من غير غشمرة واستخفاف الأمر جد والمستوصفات مستنفرة

شلونكم يا أبلات وشخبار أول يوم

أنا ملاحظة إن بعض المدرسات من باب الغشمرة والحياء والمستحى بوس ولم وضحك وسوالف
بس تدرون رحت المستوصف اليوم أخذ علاج للربو بعيد الشر عن السامع
وتدرون الله لا يواريكم الأطباء والممرضات والصيدلاني والفراشين والكتبه والحارس
العالم استنفار كمام ودسوس وبالطو وكاب والحركة سريعه حتى الدكتورة لما تسجل تمسك القلم وتغسل إيدها بالكحول
لا تقولين إهنيه مستوصف المرضى يمرون عليه حبيبتي
أكثر الوافدات يخافون من الغياب والخصم ويضغطون على نفسهم (( مساكين )) فيداومون ما تحسين بشئ
ياناس ياعالم حرام عليهم المرض منتشر والعلاج مافيه
تو وصلني خبر عايلة كاملة حاشهم المرض والمشكلة الأم موظفة بمنطقة الأحمدي التعليمية الخبر أكيد ومافيه ردة فعل بس إطلبوا منهم يبقون بالبيت الله يرفع عنهم ولا يبلانا ولا المسلمين

حرام عليكم ياوزارة التربية
في العشر الأواخر نبي نتفرغ لعبادة الخالق على مقابل المكاتب والغرف وهات ياحش (( لا تقولون مافيه مستحيل مجتمع حريم ))

يعني خلوا الناس تروح وتتهجد وتتفرغ تسهر مو على ما نصلي الفجر ونقر أ وإلا دوام طيب داومنا وإحنا مواصلين ردينا البيت العيال والأهل يبون الفطور شنو أقطع نفسي لا تقولين الخدامه لا اللي عندنا كلهم يحبون شغلنا مو مثل بعض الناس
ما فيه زعل الحجي مو لكم للمسؤولين

انت الحين معترضة على المرض ولا على الدوام بالعشر الاواخر؟؟

وإحنا معاج بكل كلمة قلتيها

الله يحفظنا ويشافي جميع المرضى

لاااااااا انتي معترضه على قرار وزارة التربية ايه والله صااااجه اختي
احس حتىالمحاتاه زادت بعد الدوام الله يعدى الايام هذى على خير ان شاء الله

اي والله كلامج عدل

بس لا حياه لمن تناااااااااااااااااااااادي

الله يستر علينا ويكافينا شر الامراض كلها يارب

حجة وحاجة
حبوبة
وباء منتشر في وقت العشر
لو مسؤولة شتسوين؟؟؟
الله يحمينا ويحمي عيالنا وديارنا

اليوم ما داومت ورحت اييب طبيه من المستوصف.. انصدمت الوضع طبيعي مع الناس واحد يياب العايله كلها للمستوصف والمريض واحد وهات يا ركض ولعب بالمستوصف اللي متروس هنود وافغانيه ووووو الله يستر عليهم..انا قاعده على اعصابي عشان الطبيه والناس سمردحه مو مخلين طوفه والا باب والا دريشه مو ماسكينها ولا هامهم.. والدكتور يقولي بيني وبينج انتي حامل لا تدامين احسن لان الخطر اكبر عليج!!!!!!!!! بس قال هذا الحجي بيني وبينج وان وزارة الصحه مستهينه بهالوباء وحتى الناس وقالي شوفي اللي حواليج ما في احد لابس دسوس ولا كمام ويايب العائله كلها لمكان كله امراض..

هني زاد خوفي وما ودي اداوم وما ودي اخالط احد.. وحتى ما ودي احد يي لبيتي..

امبيه الله يستر ترا احنا عشان ماروح مستشفيات ومستوصفات مو حاسين بالحاله

الله يحفظنا ان شاء الله

الله يحفظنا إن شاء الله .. ويحفظ اعيالنا

الله يستر عليج
بس والله صدقيني هذيله اللي جايبين عيالهم
أكيييييييييييييييييييييييييييييييد مو دارين عن العالم الخارجي شصاير فيه
أقولج والله خفت من منظر الدكتورة والممرضات تتكلم والكمام عليها والدسوس والكحول
الله يثبت لج حملت ويستر علينا من هالوباء

واحنا معاج ..
بس شنسوي بعد .. ما باليد حيلـه ..

واذا بـ نلبس الكمام ونمسح بـ المعقمـات والديتول ..
بنسوي يوم يوميـن .. وعقبها بـ نمل ولا ننسى ولاتفوتنا شغلات صغيره ..
وهي انفلونزا عاديه .. بس خطره للحوامل واللي فيهم أمراض ثانيه مثل السكري ولا السمنه ولا غيرهـا ..

الله الحافظ ان شاء الله ..

على قولتج بنمل بعد فترة بس فينا أمراض مثل الربو وعندنا حوامل وكل الحالات الي قالوا إنها توفت حطوا العذر بهالأمر اض زين عطوهم عذر المساكين مثل الحوامل قعدوهم ببيوتهم لين الله يسهل عليهم

طيب االلي داوموا شرايكم بالوضع بتكلم عن نفسي ابسط قواعد النظافة مو موجودة صراحة انصدمت الروضة وسخة ومديرة المنطقة فالحة بالتصريحات استعدينا واستعدينا واليوم بين كل شي قذارة وعدم استعداد شقول بس والعالم عندها عادي طيب قعدوا بمكان نظيف ع الاقل افكر اخذ طبية بروحي فيني حساسية ومع الغبار احس بتنك من هالوسخ

واااي منصدمة حدي الله يعين بس

صح كلامج اختي

الله يحفظنا