من ترتيبات الزواج مرورا بليلة الدخله إلى شهر العسل

اول شئ بنات ابي اليباب يوصل للصيب

بنات انا من 2024 مسجله تصوروا !!!
تو تتفعل عضويتي
بالموووووووووووووووووت مادري السستم مادري شفيه
ييت بسجل ما قدرت
واذكر مسويه عضوية قديمه وما تفعلت ومادري احاول وانا الحلو فيني شاطره بالكمبيوتر
واخذ كود ورابط ومني ومني لمن فعلتها غصب وبالموت

وااااي يا بنات شنو عندي سوالف شكثر بقولها لكم
وبالمقابل باخذ منكم شكثر سوالف لول
ليشنه والله كل ما ييت بستفسر بحاجي عضوه ما اقدر حتى الرد محرم علي

عموما
انا هالفترة طايحه بهالقسم وهالقسم اهوه الي شجعني افعل عضويتي غصب

ليشنكم يا مراهقات ويا مقبلات على الزواج تقهرووووون

قلت لابد اني افيدكم واتمنى اني اكون ضيفه خفيفه على قلوبكم واتمنى اني اساعدكم بكل شئ

بسم الله اول شئ ببلش من الصفر

كنت قاعده بالبيت ولا ترن ترن امج ترد على التلفون يوج خطابه
يفز قلبج وانا متأكده كل بنية يوها خطابه نفسها تراودها
ياما قلنا مانبي نتزوج وهالحجي وخنكون واقعيين ماكو احد ما يبي الزواج لكن احنا دايما نتهرب من المسؤولية ونشغل انفسنا بأمور تافهه

ماعلينا
وصلوا اهله ويو شافوج انا هالنقطه ما راح اركز عليهم لان لكل عائلة ومو بس لكل عائلة ابي اركز واصغر الموضوع بقول لكل بيت عادات وتقاليد
ممكن البنية تنزل بدون مكياج ممكن بمكياج ممكن الي خاطبها يكون موجود وممكن ما يشوفها وامكانيات شكثر ما اقدر افيدكم فيها بنات هذا على حسب عادات اسركم
لكن دوري بيتمحور فقط < يتمحور هاه واول موضوع بلشنا فلسفه ^^"
ابيج يا بنيتي تنزلين هادية وحياويه قد ما تقدرين ممكن ماتفرق عندج بس صدقيني والله احلف لك لمن تصيرين ام وعيالج كبار وبتخطبين لهم اهم شئ تبين تشوفينه حيا البنية
والحياء شعبه من الايمان

بيسألونج اسئلة ردي وبيسألون امج امج بتجاوب انا افضل اذا امج موجوده اهيه تجاوب عنج بس اكيد اهمه بيشوفونج بيسمعون صوتج بيشوفون استجابتج وانا مااقدر افتي بالهنقطه وايد كل وحده وعاداتها

الي يهمني
صلي استخاره وتوكلي على الله اذا قلبج ارتاح له واذا كنتي متردده سألي امج لا ترفضين على طول وانا افضل انج تاخذين معلومات عنه كثر ما تقدرين مو ترفضين وتوافقين على غير دراية وانا اقول استشيري امج لان يا بنيتي عند الزواج البنية ما ياخذون رايها ويمشون عليه ( مو غصب السالفه ) لكن يدرون البنية حياوية وشرعج يقول جذي لو كنتي تبينه وميته عليه ما راح تقولين زوجوني اياه علني بتقولين حق امج كيفج اذا لا سمح الله كنتي مطلقه ويالج نصيب والله يرزق كل المطلقات يارب ذيج الساعه قولي ابيه وما ابيه واهمه بينادونج يسمعون رايج ولا ما ينكتب الكتاب
بس انا بتحجى عن الوردات الحلوات الفرش الي ما يعرفون شئ وكله خايفات وقاعدين بهالقسم متربعين

ترا والله هالمعلومات مهمة

المهم نقول انه الريال ملج عليها وحدد يوم عرسها

اشوف غالب البنات يتخسبقون نومهم يعتفس نازلين طالعين السوق خلطات وبلاوي ودنيا
بنات والله هالشئ طبيعي بس الي احنا نسويه اوفر اوفر
بشرح لكم شلون واخليكم تطوفون هالمرحله بهدوء
احنا من يخطبونا نركض ورا الخلطات والدنيا انزين وينا قبل وين هالاهتمام ولا الصدمه بعد الزواج بسنه لا نعرف لا خلطات ولا شئ تعرفون نفس الي يكون عندنا لا مباله وفجأه نبالغ بالشئ ونتعب ونقول خلاص هونها وبعدين عادت حليمة لعادتها القديمه
ما استفدنا شئ

انا اقول لا تخبين نفسج اشتري عطور تزيني من حقج اهتمي ببشرتج بس بالمعقول اهم شئ بهالفترة وركزوا عليهم عدل
1- النوم الصحي السليم .
2- التغذية الصحية السليمة .

وايد بنات يسهرون وما يقعدون إلا الضهر ونازلين السوق ومايردون إلا بليل وعلى هالحال
لا اكل نفس الناس ولا نوم نفس الناس
وليلة عرسها بجي وعيونها سوده حالتها حاله وتطيح عليهم وتدوخ
صح يا بنات ولا لأ وشوفوا هالشئ يا صار بأختج ولا رفيجتج ولا بأي وحده متزوجه تعرفينها

الاجانب برا بنفس اليوم يقدم لها شبكتها وبملغ بسيط جدا بالنسبة لنا ويطلب ايدها ويكتب كتابه عليها وماكسيموم ( اقصى حد يعني ) العرس يكون بعد اسبوع عاد على حسب الحجز عندهم وتكون المرة فرش وعرس الصبح وخالصه ومستانسه وطالعه تصور وياه
واهمه يتزوجون برا واهمه كبار احنا شعوب عادي نتزوج مراهقين ولا اعمار الزهور بداية الشباب

يعني تكفون تخلصوا من هالعادات السيئة والله بتعبكم اكثر والتزموا بصلاتكم وقراءة القرآن وحصنوا انفسكم وادعوا لأنفسكم ولأزواجكم والله ييسر امركم

الليلة قبل ليلة عرسج تعشي عشا خفيف ونامي مبجر واكيد لازم تعودين نفسج من زمان على النوم المبجر خليج ديايه والله بيخلي صحتج توب مو احسن من السهر عيونج تصير سوده وخدودج تنشف
ماعلينا
اول ما تقعدين غسلي وصلي وادعلي ان الله ييسرلج هاليوم على خير بهاليوم ابي اطلب طلب من كل بنية يكون اليوم يوم عرسها
تكون فرش ومتفائلة جدا جدا انتي راح تشوفين كل الي حواليج لاهين مهما كانوا وياج ويساعدونج ترا اهمه لاهين بأنفسهم ولاهين بالعرس الوحيده فقط الي قلبها وياج امج حتى خواتج لاهين بانفسهم مهما ساعدوج ووقفوا وياج هذي حقيقه وشوفي يوم العرس كل واحده تركض الي تعدل نفسها وتضبط عمرها اهمه واجهتج بالعرس جدام الناس هذيلا اهلج شلون تبي تتكلين عليهم لطالما اهمه بروحهم متدودهين بعمارهم عليج بنفسج وبس وتذكري العرس عرسي والمعازيم معازيمي واليوم بيكون احلى يوم بحياتي وراح اتذكره طول عمري مستحيل بخلي هاليوم يضيع علي
وفيه تمرين اوصيكم تسوونه كلكم النفس العميق اخذي شهيق ( اخذي هوا ترسي رئتج ) وطلعي زفير قوي ( طلعي كل الهوا مره وحده ) مرتين تكفي وتشيلج من التوتر وتردج لطبيعتج صدقيني بتلاحظين فرق كبير بنفسيتج هالنفس بينظم نفسيتج

نسيت انوه على شغله مهمة طافتني
اختي الكريمه تذكري ان عرسج مو مثل اي عرس بالدنيا ومو مثل اي بنت كويتية فلا تتبعين تجارب غيرج واطبقينها بالمثل لا ترا الوضع يختلف وهني تكون اللذه عروسنا مو متشابهه الي ابيه منج لازم تكونين متواصله ويا ريلج ما قدرتي خلي اخباره توصلج بأي طريقه لو حتى عن طريق امج لازم تعرفين السستم الي بتمشين عليه بالعرس اول ليلة وين تبين تقضينها بشقته ولا بفندق ولا وين شخص مثلا متزوج ولكن اول ليله له يبيها بفندق مع العلم عنده شقه هني انت يبلش دورج لازم تعرفين تخطيطاته وانا افضل تتواصلين وياه ما قدرتي خلي امج عرفتي مثلا يبي اول ليله بفندق باليوم الي بيودون اغراضج شقته اخذيلج جنطه فيها مستلزمات لليلة وصبحية و بدلة تسيرين فيها
ماتدرين بعد ما يقعد يقول نبي نروح بيت اهلي نسلم عليهم ؟ مشكله الرياييل بعضهم ما يستوعبون البنات وانتي ما حدج مستحية الافضل لج انج تاخذين كل احتياطاتج
وجنطتج اهوه ياخذها الفندق او تكون موجوده بالسياره بالزفه على حسب ترتيباتكم وكل عرس مختلف

المهم الحين ارد حق سالفتي
زفوا ريلج عليج وقعد يمج ممكن انه يحاجيج ردي عليه انا يقهرني البنات الي يقولون خليج دلوعه سكتي تثيقلي والله حرام قاعد تعقدون البنات اذا كلمج ردي انا اعرف نفسيتج بهالوقت انتي حدج ذايبه من الحيا خصوصا اهله حواليه وانتي عنده لكن ترا بالمقابل اهوه هم ذايب من الحيا صعب يكلمج واهوه عند اهله بهالوضع وصدقيني وده ينحاش بأي لحظه خواني كلهم جذي وسمعيهم قبل ليله عرسهم يفرفشون ويضحكون ومستانسين وبشكل اوفر اختي نبهتني على شغله كنت غافلتها قالت ما تلاحظين شبابنا من ايي يوم عرسهم وقبل العرس بيوم تشوفينهم اوفر يسولفون وما يقعدون قلت اي من الوناسه جان اطقني تقول فكري وين راح مخج قولي من الخوف انا توني ادري انهم خوافين لكن ردة فعلهم مختلفه عنا لمن يسولف ولا ينكت ولا يضحك ترا ميت من الخوف لكن الله سبحانه يمكن حط هالميزه فيه انه يبادر ويتكلم ويحرك الجو عكسنا احنا الخوف يصكر حلوجنا سبحان الله اخوي مره زفوه الي يشوف ويهه يقول مو مصدق انه متزوج الابتسامه شقاقه والي يشوف ايده بس يشوفها ما يمسكها يشوفها ترجف امي قالت خذ مرتك وروح وتدعلي لهم قالت والله خايفه من العين وبنات والله اوصيكم احرصوا تحصنون انفسكم عدل

المهم
لاحظوا إلا الله انا ما اتفقت على شئ كل الي قلته يختلف من اسرة لأسرة مراسم الزواج وغيره ومو بس من اسره لاسره من زوج لزوج ايضا

الحين بتفق وياكم على شئ واحد
لمن يزفونكم على عش الزوجية ايا كان فندق شقة ايا كان
اول شئ لا تحاتين ترا اهمه ما دش عليج الا عارف يدبر كل اموره هذا فطرة الرجل انه عنده قياده وتصرف فخليج منفذه لجميع طلباته واوامره لكن يمكن انه يجهل امور يحبذا لو تذكرينه فيها
اول شئ قوموا صلوا ركعتين شكر لله
ثاني شئ خليه يدعلي لج دعاء دخلوه عليج
يحط ايده على راسج ويقول
{ اللهم إني أسألك خيرها وخير ما جبلتها عليه وأعوذ بك من شرها ومن شر ما جبلتها عليه}

اذا مو حافظ يكتب بورقه اذا اصلا ماكان حاط اباله احنا بعصر التقنية وبقيقه بالموبايل طلعي الدعاء له حسسيه بالمبادره واذا شاف عندج جانب ايماني قوي يحترمج بشكل كبير وماكو رجل يزدري امرأه لايمانها إلا اذا كان كافر والعياذ بالله ويزدريها حقدا

الدعاء والصلاة مو فرض لكن سنه وحلو انكم تبلشون حياتكم سليمه وصح
خليه يصلي ويجهر بصلاته وانت صلي وراه

طبعا لازم تبدلين ملابسج ولبسي ملابس الصلاه وصلي وراه

بعد الصلاة اكيد طبعا بتتعشون اهوه بيقوم يعشيج بييب لج عشى من الفندق ولا من اي مطعم
انا والله انصحكم خواتي مهم جدا بهالليله انتوا ما راح تنامون بسهاله صدقيني بتسهرون ما راح اييكم نوم وبتموتين من اليوم مو حلوه تنحطين بموقف اصوات بطنج يصفرون بنص الليل
اكلي وتغذي كثر ولا يهمج وخلج من الكلام الفاضي تسمعينه من اهلج ولا صديقاتي او حتى بالمنتدى هني والله يحزنوني خليج ذربه اكلي شوي الي قالت لج هالنصيحه سأليها شصار فيج تالي الليل ؟ وشوفي مواقفهم
انا ابيلج خالص النصيحه
ممكن يخوزز فيج ريلج حلاله خليه اكلي وطالعي تحت حلو تكونين حياوية لكن مصلحتج ابدى مو تقولين مو مشتيه ومابي ترا الريال ذكي اذا حدج حدج حياوية سألج شنو تبين تاكلين قولي كيفك اهوه بيحط لج كل شئ جدامج وانتي اكلي وممكن يوكلج تقبلي منه كل شئ مو تقولين عيب باجر تتمنين انه يحط اللقمه بحلجج بيقولج عيب

تذكري انتي وياه بروحكم النفس عندج ضاق وخايفه ومتردده تذكري الشهيق والزفير وبترتاحين
بياخذج شوي يسولف وياج اخي وعطي وياه وبينكت ضحكي وياه واتمنى لو تسولفين وياه وتقولين له عن مواقف تضحكه لمن كنتي صغيره مواقف شكثر تضحك قوليله تدرين ليش انا اقول لج هالشئ

مثل ما تكون عندج صديقه يديده توه شفتيها تبي تتعرف عليه واهيه زميله وياج انتي مو مرتاحه لها وايد تجهلينها فالسوالف راح تبرد قلبج وقلبها وتضحكون وتزيد العلاقه بينكم نفس الشئ انتي وريلج يقولج موقف قوليله موقفين وضحك وضحك راح ترتاحييييييييين له وااااايد وايد راح ترتاحين
بعدين بيقوم يطلب منج حاجته على حسب الصيغه الي اهوه يبيها روحي وياه لا تترددين ولا تخافين
فرشي اسنانج ضبطي عمرج وخليج جاهزه له اول ما تطلعين بتشوفينه جاهز فوق السرير روحي قعدي يمه عادي واهوه بيتصرف
اول ما يبلش العملية لا تشدون اعصابكم ابدا ممكن بس البوسه تخليج تشدين اعصابج ما الومكم والله يلوم الي يلومكم نفسيه قاعد تتحولون من حاله لحاله لكن والله راح ترتاحون بعدها خليج هادية وتذكري الشهيق والزفير لاحظي اختي الكريمه ترا اهوه هم خايف مثلج ويمكن اكثر منج فلا توترينه صدقيني ماكو عوار بالعكس فيه لذه الي انتي تبين تسوين المستحيل عشان تحصلينها واهيه مره بالعمر ترا سمعي نصايحي :
1- لا تصارخين تحملي ماكو عوار لكن اكثر الآلام انتي تتوهمينها من الخوف وتستشعرين ان فيه الم لمجرد انه بس قابلج ( يعني توه واجهج ليما الحين ما صار الم ) انت على طول من خوفج تتحسسين وتقولين ان فيه الم .
2- ترا الريال خواف واذا كان شريف ترا العملية عمره ما طبقها ولكن هوه يتبع فطرته الي الله فطره عليها لكن مو بعيده انه يغلط ويسوء التعامل مع العملية بشكل صحيح وينتج آلام موضعيه فهني ايي دورج نبهيه وساعديه ومع الوقت راح تكتسبين الخبره انتي وياه ومو وقت طويل من تجربتين او ثلاث تتخرجون بتفوق بعد والله يوفقكم يارب
3- ترا الريال احتمال وارك وكبير انه يبوسج من مناطق مختلفه واسمحولي ممكن يلعقت بأماكن مختلفه ايضا ديري بالج من العطووووووووووور مو تسوين فيها انج شاطره وتعطرين من تحت تبين بخور بخري ونظفي وخليها نظيفه فقط العطور شويه على صدرج وشوية تحت شحمة الاذن وتحت الذقن مسحه ماخذتها من عطر ايدج اماكن النبض فقط لا تقمتينه

4- نفس النقطه 3 اثناء العملية اجسامكم تحتر لو مكثره عطور راح تنقمتين وتقمتينه وياج لا تحاتين باثناء العملية جسمج ما يفرز روائح كريهه لكن يحتر ويعرق وطبيعي انتي تبذلين مجهود كبير وتحرقين طاقه كبيره ما راح تعرفين هالشئ الا لمن تجربينه فمهم انتبهي للعطور

5- خليج منسجمه وياه ومرتخيه على الآخر مثل ما يقولون واهم شئ وافضل انج تشترينه ويكون وياج على التواليت مناديل ديتول المعقمه لو نزل دم خليها تحتج او خليه اهو يمسح بعض المناطق عشان لا تدمرين السرير وتذكري اهوه بيكون ماشي على فطرته وجدا راح يكون مراعين والي تتحسسين منه يحس قبل لا تحسين فيه

6- احتمال ما ينزل دم تقبلي الوضع عادي جدا غشائج ممكن يكون مطاطي يمكن الحبيب ما ثقبه واهوه ترا ادرى بهالشئ بس نبهيه انتي فلا تحولين الموضوع مناحه ولا تبجين ابدا وايد اعرف بنات الدم نزل من ثاني وثالث يوم وهم اكو بنات من اول إلتقاء بينهم عادي وطبيعي جدا وتذكري انت مختلفه عن كل الناس

7- اذا الله يسامحك شديتي اعصابج واهوه الله يسامحه اذا ما كان يعرف عدل راح تتألمين لا تستسلمين ولا تأجلين ابدا ابدا ابدا حطي ابالج اليوم تخلصين يعني اليوم وترا وايد يتعاطف الريال وياج لو تألمني وأجلتي والله يأجل انا اعرف رفيجتي أجلت وتحلف تقول ليتني ما أجلت طول اليوم ما نمت وافكر شبسوي باجر مانامت لي الصبح كانت خايفه ما ضبطت وياها العملية اهيه كانت شاده واهو مراعيها اكتشفت انه اهوه هم ما نام وحيل انغث والتفت عليها صارحها وقال انا ماني قادر انام واهيه صارحته وقال خلينا نحاول بس ريلها كان شاطر وقعد يهديها ويسولف وياها وكان يبي يهدي نفسه وقعدت تسولف وياه وقاعد عادي مو مشكله وهدو تحلف لي تقول ما سوينا إلا الصبح وبس خلصنا ارتحت راحه مو طبيعيه ويومهم كله كانوا نايمين فحرام ما تسوى عليكم صدقني لمن تخلصين راح ترتاحيين وتزيل كل همومج ويصير وضعج طبيعي جدا وعادي تماما

8- بعد ما تخلصون راح تغتسلون روحي خذيلج شاور انتي وياه وبانيو وريلاكسيشن واذا بفندق واهوه مضبط الجو الرومنسي البانيو بيكون ورود وشموع ترا يا بنات هذا بيشيل كل هل الليل وبيريحكم

9- بعد البانيو بتطلعون خدرانين نشفي نفسج عدل وجففي شعرج انا ما اايد تحطين ميك اب جففي نفسج ورطبي جسمج ونامي وياه

بعد ما نمتي معاه الليلة يا دور الصباحية
الصبح سواء اذا قعدتي قبله احلى شئ لبسي ملابس الصبح وميك اب خفيف وضبطي شعرج وخليج زاهبه قومي روحي للمطبخ واخذي لج فاكهه وقطعيها وسوي لج عصير وريوق خفيف جدا حقج وحقج وقعديه قوليله مزهبتلك الريوق واذا كنتي بفندق قعديه واهوه بيتصرف تذكري ان الوقت يكون مناسب مو مبجر حيل ولا حدكم قاعدين متأخرين انتي قعديه اذا شفتي الوقت متأخر ولا تستحين منه خلاص هذا ريلج اذا انتي قعدتي بعده سووي نفس الخطوات تماما اهوه راح يعطيج حريتج اذا يا صوبج تبوسمي وضحكي خليج متفائلة لا تكشرين مو لصالحج صار بعلج
عموما نفس الشئ اذا بشقتج توجهي للمطبخ بدون لا يقول لج واذا بفندق بيكون سابقج ومزهب الريوق حقج انتي وياه

ممكن بعدها تصير زوارات شئ هذا ترتيباتكم
بشهر العسل اذا خذاج برا وتحديدا جزيره او ديره خاليه احلى شئ ما يكون عنده إلا انتي واهو هني يا بنات كل وحده تكتشف ريلها واهو يكتشفها واذا كان مخيرج بشهر العسل يا سلام انا افضل جزر المالديف صج مو مال اسواق وتمشي بس كله اماكن رومنسية ومتزوجين بتقعدين وياه 24 ساعه جوكم راح ينترس بالوناسه والحلو الدولة اسلامية وفيها مسايد بتصلون وبتعرفون وقت الصلاة وكل شئ اما اذا كان بالشتاء مادري مو طاري على بالي ديره معاريس بالشتاء غيري ممكن اخبر بس عموما شهر العسل فايدته كبيره والله مو عشان تمشي واسواق وطلعات ومطاعم لا النفسية تتغير كل المتزوجين بعد شهر العسل متغيرين تروحين وياه بروحكم وتتعرفين عليه اكثر ويكون صديقج ومعروف الصدق ما ينعرف إلا وقت السفر بتعرفين معدنه وكل شئ عنه لو انتي انسانه سلبية واهوه انسان سلبي بعيد عنكم دائما بالزواج الازواج يحاولون تنافي السلبيات واكتساب الايجابيات ومن اهمها شهر العسل يحفز هالشئ عندهم وشوفوا المتزوجين وايد شكثر بنات اعرفهم تغيرت اطباعهم وتصرفاتهم بعد الزواج لان النفسية تغيرت الجو تغير
والله يتمم عليكم ويسعدكم يارب

ومن هني خلاص بديتي صفحه يديده واسم يديد ( متزوجه )

احب اقول جم نصيحه اخيره

بنات دايما لا تدورون على مواضيع ليلة الدخله وشهر العسل وهالسوالف
ليييييييييييييش ؟
لان تجربة كل وحده تختلف عن الثانية انا انسانه دورت دورت لمن دخلت كل وحده تكتب قصه وتجربة او تنقل خرافات اهيه شخصيا ما جربتها وتخرع الاوادم
ترا والله شئ حلو لو تدشين على زوجج ما عندج خلفية ولا درايه عن اي شئ غير فطرتج يومج مميز هذا يومج مو يوم فلانه ولا فلانه الثانية هذا يومج انتي
موضوعي هذا نصايح فقط ما قلت لج سوي وسوي وسوي وادري تجاربكم غير بس اكو غلطات احنا نطيح فيها وامهاتنا ينبهونا عليها وكل شئ قلته فوق كاتبه افضل وانصح ولو تسوين جذي من باب اسهل عليج هاليوم واقول والله والله والله يابنات احلى يوم وكل سنه تبين تحتفلين فيه انا لمن اقول لج لا تشدين اعصابج لا تتوترين حرام هاليوم الحلو تروح عليج سعادته ووناسته
واتمنى لو تتواصلون ويا ازواجكم قبل العرس وترتبون اموركم والله هالشئ بيهون عليكم احنا بعصر التقنية فيه بي بي فيه ايميل فيه حتى الرقم زوجته شرعا
مع العلم انا اقدر عادات وتقاليد الكل الي ما تقدر توصي امها ترا الام خير صديقه بهاليوم والله سألوني بس بدقون عليها ثاني يوم تبجون تبون تبوسون راسها والله يخليلكم امهاتكم ويحفظهم لكم يارب
طول اليوم ابتسمي واستانسي وابيج تستانسين اكثر بشقتج مع ريلج ومهم سالفه الاخذ والعطا بالحجي قط لج سالفه ضحكي وقولي : ذكرتني بسالفه صارتلي قبل وقوليها
هذا بينسيج رهبه الليله والله

انا ما اقول الله يسامح الي بث فيكم هالاوهام والخرافات
كل وحده عندها اخو ومقبل على الزواج ولا زواجه قريب شوفي وضعه شوفي حالته شوفي ليله زفته ترا والله نفس الشئ اهمه خايفين متوترين كل شوي يسولفون مو قادرين يسكتون يدش ويطلع ويمشي ويتكلم سبحان الله يمكن من هرموناته جذي انا صايره وايد ادقق على هالتصرفات بس احنا تركيزنا على انفسنا
في موضوع وايد حلو شفته عن تجارب البنات بهالليله بس مو هني بمنتدى ثاني والصراحه عندهم هناك قويه حدها والله يا بنات قريت مواقف بنات شكثر كلها ان الريل متفاهم ويا زوجته وحده كانت خايفه من العملية وتتألم وتبجي اليوم الأول خلها اليوم الثاني خلاها الثالث هم خلاها انا مرة انقهرت بس ما الومها اكيد نفسيتها تعبانه المشكله اهيه تعترف انها تشد اعصابها بعدها قال لها نبي نعدي شهر العسل هذا واول ما نرد الديره لازم تشوفين لج حل وقالت بروح طبيب نسا واستانس الريل وولمن ردوا جامعها وسوت نفس حركاتها كل مره حقرها وما رد عليها وكمل بعنف واهيه كانت خايفه من موضوع الدم ليش ما نزل كشفت عليها الطبيبة وما طلع فيها شئ اللهم جروح جروح بسيطه والغشاء جزء منه موجود وبالسفرة نزل منها دم واهيه عبالها يتها الدورة من خرعه مع العلم اهذه ذكرت ان الدورة من فترة قريبه يتها كانت خوافه وانا اقرى الموضوع حاسه بنفستها البنية قالت بنادي ريلي تكفين قوليله وفهميه واهيه قالتلها قصتها كلها من سافرة شهر العسل لهاليوم الريل لمن شاف نتيجه الطبيبه استانس وفهم الموضوع وقالت له خلها فيها اورام بسيطه خلها اسبوع ترتاح انا بعرف لو انها بالبداية مو ريلاكس ومو مرتاحه جان ما صار الي صار الله يهديها واهيه تعترف قالت نفسيته صارت زفت وزعلان وبعد كلام الدكتورة يبوس ايدي بالسيارة ويراضيني مهما يكون لا بنات لا تكبحون رغبات ازواجكم عشان ما تطلع وياكم مثل هالنتيجه السلبية

عموما انا واااااااااااايد طولتها بس والله جد حبيت افيدكم بكل الي عندي
وانا عيوني كلها لكم اي وحده عندها اي سؤال تقولي وانا حاضره من عيوني الثنتين
وآسفه اذا نسيت شئ
وهم آسفه اقين طولت عليكم

ارجو التثبيت للفائدة