من وين تاخذون ملابس و جواتي الروضه؟

السلام عليكم شلونكم بنات؟
ابي نتشارك بخبراتنا عن احسن اماكن حق ملابس الروضه..يمدحون مؤيد المير و ماركس اند سبنسرز
بس للحين ماخذيت شي حق بنتي

ودي تقولون لي من وين تاخذون:
1-ملابس الروضه
2-الجوتي الاسود,شنو احسن ماركه و وين
3-الشغلات الثانيه مثل الدلاقات الملابس الداخليه (الشورت)

و ناطره تفاعلكم

انا اخدت لولدي من مجمع الايوب البدله والدلاغات والداخلي ماركة جولف

اما الجوتي الله يكركم من محل الرياضي

وانا بعد خذيت من الايوب
وسرداب الايوب فيه دلاقات
والجوتي من مركز سلطان نايك

الايووب يهبل للروضه والمدارس بعد

اما الجواتي كلاركس حلوو ومريحه جواتيه

وشووفي برووي منزل كل جنطة معاها مطارت الماي وكراسه والوان وصدريه عشان ماتتوصخ ملابسه ومقلمه

يعني كاااااااااااااااااااااامل ويهبل

مشكوورين عالمشاركات
ودي امر الايوب و اشوف و هم كلاركس جواتيهم طبيه معروفه

الايوب مايعجبنى صناعتهم سوريه وبضاعتهم نفسها تلقينهم بالاسوقه الشعبيه اخذت منهم العام وتحسفت شكلهم موذاك الزود

يعنى مايتميز الياهل فيهم وخامتهم تستهلك بالغسيل حتى الاوتى يطبع علي الخام

مؤيد المير روعه خاماتهم راقيه وجودتهم عاليه غير جذى قصتهم شحلوها

ماركس اسبنسر يمدحونهم ويقولون ارخص بس ماجربتهم

الجناط سنتر بونت دايم اخذ منهم لعيالى جنطه الاكل نفس المطاره نفس المغلمه نفس جنطه المدرسه والشخصيات اللى يحبونها اليهال

بالنسبه للجواتى يعنى على حسب مالتزم بمكان سنتر بونت او ستبس او اوكسجين

بس تبين شى يكد طول السنه اخذى من ايكو صج غالى شوى يعنى حول الثلاثين بس يسوى

بالنبه للملابس الي عندي مدرسه خاصه ناخد الملابس من عندهم
اما الجواتي انا شفت بسنتر بوينت ماركة بلو سكاي اسبانيه عالاقل احسن من الصيني الي خربت ريول عيالنا
والدلاقات من محال سوكس بالعديليه
وايكو بعد عنده جواتي جودتها عاليه

انا شريت من الايوب عندهم شغلات حلوووووووووووووووووه

حتى الشباصات و التيجان و الدلغلات منهم

الجواتي ايكو حلو و الكلارنس انا خذيت من سنتر بوينت عدهم ماركه اسبانيه حلو نسيت اسمها خذيت حق بنتي منها

الشورت من الرياضي بعدين خنشوف شيطلبون

رحت ماركس سبنسر وسنتربوينت والايوب وكل مكان يبيع هدوم اليهال الي يهمني انه سير البنطلون مريح ولين هالشي مالقيته بولا هدوم من هالمحلات مع اني اشوف الناس تخمط بهدومهم بس لانه سيرهم يابس صخر شلون الياهل بيلبسه بعصر بطنه

تدرون وين لقيت البنطلونات الي موديلاتها حلوه وسيرهم لين طري

الجوهره
الي بتقول ويع ماويع تري بنطلونهم مريح ويهبل واهم شيىعندي السير الي احاتيه انه يعور ولدي ويعصر بطنه وتري الياهل حرام يتضايق من هالسالفه لانه بيداوم 8 ساعات وسير بطنه يعصره ويخنه حتي بالتنفس مايرتاح

مو مهم غالي رخيص الحمدلله عكلنا بخير ونعمه اهم شي الهدوم المريحه والي تحسينها جوده والفينشنق مالها نظيف

الجوتي من كلاركس 360
والباجي ان شاء الله بمر جونيور سنتربوينت شخصياتهم حلوه

انا الجواتي خذيت من النصر الرياضي

اما الملابس فما عندي الا بنيه بتروح اولى روضة حكومه
فما ادري من وين خذيت لها نفنوف واحد من سنتربوينت
ما عجبني وايد لان بنتي ضعيفه حيل وم مرتب عليها
يبيلها غيرها

ودلاقات وملابس داخلية خذيت من فاشن مل

بنطلون ابتدائي ولادي من ماركس سبنسر
الولادي للروضه من بوسيني
بناتي ابتدائي من الايوب
الجواتي بناتي وولادي من ايكو
ودووم آخذ من بوسيني تي شيرتات وشورتات وادور اللي يناسب الروضه

ان شاء الله ناوية اخذ لبنتي من الايوب ,,, انا اذكر اختي كانت تقول في محلين حلوين بالايوب الباقي كله عادي وهالمحلين اسعارهم على 16 و 18 كل النفنوف او التنوره سوالف تطريز وفنتك للبنوتات ,,,

مويد المير موديلاته حلوه
وبروي ينزل ملابس روضه
عاد زارا من فتره كان منزل كولكشن ازرق نفس هدوم الروضه كشخه كان بس حسافه شالوهم الحين
انا عن نفسي كنت اخيط حق بنتي لانها صغيرونه وضعيفه
وملابس داخليه ماركس سبنسر وحتى جواتيه عزكم الله حلوين بس انا اخذ حق عيالي من ايكو لانه عيالي نمسين كل شي ولا جوتي يضايقهم
وجوتي رياضه اخذي لها من فوت لوكر على حسب اللون اللي تبيه الروضه يا اسود يا ابيض
والدلاقات موذركير
والشباصات والتيجان اذا تعرفين المجمع اللي بالسالميه القديمه قبال الجوهره
اللي فيه بيضون تدشين المجمع فوق في فلبينيات شغلهم حلو ورخيص ومنو نفس اللي بالسوق
وبلوزه بيضه حق الرياضه
والملابس الشتويه راح تلاقين بالهبل لانه اغلب السوق ينزل احمر ورمادي
انا ماخذه حق بنتي من زارا ومذركير لبسها الشتوي
وسلامتج

واتمنى اكووون فدتج