مواصفات الزوجه الي خطبتيها او الي بتخطبينها لاخوج او ولدج او لاحد قرايبج

هو شي يكمل شي

يعني اسأل ابي بنت حلوة وبنت ناس واخلاقها طيبة يعني مو بس حلوة واخلاقها زفت

للاسف اغلب الناس تدور الزين على الرغم من ان الجمال مو كل شي يعني الجمال مرده بيذبل وتبقى اخلاقها وسنعها

سبحان الله نفس حالتي
مع اني مو جيكرة الحمدلله بس دايم يجون على مدح الناس بأخلاقنا وتربيتنا وحفظنا للقرآن الحمد لله بس لما يشوفون يروحون
بلا رجعه واكيد هالشي يأثر ع النفسية بس اقول ربي يبيلنا الأحسن اكيد

.
.
ومثل ماقلتي الناس تدور الجمال بس النصيب بعد يلعب دور كبير
انا مرة كنت قاعده بعرس ووحده جنبي تدور عروس لولدها وتأشر على بنات سبحان الله عاديات جدا جدا بس قاعده وتمدح وتهول
ببنت لدرجة انها حسستني انها ملكة جمال رغم انها مو جذي بس الناس اذواق
.
.
انا عن نفسي مااحب اختار لأحد بس اكيد الاخلاق + القبول هو الاساس
والله يرزقني ويرزق الجميع يارب
مشكووورة حبيبتي على الموضوع المهم

اخوي ماعنده شروط بس اهم شي يبي محجبه و سنعه علشان ماتأذي امي وطبعا ان تكون نفسنا من ناحيه الاصل و المذهب و الحاله الماديه و الاجتماعيه

طبعا دينه ومثقفه واعيه وسنعه

انا اؤمن انه ماله دخل عجبتيهم ولا لا
السالفه كلها توااافيق ونصيييييييب
اعرف وحده باسكال مشعلاني ايه بااجمال ربي يحفظها وبنت عائله غنيه ومثقفه ومؤدبه
بس الصدق مو سنعه مدلعه
جوها ناس دخلو عليها طلعوا وماردوا عليهم يوم تطقست الام طلعت البنت ماعجبتهم تخيلتوا
جمالها مايختلف عليه اثنين ماشاءالله بس النصييييييييييييييييييب

ارجووكم بنات لاتتاأثر ثقتكم بنفسكم واقتنعووا ان المسألة نصيب والله ماكتب لك تاخذين ولدهم

بالنسبه لي اخطب البنت اللي تعرف لنفسها مو جميله لااا مااحب اللي تعتمد على جمالها بس
احب البنت الذووق الكيوت اللي تعرف لشعرها وتسوي اللي يناسب وجهها وتلبس لبس انيق وراقي
اللون عندي ابدا موو مهم ماادقق فيه نهاائيا

بس اهم شي عندي تكون نحيفه وجسمها حلو وطولها زين

والله يوفقنا ويرزق بناتنا ويستر على شبابنا ويبعد عنهم كل من فيه شر

لما نبي نخطالمواصفات بشكل عام الاخلاق
والجمال حتى لو عادي او متوسط والشهادة
واهم شي
انه اهوا يشوفها وتعجبه
انا ضد انه الاهل يروحون بروحهم ويشوفون البنت ويقررون
المفروض اهوا معاهم من اول مرة
ويشوفها ويقعد معاها
ويقرر يبيها او لا

نخطب*

اهم شئ الدين والخلق

عدل كلامج وانا هذا الي اشوفها الناس فقط تدور الشكل والباجي مايهم

صح كلامج عين العقل الناس اذواق

بس للاسف هذا الي دارج الحين يدورون الجمال اولااااااا والاخلاق لااااااا

عدل هذا شي اكيد وحتى عندنا

شاكره لج المشاركه

يعتمد على الشاب اذا منصب ووظيفه *وغني
راح يتشرط وااايد ابي بيضه طويله ضعيفه شعرها ليظهرها
ومن حقه لان لو خذا موحلوه ماراح يحبها وممكن يخونها
اذا شاب عادي فطلباته اقل*
هذا اللي اشوفه جدامي
يعني الوحده لازم تضبط شكلها
لدرجه اعرف واحد شارط يبي زوجه عيونها خضر وموراضي يتنازل عن الشرط*

صاجه كل شي نصيب

بس انا ركزت على الشي الواضح والي يبونه فقط اول شي

ومشكوره