة ومسوية كوبي بيست
والبنات يمدحونها
والله شي يقهر
عقب حرمت ما انزل موضوع الا وعليه توقيعي واسم المنتدى
لا تتكدرين وكلنا ندري ان من جهدج وتعبج …
بس اتوقع لما تنقل من منتدى ثاني بس تكتب منقوول ممنوع تكتب اسم المنتدى الي ناقله منه … حتى اهني بكويتيات اذا نقلنا من منتجى ثاني ممنوع نكتب اسم منتدى عشان ما يصير دعايه …
بس اهيا الغلط ان حتى مو كاتبه منقول .. لازم تكتب منقول من منتدى ثاني ونقلته للفايده