|
|
بنات انا وايد ادش واقرى المشاكل الموجوده هني
و بالايام الاخيره كثرت مواضيع الخيانه
واغلب نصايح العضوات لا تواجهين الزوج !!!!
اكتفي بالنغزات !!!!!
هددي البنت وقولي لاهلهاااااااا !!!!!!!!!!!
وبعدين عقب هالنصايح شنو النتيجه
النتيجه بتكون التالي
الزوج راح يتم بعناده ويتم على سلوكه
النغزات ماراح يفهمهاا
والبنت اكيد اذا كانت بنت شوارع راح تسمعين حجي خايس
وبالتالي راح تضطرين انج تردين وتنزلين ليه مستواها الواطي
وحتى اذا قلتي لاهلهااااا يمكن اهلها وبالذات امهااا
يجعمونج ويصفون معاها
وهالشي صار معانا شخصيا حماي كان يكلم وحده
وراحت زوجته قالت لامها والصاعقه كان رد امها التالي
(( شوفي ترى بنتي اشرف منج وعناد عليج اذا خطبها راح ازوجهم وانا اتكفل بكل شي ))
فلا تحطين نفسج بموقف مثل هذا .gif "Eh S(4)")
الحين نيي لطريقه المواجهه
اذا ريلج خانج او شفتيه يكلم بنات لازم تواجهينه
بس بالاول قبل لا اقولكم الطريقه خلونا نتفق على شي واحد
اللي اهو
البنت مالها ذنب والريايل اهو اللي لا حقها ومرقمهااا
لان مهما البنت كانت منحطه وسفلى ماراح تتجرأ ترقم ريال
وهالشي ماراح يختلف عليه 2 حلو
نيي الحين لطريقه المواجهه
1- اذا شفتي مسج بتلفونه طرشيه لروحج واخذي تلفونه وروحيله وقوليله ابي تفسير لي هالمسج ؟
بدون ما تغلطين بالكلام وتسبين وتبجين خلي نظراتج حاده
واسلوبج قوي لا تبينين له انج ضعيفه او خايفه
واذا قالج ليش تحوسين بتلفوني قوليله لاني ادري بسوالفك
وكا انت تحوس بتلفوني عادي
2- لا تفكرين تستعملين معاه اسلوب التهديد لانج ان هددتيه راح يعاند
3- مسكيه من ايده اللي تعوره يعني شوفي شنو نقطة ضعفه وفهميه ان عاد هالسالفه راح تحرمينه من هالشي
يعني مثلا ريلي من بداية زواجنا فهمته اني ممكن اسامح اي شي الا الخيانه
وفهمته ان الله ممكن يبليه ببناته وعرضه فهالشي عنده رادع
4- لازم ما تسكتين ولازم تقولين له اول باول عن اي يضايقج
لا تخلين شي بقبلج وبالذات اذا كان مضايقج لانج ان سكتي
بصير تراكمات وباجر ماراح تتحملين منه اي شي وماراح
تتذكرين منه غير الاشياء الموزينه والاشياء اللي ضرج فيها
وبعدين انا بفهم شي واحد ليش تخافون من المواجه الزوج
ليش تخافون على مشاعره هالكثر
ليش تهتمون وتحاتون انسان ما فكر لحظه بمشاعرج شنو ممكن تكون اذا عرفتي انه يخونج
بنات الصراحه راحه وما تزعل وياريت لو تحبون
روحكم اكثر من جذي ولا تخلون الزوج همكم الوحيد
وصدقوني لو تحبون روحكم الزوج ما يتجرأ يتصرف جذي
لو بدها تواجهه لبعض الرجال ، بالعكس هيك بتفتحي عيونه اكتر انه يخبي الشي اكتر من اول ، ويكون حريص اكتر من اول 
، رح يحكيلك اسف واخر مره ومن هالحكي ونزوه عابره وانتي ام الاولاد ، بس رح يصير قبل ما يسوي الشي يحسب حسابه الف مره وقبل ما يدخل البيت ، يمسح كل شي ويبعد كل الشكوك عنه
في ازواج ما بنفع معها المواجهه ،، بنفع معها الاسلوب الخبيث ، بس مو التهديد لانه التهديد بزيد المشاكل ، وبخلي الشخص يلي قدامك يعند
الله يهدي الجميع يارب والله يبعدنا ويجيرنا عن هالشي يارب العالمين
ولاتكتم بقلبها وتموت حره
بس بعضهم يقلب السالفة عليج وليش تتعبثين وبيقولج مو انا او اي عذر وياخذج بصراخ
وبالنهاية اذا المرة تحبه راح تعتذر وترضى بالوضع مجبورة وراح ينكسر عنده حاجز الخوف
ثانكيووووووووووو
فسر لي هالشي بدون ماادش وانا ابجي ومنهارة وعافسة الدنيا
بس بعد مؤمنة ان مافي طريقة وحدة تناسب كل زوج وكل رجل
يعني المواجهة ماتنفع مع الجميع
ومرات حتى المواجهة يطلع منها بجذبة مرات مضطرة الزوجة تمشيها
و تخليه اكثر حذر في مسح وحذف وشيل بقايا الجريمة